مشكلة

[Hazeen]

الى روز الى كل من يريد ان يسمعني ما بعتقد انو مشكلتي انا فريدة من نوعها يمكن هالكلام بيتكرر كتير بالمنتدى اخ يا جماعة صدقوني والله العظيم فرطت فرطت افكار بتاخدني افكار بتجيبني المشكل انو صرت ما عم بقدر اتحمل شي صارت اخلاقي ضيقة ما عم استوعب شي صرت عصبي زيادة عن الزوم قلة الشغل مشاكل الاهل الاصحاب صارت حياة صعبة مش عارف كيف بدي ضل واقف وكون قد حالي بهيدا المجتمع اللي نحنا فيه هلة بدعي كل يوم انو الله يرزقني سفرة اقدر اطلع اشتغل كون نفسي عمري 25 سنة ما بملك على شي ومش قادر اعمل شي صرلي 4 سنين على هيدي الحالة سهر للصبح ما بقوم من الفرشة الا 3 الضهر بقضيها انترنيت وشرب للصبح وسهر ومشاكل ما حدا لحدا ما حدا بيرحمك بهالوقت بدك تكون قد حالك اهلي من جنب الاصحاب من جنب قلة الشغل من جنب التفكير قتلني ضايع بهالحياة صرت عم عيش كل يوم بيومو مش سألان عن بكرة هددت اهلي فكرت بالانتحار كتير شربت منوم شربت كتير مشروب بكحول وانا لهلة ماشي بهالطريق وبهيدي الايام ما فيك تفتح قلبك لاي شخص وما فيك تعطي سرك لحدا غلطت كتير لا انا بحق العالم وبحق نفسي عملت ذنوبات كتير وبقول وبتمنى ربي يسامحني بستغفر ربي وبطلب منو السماح وبرجع بغلط وبعمل اكتر من اللي عملتو مش عارف مش مقتنع بحالي بعرف اللي عم اعملو بغلط وبرجع بكرر الغلط الحياة اخدتني بطريقها بطريقة مش منيحة اصحابي جروني بطريقهم بطريقة مش مزبوطة عايش ومش عايش حابب احكي كتير حابب فرج عن همومي بقول اخ وصدقوني وموجوع والوجع من جوا قلبي حكيت كتير انا بس صدقوني حكيت كتير لاني فعلا حابب احكي زمان وانا كاتم بقلبي اخوكم الحزين وبرج بكرر شكري لروز والاخ المشرف ياسر ولكل مين عم يقرأ رسائلي باي

[yaser]

تحياتي الك وصدقني انا شاعر معك انا رح احكيلك حكي يمكن يكون قاسي عليك شوي لكن صدقني فيه مصلحتك اول شي انت الغلطان من البداية لانه فلنفرض انه انت عندك مشاكل بس انا لاحظت انه المشكلة الرئيسية اللي انت بتعاني منها هي الشغل والفلوس صح ؟؟؟؟؟؟؟

وحياتك انك غلطان لسببين .........اولا صدقني الفلوس مش كل شي بهالدنيا وصدقني انها وسخ ايدين ممكن انك تعيش حياتك مبسوط وما في مشاكل حتى لو ما معك فلوس

اما بخصوص الشغل فنا ارح اوضحلك الاشي اللي انت غلطان فيه

انت مو ملاقي شغل هذا شي طبيعي .... بس يا هل ترى انه اي واحد مش ملاقي شغل بروح بشرب وبعصي ربنا طيب مهو اذا كان في امل انه الله يرزقه بشغل رح الله يقطعه عنه

ومتل ما قال ربنا عز وجل في القران (( ومن يتق الله يجعل له مخرجا ويرزقه من حيث لا يحتسب ))صدق الله العظيم
وحياتك يا حزين انه هذا كله اختبار الك ولو انك صبرت وما عملت ذنوب مستحيل انه الله يترك عبد من عباده بضيقة وهو بدعيله 4 سنين متل ما تفضلت ولو انك لجأت للدعاء والصلاة وتستنجد ربنا كان ما ضليت على هالحال
ومتل ما بنعرف انه الله يمهل ولا يهمل

