مسلسل رومانسي

[wafaa]

ملاحظة: فكرة المسلسل ليست مستوحاة من اي مسلسل أردني ولا هندي
كمان ملاحظة: بناءا على الطلب الجماهيري الكبير سيتم عمل مسلسل فلسطيني كح في الحلكة بعد الكادمة
عنوان هذه الحلقة: حميـــدو يسجل هدفا
LOOOOL ... KIDDING

شخصيات وعفاريت المسلسل:
شهله:بنت اموورة وزاكية ومسمسمة وفايعة وحلوة وكل شي
حمدان:شاب متكتك ولزيـــز والبنات بلفوا وراه خريج جامعي وبشتغل بالمدينة
زهران:اخو حمدان بس مش متكتك وعصبي وعقلة خزق ومش شايف حدا قدامه واللي بقرب بلعن حرمه
ابو حمدان:بيكون ابووه لحمدان ما هو مبين !!!
ام حمدان:أكيد أمه لحمدان .. ولا شو يعني ؟ جارتهم ؟
صبحية:هاي صبحية شبه المزهرية .. وغيوورة وبتلف ورا حمدان الشاب المتكتك ... وبتموت في ربه
خيريه:صاحبة صبحية .. ما هو مبين .. خيرية أكيد بدها تكون صاحبت صبحية
الكونترول: بدهاش ذكاء .. هاظا كونترول باص القرية المدينة وبالعكس
وضحة: مين وضحة ؟! هاي مش عنا بالمسلسل


---------------------------------------------------
-المشهد الأول: شهلة راجعه من الجامعه .. وأخو الشلن زهران بستنى فيها عند اللفة-

زهران: إكوي ... هاظا هي أجت .. إيش يا حلو ؟! حن علينا بنظرة
شهله: عمى !!! تعرف انك واحد أليل الأدب .. أما عالم والله
زهران: امووت بدباديبتش انا ... في مجال لعلاقة وبعدين نحب ؟
شهله: عن جد انك ما ابتستحي !! يا عمي ما في وراك غيري !! حل عني يا.. واحد حفرتلي وفلجر .. والله غير احكي للبابا
زهران: أي هو ظل فيها بابا و ماما .. أني بحبتش .. يعني عشان اني مش متعلم بطلت انفع ..
اي والله والله والله نص بنات القرية بحبوني .. هع هع هع ... ولا شو لعاد أني مش قليل
--------------------------------------------------
فاصل دعائي:
محلات ابو العبد للخردة
اللي عنده غسالااااااااااااااااات .. ثلاجاااااااااااااااااااااات .. خلاطااااااااااااااااااااااااااااااات
خرررررررررررربانه للبييييييييييييييييييييييييييييييع
ملاحظة: على استعداد تام لتوصيل الوجبات إلى المنازل
موبايل: 5654321
ارضي: 0795654321
-------------------------------------------------
-المشهد الثاني:شهله رايحة على الجامعه الصبح بكير .. وحمدان مطقم ومشخص ورايح على الشغل بالمدينة -

شهلة: هاي .. مش انتا حمدان ابن جيراننا ؟
حمدان: اهلا .. اه انا حمدان .. مش انتي شهلة بنت جيراننا ؟
شهله: اه انا شهله.. (شهلة خدها صار أحمر)....شو هالصدفة الحلوة
حمدان: يا عالسنين كيف بمرروا بسرعه .. بس ماشاء الله صايرة اموورة والله يا شهلة وكبرتي واتلفلفتي فجأة
شهله: يي .. خجلتني يا حمدان .. بس والله انتا زاكي
الكونترول: تعا جاي تعا جاي تعا جاي .. آخررررررررر راكب عالمدينة
حمدان: شهله انا بدي اقلك شي مهم .. بس بس بس بصراحة مستحي
شهله: لا لا عادي يا حمدان خد راحتك تيــك إت إيزي ..
حمدان: شهله انا بحبك
شهله: وانا كمان بحبك
حمدان : باقدر آجي واطلب ايدك ؟! ولا لأ؟
شهله: أكيد ابتأدر
حمدان: يسعد الله ... أوكي هسا بارجع عالدار وببلغ اهلي... يا كونترول .. وقف وقف وقف .. بدي انزل .. نزل نزل
الكونترول: طيب يا ابو الشباب إيه!! شوي شوي علينا .. وين أجارك ؟
حمدان: هاي أجاري وأجار البنت اللي قاعده ورا .. ودير بالك لا يقعد شب جنبها
-------------------------------------------

