عرض الإصدار الكامل : لا اعرف بماذا اصفك !!!!!
yaser
06-02-2004, 09:59 مساء
لا اعرف يا حبيبتي بماذا اصفك ؟؟؟؟
فكل الكلام قد قيل وكتب وسمع ، ومهما قلت فلن اوفيك حقك من الكلام :oops:
أأصفك بنور الشمس الزهي والقمر الندي ،،، ام بالنجم البهي والقلب الوفي
لا اعرف بماذا اصفك
أأصفك بالماء والانهار بالورد والازهار ،،،ام بالليل والاسمار والضوء والانوار
لا اعرف بماذا اصفك
أأصفك بقوة الجبال ووحدة النبال ،،،،،ام بسعة الخيال والنبل والجمال
لا اعرف بماذا اصفك
أأصفك بالسماء والزرقاء والحب والوفاء ،،، ام بالنور والضياء والعذوبة والصفاء
لا اعرف بماذا اصفك
أأصفك برقة النسيم وجنة النعيم ،،،،،،،،،،،،،،،،،،،،، ام اهديك قلبي الامين
ليظل عندك سجين
لا اعرف بماذا اصفك ،،،، لا اعرف ،،،، لا اعرف
zoher
06-03-2004, 12:41 صباحاً
صفها بنور عينيك ....صفها بقول عاشق ......حبيبتي
احببت فيك العيون الساحره التي ترسل بريقا ياسرا
وقامتك المديده التي اوحت الي بالعظمه ......حتى ظهرت لي ملاكا طاهرا ...فادركت باني جرفت بنهر الحب وعذابه .........؟؟؟
محمد ابوصقر
08-27-2004, 07:15 مساء
مرحبا يا ياسر انا محمد راشد
احسنت يا زهير بس بتمنى يا زهير انك تغير هاي المقوله لاني قرفتها جدد يا زهير
اما يا ياسر هاي الك :P
مساء ( الجوع ) ..
حين يمتد من الواو إلى العين .. ( وجعا ) ..
( وجعا )..
مساء المعدة الخاوية .. و " الفراغ المباغت " ..
و الأرواح التي رفض الحب .. " تأثيثها " ..
( دمعا ) .. ( دمعا ) ..
مساء ( الأرق )..
حين يتقلص ( رقّا ) .. ( رقّا )..
وحدنا نعرف .. معنى أن يصبح النوم أمنية ..
و الأوجاع .. وسائد ..
و النعاس .. ( عتقا ) .. !
و مساء الأحزان الممتدة ..
من صدري .. إلى صدري ..
و الأحلام المرتدة ..
من صدرك .. إلى صدري ..
مساء الوحدة تنهش أيامي ..
فلا أمانع ..
و أبكي ..
فقط ..
أبكي ..
مساء أمل منطفئ .. و أحلام لا تضيء ..
مساء اللا شيء .. سوى أشواق ثكلى ..
و كمين صباحي ..
لـ دمعٍ هاطل !
و أمل آفل ..
و غائب لا يجيء .. !
مساء : لمَ ؟ لمَ ؟ لمَ ؟
حرفين ممتدين .. من وجع إلى آخر ..
أججت الألمَ ..
و بعثرت الحلمَ ..
فلمَ .. بربك ..
لمَ ؟
مساء يدك .. تدفعني بعيدا ..
في لحظة اقتراب ..
و مساء ذات اليد ..
تطلبني ..
عندما أتكور
على حزني ..
و أذرف اغتراب .. !
مساء التفاهم عندما يغرب .. في اللا منطقة ..
عندما تبقى الأسئلة معلقة ..
كشأنها معلقة ..
كأيقونة مكسورة ..
كالشوق .. آآآآآآآآآه .. كالشوق !
كحبال مشنقة .. !
مساء الفقد .. عندما تبدو الأيام متشابهة .. إلا منك ..
فهل وجدت من تقول لك : صباحك ؟
و ترسم بالزرقة .. معطفا ..
تلون طيفا ..
يبحث عنك ؟
حتى فاتني أن أذكّرك .. أن تعود ..
و أرتب لك أكتاف الأسباب .. متحاذية ..
لا تنسى أن تعود .. :
لأجل .. و لأجل .. و لأجل ..
فتبا ..
تباً لموتي .. !
(( تبلدي .. طاغٍ ..
لا تراهن على قلبي .. كثيرا ..))