والله عز وجل الناس اللي بكون معهم فلوس وبعملوا ذنوب الله بقطع رزقهم فما بالك اللي اصلا بدون شغل وفلوس وفوق كل هذا بعصي ربنا مع احترامي الك هذا المفروض ؟؟؟؟؟ بلاش اكمل يمكن تزعل :wink:
حلك الوحيد عشان تستعيد معنوياتك ارجع عن الذنوب اللي بتعملها وتوب توبة نصوحة لله وادعي وضلك شهر على هالحال وحياتك الا ربنا يستجيبلك بس اهم شي يكون القلب نضيف

وما تفكر انه من كلامي هذا انا شيخ ومن هالكلام لا بس هذا امر مفروغ منه والكل بعرفه وسيبك من اللي بحكولك ما تصلي والله لو بده يرزقك كان رزقك ومن هالكلام انا بعرفهم اللي بصيروا يهوووولك اكيد شلة الانس تبعتك نصيحتي ابعد عن كل اللي ممكن انهم يبعدوك يضروك

وفكر فيها بالعقل واسال حالك انك لو ضليت على هالحالة رح يصير شي جديد او رح تتطور
الجواب الحتمي لا لانه رح تزيد الطين بله والحل الوحيد الرجوع الى الله ومناجاته

وجرب وما رح تندم
ورح استنى منك رسالة مليانة بالامل
ورح تدعي لاخوك ياسر

تحياتي : مشرف المنتدى ياسر البيراوي

[Hazeen]

والله والله والله يا اخ ياسر كلامك بيفرحني بحس فيه طيبة وكمان كلامك هيدا على راسي من فوق يا مان كلام حلو وبيدخل القلب وبيفرح القلب كلامك مظبوط ومنطقي بس المشكل انو انا بعرف انو هيدا كلامك مظبوط 100% بس انا ما عم بقدر اعملو مش عارف كيف بدي فسرلك اخي اخ يا مان لو بتعرف اللي بقلبي صدقني بتبكي عليي مش عم قلك هيك كرمال اكسب عاطفة منك بس والله العظيم هيدي الصراحة :cry: انا بعرف انو كل انسان عندو هموم واكيد انت عندك مشاكلك الخاصة انا رح قلك شي اخي لك اخي انا هلة عم اكتبلك والساعة هلة نص ليل وانا هلة عم اشرب لك اخي انا من اليوم ورايح رح وقف شرب رح حاول كون نفسي بمعنى اني كون سيد نفسي يكون عندي ارادة بس ما بوعدك انو هالشي رح اعملو بس بدي حاول ويا رب تظبط معي يا رب :cry: :cry: :cry: وانا متشكرك كتير على الرد اللطيف شكرا الك اخ ياسر اخوك الحزين

[كيمو]

اولا:السلام عليكم ورحمة الله وبركاته
اخي العزيزاحب ان ابدا معاك بقول الملك الجبار الغفور الرحيم
{وماخلقت الجن والانس الاليعبدون}

انا كنت مثلك واخص شوية وكانت كل حياتي هي سماع الغنى
وفكرت افكار لااحب ان اذكرهى وعانيت والله والله ماوجت السعادة
وهي كانت امامي ودااما امامي ولاكن نحنو لا ننضر اليهى
وهي تقو الله عجوجل
وسوفى ترى السعادة الحقيقية
كل ماعليك ان ترجع لربك وتستغفر وتقرا القرآن الكريم اتعرف ماذا سيقول لك ربكان اتاه تائب؟

{{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيم}}

واحب ان اذكرك ان الله الرزاق ماهي الواسطات واذاكنت تريدواسطة تريد عمل فأبسط يدك الى الرزاق وجعله واسطة وسوف تجرب النتيجة