-المشهد الثالث: حمدان طاير من الفرحة .. وبدو يبلغ اهله انه قرر يخطب واخووه زهران قاعد ومعصب ومجهز المووووووس-

حمدان: يابا انا بدي اقلك شي مهم
ابو حمدان: قووول يابا .. اتفضل
حمدان: يابا انا قررت اخطب
ام حمدان: لولو لولو لولو ليــــــــــــــــش .. والله وكبروا ولادك يا ام حمدان
ابو حمدان: اخيرا يابا قررت .. هسا باقدر اموت وانا مرتاح
ومين هاي سعيدة الحظ يابا ؟
ام حمدان: هاظي البنت أكيد أمها داعيتلها
حمدان: شهله بنت جيراننا يابا
زهران: وقفففففففففففففففففففففففف لهون وبس .. أني بحب شهله واللي بوخذها مني بقطعه وبلعن حرمه حتى لو كنت انت يا حمدان
ابو حمدان: إخس عليك يا ولد .. ولك انتا واحد قليل أدب يا زهران .. ولك هيك اللي بحكي مع أخوه الكبير ؟! تفي عليك وعلى تربايتك
زهران: بس يابا اني بحبها
حمدان: بس هي بتحبني انا
ابو حمدان: خلص يابا ابناخذ منها موعد وبنروح ابنخطبها الك .. حط ايديك بميه باردة يابا يا حمدان
--------------------------------------------

-المشهد الرابع: كل القرية مجتمعين قدام دار ابو حمدان عشان يشاركوا بالتعليله ولابسين أواعي العيد ... وزهران قاعد ومتخبي ورا الشجرة وبراقب الوضع-

حمدان: معقول احنا صرنا لبعض هسه يا شهله ؟! انا مش مصدق حالي أقرصيني يا روحي
شهله:عيب حبيبي ...هلأ بشوفونا ... فاكر لما كنا بالباص يا حمدان وانتا أمت على توول ودفعت الاجار وارجعت على الأرية؟
حمدان: هاهاها ذكرتيني والله .. يضرب الحب بس
ام حمدان: أوييييييييييييييييييييييييها وزوجنا حمدان لشهله
أويييييييييييييييييها وشو هالكسم يا شهله مثل النخله
أوييييييييييييييييييييها وحمدان بالقرية ما في مثله انســــــان
لولو لولو لولو لييييييييييييييييييييييييييييييييييييييييييييييييي ييييش
--------------------------------------------

-المشهد الخامس: صبحية وخيرية قاعدين بنموا على العروس شهلة وغيرانين منها-

صبحية: لدي يا خيريه .. هسه هاظي زي النخلة ؟! أي لو عطست غير يذرب راسها بالارض
خيرية: اه والله صادقة .. والله انتش احلى من أمها
صبحيه: هسا انا يطنشني عشان هالقردة هاي؟
خيرية: اه والله لدي تشيف انها شبه القردة
صبحية: هسه هاي حلوة ؟
خيرية: شوفي اذا بتك الصحيح .. هي حلوة .. بس مش كثير .. انتي احلى
صبحية: أكيد اني أحلى .. ماحلاكي وانتي قايله غير هيتش

-----------------------------------------------

-المشهد السادس: زهران شايل مسدس وامبحلق عيونه وبدو ينتهز ايا فرصة -

زهران(بحكي مع حاله): ايواااااااا قرب قرب جاي .. والله لحط الرصاصة بين عيونك .. كيف توخذ حبيبتي؟
ايوا ايوا وقف عندك .. 1 2 2 طخ .. .. يسعد الله صبته .. خلليني أفل
شهله: حمدان حبيبي .. أتلوووك !!! لا لا لا مستحيل مستحيل حمدان .. انا بحبك يا حمدان لا تروح وتتركني هيك
حمدان( وهو قاعد بنازع) : شهله .. انا بحبك يا شهله ..إسمعي... زهران هو اللي قتلني .. روحوا دوروا عليه
ابو حمدان: انا لله وانا اليه راجعون
ام حمدان: يما يا حبيبي يا حمدان .. يا زينة القرية انتا .. قتلوك يما ؟ الله يرحمك