واحبك
zoher
08-28-2004, 01:07 صباحاً
:P
مرحبا يا احلى شباب انا اسف اني قطعتكوا الفترة الطويله هاي
انا حابب ارد على محمد راشد على موضوعه الجميل الذي كتبه وتعليقه الجميل على كتاباتي
على فكرة يا اصدقاء محمد راشد هو من اقرب الناس الى قلبي وهو صديقي الحميم وليس هناك من مر بتجربه محمد راشد بالحب ومعاناته التي استمرت طويلا والتي عشتها انا معه وشاركته معاناته واهاته
لكن احببت ان اسال محمد هذا السؤال
هل تشتاق لها ؟؟؟؟ وبماذا تصفها ؟؟؟؟؟
كنت قد استنتجت الاجابه كالتالي
نعم اشتاق اليها لكني اصفها بالوحش الكاسر الذي يدمر قلوب الشباب
لا والله انك وان رايتها مرتا اخرى فسينفطر قلبك وتمطر عيونك دما لا دمعا عندها ستصفها بانها ملك من عند الله
اتعلم لماذا لانها تركت داخل قلبك الكثير الكثير من الذكريات الجميلة
التي عشتها ولا زلت
احببت ان اخبرك بان الذي يحب لا يكره
وردي على ياسر كان وصفي لحبيبتي التي هجرتني منذ زمن وانت تعرف قصتها ولا ازال اعشقها
حبيبتي ___ احببت فيك العيون الساحرة التي ترسل بريقا ياسرا
وقامتك المديده التي اوحت الي بالعظمه فادركت باني جرفت بنهر الحب وعذابه
فلا تنكر يا محمد بانك وفي يوم من الايام قد جرفت بذلك النهر وعذابه
احببتها ولا ازال وتحبها ولا تزال
اخحبر العالم بذلك اصرخ في وجه الزمن احبــــــــــــــــــــــها ولا تقل اكرهها
واكره عذابها
لان لعذاب الحب ملذة لا يستمتع بها غير العاشق
صديقي تحكم بالحب ولا تدع الحب يتحكم بك لتعيش هنيا فبدون عذاب الحب لا توجد المتعة او الاثاره
صديقك العزيز واخوكم nice_dream
yaser
08-28-2004, 08:50 صباحاً
مرحبا زهير كيفك
ولك وين هالغيبة ما بتبين بالبداية كنت نشيط لكن قطعتنا فترة بس مش مكشلكة اكيد رح ترجعلنا
وبالنسبة لقصتك انت ومحمد راشد انت عارف انه انا بعرف قصتك بس اول مرة بسمع بقصة محمد راشد بس يالله فرصه سعيدة انه نسمعها لما نشوفه
وشكرا الكم على هذه المشاركات وحابب احكي لكل الصبايا هون ما حدا فيكم يحط عينه على زهير لانه خطب قبل اسبوعين :wink: :wink: :wink:
محمد ابوصقر
08-28-2004, 02:53 مساء
انا محمد راشد من الاردن والعمر 23
بحب اشكرك يا زهير على المشاركه واشكرك على المجامله الطيفه يا زوء وبشكرك لانك وقفت جنبي في المعاناه الصعبه القويه وبشكر ياسر ايضا انو رحب بي كصديق في المنتدى اما انت يا زهير فكلامك غلط لاني اذا رأيت حبيبتي السبابقه فلن اكترث لها فلقد نسيتها وانت تعرف ذالك ولك انت تعرف وكل شخص مر بتجربه حب اكيد يعرف انو لا بد من ذره من الاشواق والحنين على ما اعتقد يا زهير انك فهمتني يا عديلي يا زهير :lol: :lol:
اما انت يا ياسر سخبرك عن التجربه القاسيه التي مررت بها
واشكركم جدا
هاشم النعيم
09-28-2004, 12:31 صباحاً
مرحبا حب شكرا ع الكلمات الحلوه وبتمنى تستمر في تزويدنا بهيك مواضيع
وبعدين
وينك مش اهل اربد يسرقوك منا بزعل منك والله
والله بزعل
بزعل عن جد هلا
احكيلك
وما ازعل يعني بشو ضارك
GOOD LUKE
yaser
09-28-2004, 07:47 مساء
يسلموا حبيبي يا هاشم على كلامك
وبعدين انا ما بسرقني حدا منكم
الا الموت لا اهل اربد ولا حدا تاني
انتوا حبايبي واهلي وناسي وما بستغني عنكم
بعدين اكيد
بهمني زعلك مش انت حبيبي
تحياتي : مشرف المنتدى ياسر البيراوي
محمد ابوصقر
09-28-2004, 08:00 مساء
الى العزيز والصديق والخ وكل شي في هذه الدنيا ياسر انا اكيد رح اشتقلك
كتير كتير
مع حبي واحترامي لياسر وما تفكر انو رح يوم ننساك احنا رح نبقى اخوان للأبد
محمد ابو صقر
besan
01-02-2005, 08:48 مساء
صفها بكل ما تحمل في قلبك....