وايضاً احب ان اذكرك بقوله الابذكرالله تطمأن القلوب
وسوف تجد السعادة الحقيقية الذين كثير من الناس لايعلمون اين هي يحسبونهى في الزنى او شرب الكحول او في الفلوس

سسوف اسألك سأل وجاوبني بصراحه!
كم مرة فرشت السجادة وخريت ساجداً لله ؟

اخي الكريم لاتضيع نفسك جرب تب الىالرحيم والله وسوفى ترى بنفسك كل شئ يتغير امامك
اليك هذا:

[يقول الله تعالى: أنا عند ظن عبدي بي،وأنا معه إذا ذكرني،فإن ذكرني في نفسه ذكرته في نفسي،وإن ذكرني في ملأٍ ذكرته في ملأٍ خيٍرمنهم،وإن تقرب إلي شبراً تقربت إليه ذراعاًً،وإن تقرب إلي ذراعاً تقربت إليه باعاً،وإن أتاني يمشي أتيته هرولةً]

[yaser]

اول شي بشكرك لانك تفهمت كلامي واستقبلته بدون زعل

تاني شي شكرا للاخ كيمو على هذا الكلام

انا شعرت من رسالتك انه ابتدأ عندك الامل من جديد وان شاء الله رح يستمر هذا الامل عزيزي الحزين انا بدي انصحك نصيحة انه اذا بدك ترجع لله وتتوب ما تقلب 180 درجة يعني من الحال اللي انت عليه مش مرة وحدة ما تحس حالك الا انت شيخ ومتعصب للدين بسرعة هذا كلام خاطئ لانه اذا صرت هيك صدقني انك غير تزهق من اول شهر ورح ترجع متل ما كنت لكن امشي خطوة خطوة واول شي الصلاة وترك الشرب وبعدين درجة درجة اطلع السلم لانه وكما قال رسول الله ((ان هذا الدين متين فأوغل فيه بلطف , فإن المنبت لاظهر ابقى ولا قطع طريق )) صدق رسول الله ومعنى هذا الكلام ان لا تتوغل بالدين دفعة واحدة لانه بعدين رح تزهق

امشي خطوة خطوة وصدقني رح تتيسر امورك بعدين ورح لحالك تشعر انه الامور بدأت تزبط معك

انتظر منك رسالة فيها اخبار طيبة

تحياتي : مشرف المنتدى ياسر البيراوي

[محمد ابوصقر]

صديقي الحزين انا محمد من الاردن والعمر 23
يا حزين انا شاعر معك لاني كنت مثلك وفي نفس المطب الاي انتا واقع فيه ولكن كل الاي بقدر وانا حاسس فيك لك انصحك نصيحه ان تجعل مخافه الله امام عينيك ولا يهزك ريح وانا اعتبر كلامك انك تسافر من الشاكل هاي اسمها هروب وهاد الهروب لن تسفيد منو اي شي بلعكس ستزداد الحل الوحيد رضى الله ورضى الوالدين هاي افضل شي وانا متأكد ولو انتا فعلا انتا حاطط مخافه الله امام عينيك ما رخح تعمل هيك ولا رح تفكر في هاي الامور السيئه ونصيحتي استغفر الله وادعو ربك بالصلاة وأقراء القران الكريم وستفرج عنك كل مشاكلك وهمومك واهي نصيحه الك يا حزين واهلا وسهلا فيك وهاي اميلي يا حزين
mah_sa82@hotmail.com
اخوك محمد
مع تحياتي لك بالتوفيق الدائم
محمد ابو صقر

[rannoooosh]

اسمع خدها مني كلمة مش كلام

اذا بتضلك هيك رح تنجلط وانت الخسران الوحيد

عيش الحياة متل ما هي وجاريها لانه الحياة حلوة بس احنا اللي بنخليها مش حلوة :wink: :wink:

تحياتي الك صديقتك رنوووووووووووش الامورة

[yaser]