<النهاية>
-The End-

قبض على زهران متخبي عند المقبرة وحكم عليه بالسجن المؤبد
أبو حمدان اتزوج خيرية .. ضرة على أم حمدان
أم حمدان انتحرت عشان أبو حمدان اخذ عليها ضرة
زهران طلع براءة
انتحرت صبحية قد ما كانت تحب حمدان

والعمر إلكوووووووووووو

[محمد ابوصقر]

مرحبا يا فوفو انا محمد من الاردن والعمر 23
بحب اشكرك على المسلسل الجميل الرائع ولكن بحب احكيلك انو قديم وانا بتمنى انك تجددي مسلسلاتك شوي وانا بعرفو من خمس سنين وشكرا

[wafaa]

اولا شي يا محمد بيك مرسي كلك زوء والله

وتاني شي انا لو بعرف انك رح تقرأ المسلسل كان ما حطيته اصلا يعني انا مو حاطيته عشان حضرة جنابك تحكم عليه

بس برضه برجع بحكيلك كله من زوئك

باي

[yaser]

اريح ,,,,,,, اكلنا هوى ,,,,,,,,,,,, ولعت الشباب ,,,,,, مالكم يا شباب ,,, وحدوا الله

ليش معصب انت يا محمد قديم ولا جديد شو دخلك

وانتي يا وفاء كوني الطف من هيك ما بصير

بتمنى اقرا رساله اعتذار من كل واحد فيكم

تحياتي : مشرف المنتدى ياسر البيراوي

[محمد ابوصقر]

مرحبا انا محمد من الاردن 23
مرحبا يا وفاء كيف حالك شو اخبارك انتي ليش يا وفاء حارقه دمك لهدرجه خليكي فري انا ما كان قصدي انك تزعلي :cry: بلعكس انا كتبت هيك على انها مزحه صغيره وما كان قصدي الاي انتي فكرتيه بلعكس انا من النوع الاي بحب امزح وانا فكرتك انك من النوع الفري العادي وعلى كل حال انا اسف يا ستدي وحقك علي المهم رضاكي علينا علينا وبكرر اسفي للمره التانيه ونصيحتي الك لا تظني بالنس هيك خليكي فري وعادي وبرضو ياسر بعرف هاد الحكي واذا انا غلطان يحكي ياسر وانا اسف وهاي مني الك
في مره بدوي بدو يبيع سيارته سألوه شو فيها اضافات قال فيها جاعد وقنوه :lol: :lol: :lol:
المهم يا فوفو انك ماتزعلي وبتمنى انو نكون اصدقاء وباي

[wafaa]

عادي ابو حميد ما يهمك اصلا انا فري كتير بس حرقت دمي كلمتك لانه لسا ما بنعرف بعض حتى تمزح معي ويا سيدي هاي فرصة سعيدة انه نتعرف على بعض اكتر

انا وفاء طالبة في جامعه اليرموك سنة تانية ادب انجليزي

باي

[yaser]

والله فرحتوني يا محمد ووفاء بهالكلام وفرصه سعيدة للتعارف

بس اول مرة اعرف انه وفاء عنا بالجامعه وغريبة انه لهلأ ما بعرف

على كل حال فرصة سعيدة وانا برضه بجامعة اليرموك

تحياتي مشرف المنتدى ياسر البيراوي

[محمد ابوصقر]

مرحبا انا محمد من الاردن والعمر 23
انا يا فوفو بشكرك كتير لانك قبلتي اعتذاري وبشكرك على الروح المعنويه العاليه وبشكرك لانك قبلتيني كصديق لك
وهاي هديه مني الك :oops:

البارحه ..
جاني صدى صوتك و ناداني بعجل..
البارحه..
يمي جلس طيفك و كلمني بخجل..
البارحه ليل و سهر.
لين الفجر.
البارحه ليله عمر..
قمت اتخيل ضحكتك في خاطري..
و شفت انا صورتك في ناظري..
البارحه عطر الزهور بنفحتك..
البارحه قمر النجوم بطلتك..
البارحه ..
حتى الحكي ..
منك استحى..
خفت أنطق أطراف الحروف ..
و أقصرك حقك..
خفت أرسم أحساسك طيوف..
و لا اكتبه شوقك..
خفت أحسدك..
خفت أسعدك..
خفت اتغنى و انشدك..
يا مهديتني من و انتي بعيد.
خلك معي لو بالسهر..
ذكرى طيوف..
و أسمك حروف..
خلك معي من دون شوف..
خلك معي بحر و نهر..
معي أنتظر..
بك يالغلا يحلى السهر..

وجتها في احد اصحف او المجلات ..

[لؤي]

على فكره كثير حلوه وامور القصه
فيها خيال واسع وما بظن انه في حدا متخلف لها الدرجه مثل زهران وما بقصد الاساءه بس هو قتل اخوه وانسجن وابوه اتجوز على امه وشو الفايده؟
لو انه فكر للحظه كان بدل ما يطخه هو كان اجر صعايده وهم قتلو اخوه وهو طلع مثل الشعره من العجين . انا بمزح ومشاركه حلوه ومخيله واسعه جدا انا بهنيك
لؤي 00962795629676

[DANA]

جد وفاء انت كتير لزيزه و هاي اول مره بفهم قصة مسلسل اردني. بالعاده بعرف اسم البطل بالحلقه قبل الاخيره ولما افهم القصه بتخلص الحلقه الاخيره‍‍‍‍‍‍‍‍‍‍‍‍‍‍‍‍‍ . إزا عندك الموهبه انا بساعدك
وبمثل بمسلسلاتك. شو رأيك؟؟؟؟؟؟ :?:
دانا :mrgreen:

[محمد ابوصقر]

هاي مرحبا انا محمد من الاردن
كيفك دانا انا تشرفنا بمعرفتك واهلا وسهلا بكي في المنتدى ولكن نتمنى منك ان تكتبي لنا مواضيع جميله وشيقه ولطيفه مثلك :oops: :oops: :oops: :oops:
وشكرا لك

[DANA]

شكرا محمد, ياريت فيي اكتب مواضيع حلوه بس المشكله اني لساتني صغيره وما بعرف اكتب
الا اشياء مو حلوه.
:oops:
دانا

[محمد ابوصقر]

مرحبا دانا انا محمد
بنسبه لموضوع المواضيع للمنتدى مش مهم انك تجهدي نفسك على الاقل انك تشاركينا في المنتدى وهاد اكبر شي بتقدري تعمليه
مع تحياتي لك بتوفيق

[yaser]

والله يا وفاء هي صارلك شعبية بالمنتدى وانا بتوقعلك هالشعبية تزيد عن شعبيتك بالجامعه
:wink: :wink: :wink:

طبعا فرصة سعيدة الاخوان الاعضاء يعرفوا انه وفاء هي احد نجوم جامعه اليرموك اللامعه في المجالات الادبية والمسلسل مش غريب عليها لانها الفت احلى منه

تحياتي مشرف المنتدى ياسر البيراوي

[محمد ابوصقر]

مرحبا يا ياسر ويا وفاء ويا افراد المنتدىمعكم محمد

انا فعلا معجب بالانسه فوفو واكيد هي لازمتكون نجمه الجامعه وانا بحب اقول لوفاء ان شالله للأمام ولها التقدير والمحبه


مع حبي واحترامي الي افراد المنتدى

[wafaa]

شكرا للجميع شكرا الك يا دانا ويا محمد على تعليقكم على المسلسل وكلكم زوووووووووووووووء والله