وقل ما تحمل في قلبك...
فالتعبير هو ما نستطيع...
تحياتي..
yaser
01-07-2005, 08:29 مساء
شكرا الك بيسان على هالرد وصدقيني من اليوم وطالع رح اجياستشيرك بشو اوصفها :wink:
تحياتي ياسر البيراوي
Dandonah
04-03-2005, 05:04 مساء
انت حقا مبدع يا اخ ياسر
واحاسيسك صادقه
و مشاعرك حزينه
رقيقه كمااااء عذب يتدفق
كلماتك مميزه و معانيها معبره
حروفك النادره تحمل الكثير و الكثير
استمر ولا تندم على الكتابه................ :wink:
محمد ابوصقر
04-03-2005, 07:22 مساء
اهلا وسهلا بالجميع والى الامام
محمد ابوصقر
yaser
04-06-2005, 09:53 مساء
مرحبا شباب وصبايا
كيفكم
وكيف المنتدى
وشكرا الك يا دندونة على هالكلام الصادق
والى الامام جميعا
SBARADY
04-13-2005, 02:32 صباحاً
اسمع مني يا ياسر واوصفها بالشي الي هيه بتحبك توصفها فيه يمكن تحبك توصفها بالذكيه وانت عم توصفها بالقمر بتكون ما وصلتو لبعض بس تعرفها منيح بتعرف توصفها صدقني
محفور انت على وجه يدي كاحرف كوفيه على جدار مسجد
محمد ابوصقر
04-13-2005, 02:27 مساء
الله عليكي يا ساندي
كلك حكم وعبر
والله لا يحرمنا منك
محمد ابوصقر
SBARADY
04-14-2005, 03:34 صباحاً
الله يخليلي اياك وتضل تدعيلي دايما
محفور انت على وجه يدي كاحرف كوفيه على جدار مسجد
yaser
05-02-2005, 01:03 مساء
هاي يا جماعة كيفكم
والله بالنسبة لانه انا اوصفها باللي هي بتحب ان اوصفها فيه
فهي بتحب احكيلها اي شي حلو :oops: :oops:
وانا ما شاء الله عني مبدع بهيك امور
تحياتي واحترامي للجميع
ياسر البيراوي
SBARADY
05-02-2005, 01:26 مساء
مادام بتعرف كيف تحكي وتضحك على عقلها ليش عم تسالنا يا شاطر
محفور انت على وجه يدي كاحرف كوفيه على جدار مسجد
محمد ابوصقر
05-02-2005, 08:33 مساء
هههههههههههههههههههههههههههههههههههههه
قويه على الاخر
ههههههههههههههههه
محمد ابوصقر
yaser
05-02-2005, 09:21 مساء
مين الي حكالكو اني سألتكم
انا بحكي معها وبحكيلها لا اعرف بماذا اصفك
وما سالت حدا :wink: :wink:
DANA
05-07-2005, 03:25 صباحاً
مرحبا شباب كيفكم ؟؟؟
والله زمااااااااان عني وعن ردودي بس انا متل مدنب هالي بطلع كل 86 سنه مره...
هههههههههههههههههه
بايخه بعرف .....
:D :D :D
وعلى مبدأ سكت دهرا ونطق كفرا :
والله طعجت الكل يا حصتي و جد نيالها :wink: والله يخليلك اياها :wink: وابقا سلملنا عليها
..........
كمان :wink: !!!!
take care
yaser
05-07-2005, 10:58 مساء
والله زمان عنك يا دندوووووووووووووووووووووووووووون
وينك ووين هالغيبة
ولك والله المنتدى بدونك ولا اشي ( مع احترامي للموجودين )
على فكرة لكل الاعضاء الجداد هاي دانة احلى والز واخف دم مشتركة عنا
بس زمان عن ردودها الحلوة
يالله بسيطة يا دانة منيح انك رجعتيلنا
ملاحظة : مبروك الكيبورد الجديد يا دانة :wink:
تحياتي : ياسر البيراوي
DANA
05-08-2005, 01:34 صباحاً
شكرااااااااااااا يا حصتي والله انك كبرت راسي - أكتر من الاول - ..
هههههههههه :D
والله يبارك فيك وبهالمناسبه انت معزوم على أحلى صدر نواشف ....
ههههههههههههههههههههههه :lol:
ونظرا لحاجتكم الماسه لردودي الكريمة سأدرس موضوع عودتي من جديد ...