يالله عيش يا حزين هيك كسبت صديقة جديدة من انشط الصبايا عنا بالمنتدى وهي رنووووووووووووووووش بس حابب احكيلها وين هالغيبة كانت اول انشط من هيك :wink:

[محمد ابوصقر]

مرحبا حزين انا محمد من الاردن والعمر 23
احنا حكينالك يا حزين عن مشكلتك وعن الحلول بس يبدو انك غير متجواب مع الفرق وانا بحب احكي لرنوش بدنا همه زياده علشان نرفع من معنويات الحزيت يعني بالمشرمحي خليكي يا رنوش أمدردحه شوي :lol: :lol: :lol: 8)

[Hazeen]

مرحبا يا جماعة انا بعتذر لانني تأخرت بالرد عليكم اخي ياسر شكرا الك مان وعلى تجاوبك معي بشكر الاخت رنوششششششششش والاخ كيمو والاخ mah_sa82 على مشاركتون واهتمامهم بموضوع ومشكلتي جد يا جماعة كلامكم أثر فيني كتير وانا يا اخي يا سر من اخر رسالة كتبتها لك وانا عم حاول اعمل جهدي اني اعمل متل ما كتبتلك بالرسالة وانا بس بطلب من رب العالمين يساعدني وانا عم اعمل جهدي يكون عندي ارادة وقوة نفس واقدر سيطر على الامور انا بتشرف اني كون صدبق الكم وشكرا لانكم فتحتو قلبكم اللي وشاركتوني مشكلتي انا مقدر كتير هالشي بوجه شكري للاخ ياسر من اعماق قلبي ورنوش وكيمو و mah_sa82 بطلب منكم تكونو اصدقاء اللي اقدر افتحلون قلبي وصارحهم بمشاكلي بتعرفو شو عملت يا جماعة انا عملت كوبي لكلامكم نسخت الصفحة كلها ووضعتها بغرفتي وانا عم اضل أتأمل فيها وأقرأها شكرا لاهتمامكم بموضوعي اخوكم الحزين

[محمد ابوصقر]

انا محمد من الاردن والعمر 23
يا صديقي يا حزين لا تشكرنا بل هاد واجب انو نساعدك لانك اخ وصديق عزيز وصدقني ما رح تندم على صداقتنا ونحن رح نبقى معك والله معك

[abu-3meer]

مرحبا عزيزي يالحزين
أنشاءالله انو وضعك أتحسن هسا لانو صدقني الحياة بأيد الأنسان يخليها جميلة أو تعيسة والله صدقني, الأنسان ممكن يخلي حياته جميلة حتا لو فيها مشاكل,وممكن يخليها تعيسه حتى لو ما فيها مشاكل. أنت انظر للحياة بشكل غير الي بتنظره فهالوقت.حسس نفسك أنو الحياة لسا طويلة و ما بتعرف يمكن الجاي يكون من أسعد الايام الي حتمر عليك.يعني مشاءالله لساتك عز الشباب و الحياة طويلة قدامك,وبأيدك تعيشهم بنبساط و سعاده,وبدي كمان أحكيلك أنو فش اشي اسمه راحت علي او خلص ما بقدر أسويها.يا زلمه في ناس بدخلو جامعات وهما 50,هدول لانهم عندهم أمل فالحياة وحبين يعيشو حياتهم سعدين بطريقتهم.
أنا اليوم عيد ميلادي و بعرفش ليش بس حاسس ما أحلا الحياة,طبعا هادا كله برجع لنفسيتي انها مرتاحة,فشايف كل اشي حولي حلو و أمل.
أتمنى أنو ترجعلك حياتك الي بتتمناها,بس زي ما بقولو يوم ليك ويوم عليك,ف KEEP IT UP هاهاهاهاها.يلا حبيبي أهدى وفرفش وأحكي أنا الحزين وبس والباقي كله خس هاهاهاها.
يلا سلام و سلامي لكل الشباب و الشابات الي هون. :lol:

[rose]

مرحباااااااااااااااااااا حزين كيفك بتمنى انك تكون احسن بعد ما صار الك ها لأصحاب اللي عنجد حابين يساعدوك بس بيدهم منك انك انت كمان تساعدهم .............
حزين اسفة لا ني اتاخرت با الرد عليك كنت مشغواة با الامتحانات الجامعة واليوم خلصت وهلأ انا رح اعطل لغاية 3-10 بس هادا مش معناه اني ما رح اكتبلك.............