اما بالنسبة الك يا ياسر بيك فانا بفرجيك بس اشوفك بالجامعه والله لافرجيك نجمه لامعه اه بسيطة احكيلهم انت شو ولا بلاش :wink: :wink: :wink: :wink:


يا اخوان ياسر نجم فايع ولامع كمان مش بس لامع :lol:

[محمد ابوصقر]

هاي مرحبا كيف الحال انا محمد
كيف الحال يا وفاء شو وين هالغيبه من زمان ما شفناكي
اما بنسبه لياسر يا وقاء فأنا ما بسمحلك لانو الاي بيجي بياسر بيجي فيي وياسر حبيب الشعب و كمان ياسر من يوم يومه لامع ونجم وهاي معروفه لدى الكل :P :P
وسلامي للجميع
بس اهم شي انو وفاء ما تزعل مني لاني انا من النوع الاي بمزخ كتير اوكي باي

[rannoooosh]

شو يا وفاء ...... بعدين معك يعني احنا بنراضي بمحمد وانتي بتزعلي بياسر

ياسر حصتنا كلنا ما بنقدر نزعله .... اصلا اللي بزعل ياسر والله غير دانا تذبحه وتوكل من لحمه صح يا دانا ..؟؟؟؟

[wafaa]

محمد انا ما بزعل منك واحنا اتفقنا من هداك اليوم انه ما في زعل بيناتنا

بالنسبة لرنوش واحصص تبعاتها شو يا رنوش

بحب احكيلك انه ياسر مش حصتنا كلنا :idea: :idea: :idea: :idea: :idea: :idea: :idea:






لكن ممكن يكون حصة الاردن كلها :wink:

[محمد ابوصقر]

مرحبا كيف الحال شو الاخبار انا محمد
مرحبا يا وفاء ويا رنوش وكل افراد المنتدى
بشكرك يا وفاء ويا رنوش على المجاملات اللطيفه
وبعدين يا رنوش انا ما بزعل منكم ابد مهما صار وشكرا لكم وبألاخص وفاء الاموره لانو احنا اتفقنا انو ما نزعل من بعض وهذا الوعد الاي صار بيني وبين وفاء وما زلت ماشي في هذا الوعد اوكي باي


محمد ابوصقر
(الطائر الحزين)

[jabaly]

هههههههههههههههه اول مره اشوف مسلسل اردني ما فيه ولا بطل الكل بموت حتى المخرج والمؤلف....بس بيني وبينك يا وفاء مسلل انا حششت عليه تسلمي على هيك مسلسلات ....
كويس انهم ما بزيعوه على التلفزيون لكانت الاردن فلست زمااااااااااااااااااااان الله سترنا هههههههه... بليز بدنا المسلسل التاني الي في الحلكه الكادمه تبع مسلسل فلسطيني
بس اتمنا انه ما بموت حدا فيه بدي اشوف مسلسل مو فيلم حربي ههههههههه

[yaser]

جبول حبيبي

نفسي اشوفك حطيت موضوع مفيد

كل مواضيعك ضحك وتخوت شو رايك نقلبها شات احسن

[محمد ابوصقر]

مرحبا جبالي كيفك شو اخبارك
حبيبي جبالي ياسر وانا عارفينك كويس واحنا عارفين انو دمك خفيف بس مش كل الايام واحد ولا كل الاوقات واحد وفي عندك ناس من المنتدى ما بتحملو مزحك خذ الامور شوي بجديه وهاد منتدى للمواضيع والاقتراحات والمشاكل اوكي وانا مع ياسر في الكلام خلينا بالمره نقلبها تشات بالمره الاي عليك عليك حبيبي جبةل ما تزعل مني هاد من مصلحتك لانو اذا ظليت هيك الناس رح يكرهوك في المنتدى جبالي هاي نصيحه من اخ لاخوه

وبتمنى انك تكتبلنا موضوع حلو وامور وزاكي متلك هيك حبي جبالي ما تزعل مني اوكي باي

[jabaly]