:lol: :lol: :lol:
byyyyyyeeeeeeeee :wink:
هشام النعيم
05-08-2005, 11:37 صباحاً
والله يا ياسر ما حد قدك معزوم على نواشف عيش مثل حكايتنا بالجيش مو ملاقين لا نواشف ولا حتى مبلول
منظل لييوم الخميس لحتى ناكل شيء منيح لما نروح على البيت
واهلا وسهلا فيكي يا دانا
هشام القضاه
SBARADY
05-12-2005, 12:47 مساء
اها واليوم خميس الاكل طيب معناها
محفور انت على وجه يدي كاحرف كوفيه على جدار مسجد
yaser
01-04-2006, 02:34 صباحاً
شباب بهالمناسبة الجميلة انه الانسة دانا عازميتني على صدر نواشف
انا حابب احكيلكم شغلة عني وعن الانسة دانا
يا جماعة انا بشرفني وبكل فخر وبكل ما املك من مشاعر احكيلكم انه البنت اللي كنت احكي عنها بلا اعرف بماذا اصفك هي دانة :oops: :oops: :oops:
وبعترفلها وقدام الجميع انه بحبها وبموووووووت فيها
واكيد هي عارفة هالاشي متل ما انا عارف انها بتحبني :oops:
بتمنى من الجميع انه يدعيلنا انا وهي انه نضل مع بعض على طووووول وهذا وعد مني الها قدامكم انه اضلني على الوعد والعهد اللي بيننا يا احلى دندووووووووووووووووون بالدنيا
تحياتي : مشرف المنتدى
ياسر البيراوي
mahmod
01-04-2006, 02:47 صباحاً
الله يزوجكو ويخليكم لبعضيكم على طول يارب
تحياتي شباب وصبايا
DANA
01-04-2006, 04:24 صباحاً
بصراحة انا في قمة الإحراج :oops: ( يعني مستحيه ) :oops:
وكل الي بقدر أحكيه عقبال عند العايزين ويكفينا شر الحاسدين (حلوه)! :lol:
وبهالمناسبة الاسعد من السعيدة الكل يا جماعه معزوم على صدر حمص وفلافل بالله عليكو
تتفضلو وبتشرفوووووووووونا :lol:
أما الرد على كلام ( ياسر ) فأنا بفضل يكون بيناتنا إحنا التنين :oops: :oops: :oops:
وادعولنا ....
محمد ابوصقر
01-04-2006, 12:03 مساء
واذا دانا عامله عزومه على سدر حمص وفلافل انا رح اعزم دانا وياسر على سدر فول
وهاي مني لياسر ولدانا
http://dm3ty.net/uploader/uploads/1127512788_aaaa.jpg
وانشالله تعجبكم
mahmod
01-04-2006, 10:34 مساء
ههههههههههههههههههههههههههه
والله حلوة هاي الفكرة تحت المي ههههههههههههههههههههههههه
تحياتي ياكبيييييير
محمد ابوصقر
01-05-2006, 05:07 مساء
لا يا خوي انتا الاحلى
DANA
01-08-2006, 12:19 صباحاً
شكرا محمد غلبت حالك , ومن هلأ انا بدي تكون انت المأزون !! :lol:
وجد تحت المي اريح واوفر يعني نص المعازيم رح يعتزرو
ونص الي رح يجو رح يعتزرو عن الضيافه ونص الي رح يضيفو رح يموتو خنيق . يعني ما رح يضل
غيرك ,وزي ما بتعرف انت المأزون وأكيد ما رح تضييف !!
شفت كيف اوفر 8)
يالله باي يادووووووووب الحق احضر حالي !!! :shock:
محمد ابوصقر
01-09-2006, 03:17 مساء
اه ولا خبي قرشك الابيض ليومك الاسود يا ام كمونه
خخخخخخخخخخخخخخخخ
ههههههههههههههههههههههههههههههههههههه
:P :P :P :P :P
yaser
01-09-2006, 11:04 مساء
والله يا ابو حميد ام كموونة ولا ام عصفر انا راضي فيها كيف ما كانت تكووون
وعلى كل حال انا بدي اطلع اكرم منكم كلكم ويوم عرسي الكل معزوووم على مناسف
اما بالنسبة لدانا بما انها العروووس فما حتقدر تيجي
بس هي بتحب المنسف كتير وعشان هيك انا رح اجيبلها صدر منسف لحالها على البيت
وادعوولنا جميعا
تحياتي : ياسر البيراوي
مشرف المنتدى
محمد ابوصقر
01-11-2006, 07:06 مساء
الله يوفق الجميع ومبروك