حزين يا ريت تكون اقوى من هيك اكتر من هيك ما بقدر احكي ولا لشو اسمك زلمة !!!!!!!!!!!
واكتر من الحكي اللي حكو الشباب بقدرش احكي !!!!!!!!!!!
اتزكر انه الله كبير وما بنسى حدا من عباده ياريت ترجعلههههههههههههه

[Hazeen]

سلامي للجميع وشكرا روز وابو عامر وللجميع على الرسائل الحلوة هيدي صدقوني يا جماعة والله وربي من فوق شاهد على كلامي هيدا كتير مبسوط بكلامكم بحس فيه انو طالع بصدق ما فيه تزييف بحب سلم على الجميع ولكل اللي عم يبعتولو رسائل وبحب اسأل عن الاخ ياسر وبقلو وينك اخي؟ ومن بعد امرك خليك عم تحكيني ما بكذب عليكم انا عم حاولاني اعمل عن اللي قلتولي عنو وعم حاول اعمل الشي اللي بلاقيه منطقي ومزبوط بدي اعمل شي انو اقدر افتخر فيه انو عملتو لنفسي يعني اقدر زبط بحالي عم حاول اطلع السلم درجة درجة مش رح قول انو بدي اعمل ملاك بس شوي شوي احسن من ولا شي وانا يا جماعة بعتز بهالصداقة اللي عطيتوني اياها وبتمنالكم من قلبي التوفيق بحياتكم وتكوونو سعداء بشكر الله علة هالصداقة الحلوة اللي انا حاسس فيها من داخل قلبي ظروفي ما كانت عم تسمح اقدر اجي الانترنيت بس اول ما دخلت الانترنيت كانت صفحة على كيفك اهم الشي انها تكون مفتوحة وكنت متأمل اني لاقي رسائل والحمدلله لقيت اخ يا سر انا مشتقلك مان وانشالله تكون بالف خير وشكرا للجميع ما بدي اذكر اسماء حتى ما انسى اسم حدا اخوكم الحزين

[yaser]

حبيبي حزين كيفك مان

معلش انا تأخرت بالرد لانه كنت ماخد اجازة من المنتدى شوي مشغول كنت بامتحانات الجامعه وبعديها انشغلت شوي

بتمنى من الجميع انه يسامحني على التأخير وشكرا الك يا حزين على سؤالك عني وانا الحمد لله مو ناقصني الا سماع اخبارك الطيبة

وبشكر بالنيابة عنك روز وكل الاخوان اللي ساعدوك وكتبولك وهذا هو اللي احنا اسرة المنتدى بنسعى لتحقيقه التكافل والاتحاد بين الاعضاء

انا رحعتلكم خلص يا شباب

ديروا بالكم على حالكم وعلى حزين لانه غالي عندي
تحياتي مشرف المنتدى ياسر البيراوي

[محمد ابوصقر]

مرحبا كيف حال الجميع انا محمد انا بحب اعرف اخبار الحزين وشو صار معاه اشي جديد وتاني شاي ماتخاف يا اخي ياسر الحزين صار من عيله المنتدى يعني صار منى وفينا (079) الحزين بعيونا ماتخاف عليه المهم انك يا ياسر تتوفق بالامتحانات والله يوفقك وينجحك انت شباب وصبايا الجامعات
باي

[yaser]