تسلم منك اله بس احنا هون علشان نضحك على ما اعتقد وانه هاي قصه كتبتها الانسه وفاء علشان نضحك مو علشان نبكي ولازم الكل يتحمل مزح الكل وانت خد نصيحتي ... طنش تعش تنتعش... ومادام الواحد ما قل ادبه عادي اضحك يا عمري وخد راحتك وما حدا ماسكك وانا هون علشان اضحك على المواضيع مو على الاشخاص مع احترامي للكل نفر نفر فاهم يا عمري محمد ... وانت يا ياسر حسابك بس اجي على المحل لعندك بدك تعملي شي اشربه :twisted: ههههههه على حسابي انا رح ادفع

[محمد ابوصقر]

مرحبا يح حبي يا جبول شو اخبارك كلامك ممتاز ورائع بس على ما اعتقد اني حكيت قبل هيك في عند ناس ما بتحمول المزح ولا الاي بمزحو والمزح الو حدود والو اوقات يعني انا وياسر الله بلانا فيك وصرت منا وفينا :P :P :P وعرفناك وعرفتنا يعني خلص تعودنا على بعض وتعودنا على المزح بس غسرنا شو رح يحكو هاد كزا كزا كزا ........ صح وبعدين مش كل المواضيع مزح وضحك يعني هسا اجى واحد كتب مشكلتو كلص بدنا نضحك عليه ونتمسخر عليه هاد الكلام ما بصير صح كل شي الو وقتو المزح والجد اوكي
مح احترامي لجبول حبيب ألبي

[jabaly]

روح شوف واتأكد بتلاقيني بضحك على المواضيع الي بتضحك مو على مشاكل وهيك اوكي يا ابو اربعه عيون انت هههههههههههههه

[محمد ابوصقر]

هاي مرحبا يا جبالي
جبالي ما تزعل مني انا نصحتك فقط لا غير وما على الرسول الا البلاغ المبين
وانا يا جبالي ما رح ازعل منك بكلمتك هاي يا ابو اربع عيون لاني مضطر احترمك اولا لانك صديق قديم وثانيا لانك اخ عزيز
وعلى ما اعتقد انو ما فيها اي شي انو الواحد يكون لابس نظاره طبيه والله يسامحك فقط لا غير وشكرا لك يا اخ جبالي :cry: :cry: :cry: :cry: :cry:


محمد ابو صقر

[jabaly]

بدي اعيط ههههه

[yaser]

حبيبي جبالي

اول شي اضحك واعمل اللي بدك اياه انت متل ما حكت وفاء عني متل شعراء العصر الجاهلي

يحق لك ما لا يحق لغيرك

بس عن جد جبالي ما بصير تحكي عن محمد هيك لانه والله اللي برجل محمد بتسوى اشرف واحد عربي بالنسبة الي ما تفكر اني بمزح مزح لا انا بحكي عن جد ::::: ما شاء الله عليك انت يا ابو سبع سنين ؟؟؟؟؟

على فكرة اذا اي واحد بالمنتدى حابب يعرف قصة الجبالي مع السبع سنين ييجي ويسالني

ماشي جبول ؟؟؟؟

[jabaly]

لو انت زلمه اعملها بحكيلهم قصصك كلها هع هع هع

[yaser]

اسمع حبيبي انا ما بتهدد اوكي

شو هي القصص ... هع

هع هع هع هع

بس قصة السبع سنين والله اذا ما بتحسن اسلوبك بالمنتدى الا افتحلها منتدى خاص الها

واسميه منتدى السبع سنوات :wink: :wink: :wink:

تحياتي : مشرف المنتدى ياسر البيراوي

[mahmod]

اعصابك يااستاد ياسر ليش خربانه معاك زي هيك

خليك فري ومين هاد اللي شايف

حالو وقاعد بهددك

مش عارف هوا بيحكي مع مين يعني وبهدد مي

ن


========================================
:P (((((((((ابو ولي

د))))))))) :P

[محمد ابوصقر]

هاي مرحبا يا خوي ياسر انا بشكرك كتير اول شي
وبعدين طول بالك وخلص ما في شي

خل انسى الله يسامحو خلص ولا تحرق دمك ولا شي اوكي باي

[alimss_1403]

alimss_1403@HATMAIL.COM (ELIASSYROTEL@HATMAIL.COM)