تسلملي يا رب با محمد والله انك على راسي من فوق

ودايما انت بتفرحني بكلامك اللي زي العسل

بس حابب اسالك عن زهي ليش بطل يشاركنا

اشتقناله والله

[محمد ابوصقر]

مرحبا ياسر كيفك بنسبه لزهير فالله يعينو شغلو ولا على خطيبتو ولا على ايش وايش بدو يلحق الله يكون في عونو

[Hazeen]

اخواتيييييييييييييييييييييييييييييييييييييييي اللي بحبوننننننننننننننننننننننننننننن انتووووووووووووووووووووووووووووووووووووووووووووووو وووووووووووو ياسر حبيبي محمد كلك ذوققققققققققققققققققققققققق
وكلامك بفرحني كتير والله اخ ياسر الله ينجحك يا ربببببببب ويطول بعمرك الله يوفقكم يا شباب والله انا بشكر الله اني تعرف عليكم حبيباتي الله يوفقكم يا رب اخوكم الحزين

[yaser]

كيفك وشو اخر اخبارك

اول شي ميرسي كلك زوق زالله يا حزين

تاني شي ولا يهمك احنا اخوان بالبداية وتاني شي احنا هون عشان نساعدك وان شاء الله اننا كنا عند حسن ظنك

دير بالك على حالك

باي

[Hazeen]

سلام يا جماعة حبيبت سلم عليك وحابب اسمع كلامكم واطمن عنكم انشالله تكونو بخير يا رب الله يخليك اخ ياسر ويطول بعمرك حبيبي كلك ذوق على المسج وانشاء الله خير اخوكم الحزين

[Hazeen]

السلام عليكم عليكم جميعا رمضان كريم وينعاد عليكم وعلى الاهل بالخير والبركة يا رب كل عام وانتم بخير جميعا اخوكم الحزين

[mahmod]

السلام عليكم

كل عام وانتا بخير وصحه انشالله اخوي حزين

,,,,,,,,,تحياتي,,,,,,,,,,



========================================
:P (((((((((ابو وليد)))))))) :P

[محمد ابوصقر]

كيف حال الجماعه شو اخباركم
شو اخبارك يا حزين شو ين هالغيبه يا حزين طولت الغيبه
رمضان كريم

[Hazeen]

يا اهلا بالاخ محمود والاخ mah_sa82 رمضان كريم علينا وعليكم والله نشكر الله انا بخير وشكرا لسؤالكم عني والله بهالحياة ومشتاق للاخ ياسر زمان ما سمعت منو شي انا نشكر الله شكرا الكم يا اخواتي اخوكم الحزين

[yaser]

هاي يا جماعة كيف الحال

انا والله مشتاقلك كمان يا حزين

انا موجود بس انت اللي وين هالغيبة ما بتبين

تحياتي الك وللجميع

وكل عام وانتوا بخير

[Hazeen]

السلام عليكم حبيب قلبي اخ ياسر يا زلمة سبحان الله ما شفتك وما عرفتك بس والله بشتقلك كلامك حلو وبيعجبني رمضان كريم وانشالله بينعاد عليك بالخير والبركة انا نشكر الله عايش وعم حاول اعمل شي من نفسي انا مشتاق للجميع كيف الجميع انشالله تكونو بخير رمضان كريم على الجميع اخوكم الحزين وعلى فكرة بدي اسالكم كيف فيني ضيف صورة مع الرسالة اذا بدي حط صورة يلا باي

[Hazeen]

مرحبا جميعاااااااااا كل عام وانتم بخير عيد مبارك للجميع والله مشتقاق للجميع انشالله تكونو بخير ويكون عيد خير وبركة على الجميع اخوكم الحزين

[Hazeen]

السلام عليكم جميعا وكل عام وانتم بخير انشالله هالسنة بتكون سنة خير وبركة على اهلكم ومحبينكم كيف الجميع انشالله تكونو بخير يا رب اخوكم الحزين