ناس ايقولي شو اعمل؟؟؟؟؟؟؟؟؟؟؟؟؟؟

[سماح]

مرحبا انا صارلي سنه بحب واحد وهو بحبني واحنا كتير منحب بعض اللي صار انو العذال كتروا وصاروا حابين ايفرقوا بينا الانسان اللي انا بحبو ساكن بنفس المنطقه اللي انا فيها وفاتح محل موبايلات انا كنت ازوروا كل فتره على المحل وهو للاسف ما بيقدر يترك محلو واحد حكى مع والدتي وقاللها اني بحب واحد وبروحلوا على المحل ماما اجت وقالتلي وسالتني ازى كان الحكي صح ولا لا :shock: انا ما عرفت شو اقولها فانكرت الموضوع وراحت هاي القصه لحالها بس طلب مني اللي بحبو اني ما آجي على محلو عشان ما يعملي مشاكل وانو كمان نحكي انو علاقتنا انتهت بين الناس وفعلا عملت كل اللي قلتلو عنو بعدين احنا كنا متعودين نشوف بعضنا بشكل يومي فاشتقنا لبعض كتير فاتفقنا انصير نلتقي بمحل الناس ما بييجوا عليه كتير وهادى اللي صار ومشيت الامور بعدين بيوم على الساعه 12 مساء التلفون رن العيله كلها كانت نايمه حتى انا ما كان حد صاحي الا اختي اختي بتعرف عن علاقتي فطلع واحد على التلفون فكر اختي انا وقاللها اني رح افضحك واخرب بيتك واحكي لابوكي او واحد من خوانك عنك اختي ما نامت الليل لما صحيت قالتلي اللي صار :( انا بطلت اجمع ان سمعوا خواني خبر رح يقتلوني عشنهم ما بيعرفوا الشب ومش ضامنينو زي ما انا بعرفوا وضامنيتو وبابا عنده ضغط وسكري الزلمه كان قايل لاختي انو رح يرجع يحكي الصبح انا ما لقيت ادامي غير اني احكي للانسان اللي بحبو اللي صار معي وما قصر خبر قالي بعد ساعتين بكون عندكم بالبيت وبطلبك مع انو هو مش مستعد انو يخطبني وانا لساتني اول ثانوي يعني سنه وبخلص مدرسه واحنا متفقين اني بس اخلص مدرسه ييجي ويطلبني عشان ايكون مرتب وضعوا المهم بعد نص ساعه بعد مع خلصت حكي مع اللي بحبو حكى الزلمه خواتي اخدوا بابا وضلوا معاه انا بعتت مسج للي بحبو وقلتلوا انو الزلمه حكى بعد خمس دقايق كان اللي بحبو عنا بالبيت وطلبني بابا طبعا ما وافق عشني لسى ما خلصت مدرسه واكلت اتله مرتبه من بابا هلا انا وياه لسانا منحكي مع بعض مع انو هو وعد بابا انو ما يحكي معي بس هو ما قدر ولا انا قدرت وهينا عم نحكي مع بعض مشكلتي اني مش عارفه انا وياه بدنا نشوف بعض ومش قادرين ونترك بعض برضوا ما منقدر ارواحنا معلقه ببعض شو العمل مش عارفه؟؟؟؟؟؟؟؟؟؟؟؟؟؟؟؟؟؟؟؟؟ :cry: :roll:

[محمد ابوصقر]

مرحبا سماح انا محمد من الاردن
اول شي انا قلبي معك لاني انا حاسس فيكي والتجربه الاي مريتي ولا زلتي بتمري فيها انا مريت فيها وعانيت اكتر مما تتصوري وانا حاسس معك بكل كلمه كتبتيها طبعا انا مش رح اقدر اكتبلك الحل لاني بدي اسئلك اكتر من سؤال علشان اقدر اجوابك شو تعملي وهاي اميلي رح اكتبلك على الخاص اوكي
وبتمنى لك التوفيق الدائم

[محمود 20]

مرحبا ...............
انا رايى فى الموضوع انك تلتزمى براى والدك واهلك وما تقابليه ولا تحكى معه وهاد الصح
ولكن السؤال انوا لو هالشخص هاد الى انتى متاكده من حبه اجى خطبك بعد ما تخلصى هل اهلك موافقين عليه يعنى هل فى امل انه اهلك يوافقه عليه ولا كيف ؟؟؟...
هاد هوه الى هيحدد طبيعه المشكلة فاذا كان فى امل ما فى مانع انك تحبيه ولكن دون انك تبينى اشى يعنى حبيه بينك وبين حالك حب عادى انتى بنت فى اول حياتك وياما هتشوفى
فشغلى عقلك قبل قلبك والحب الناجح الى بيوافقه العقل والقلب فى وقت واحد فهل هاد موجود عندك ..مش عارف ولا حب وبس
انا شايف حب وبس مش ناجح وفاشل لانه الواقع بيرفضة ..........واهلك ووالدك فوق الجميع وهوه ادرى بمصلحتك فليس كل من نحب يصلح لان يكون زوج وبالتالى فافضل حب قبل ما احب اعرف انوا هل اهلى بيوافقوا على هاد الشخص ولا لاء ....

[بحر الحب]

مرحبا سماح انا موسى من اربد .........
شوفي يا اختي انا عارف تماماً قديش الشعور مو منيح كونه نحن عايشين في مجتمع اما بطمر او بخرب شوفي الحب بالقلب والحب موجود في قلبك وراح يضل ازا كان حب حقيقي مو لعب عيال شي طبيعي انه الاب تكون ردة فعله بهذه الطريقة و انا متأكد انه راح تكونوا مع بعض في يوم من الايام اكسبي ثقة اهلك اولاً تحملي فراقه لفترة حتى تكسبي هذه الثقة وعليه ايضاً انه هو بعد ما يكون حاله انه يجي حتى يكون ابوكي مفتخر انه يعطيكي اياه ولكن ربنا يخرب بيوتهم اللي بيحبوا يخربوا ما راح يخلصوا الي بغاروا .... كل شي بوقته حلووووو كتييير هدا رأيي ويرجع القرار لكي ادرسي وثابري فالحب من المفروض ان يجعل الانسان يثابر حتى يصل الى محبوبة ويسلمها اياه ابوها بنفسه لا احد غيره مع انه لا تزعلي مني يا اختي الروحة على المحل مو كويسة اولاً وتسبب مشاكل ثانياً وانا والله اتمنالك كل الخير وتصلي للي تتمنيه ادعيلي :) :) :)

[محمد ابوصقر]

مرحبا سماح انا محمد من الاردن وهاذه لك

انتظرتك ازمان وليس زمن ,, حلمت بك ليالي وليس ليلة

تمنيتك لحظة اعيشها معك وليس ايام ,, صدقت انك سوف تاتي

الي بعد طول انتظاااار00

اشتقت لقلبك ,, لحبك ,, لحنانك ,, هل كنت واهمة حين سمعت


قلبك يناديني ,, اخبرني بالله عليك اين انت ؟؟؟

...................................

احبك واسهر ايام وليالي واناجي طيفك الغالي لحالي ... واقول اليوم يرجع لي حبيبي
يروح اليوم وماترجع ياغالي،،،،اشوف الناس كل واحد وخله
وكل عاشق حبيبه ما يمله ...
وانا بس انتظر يمكن تجيني ..
....................

[yaser]

مشكلتك هذه صعبة فعلا ولكن حلها سهل جدا

الشب بحبك وانتي بتحبيه فلذلك وين المشكلة

الاهل ؟؟؟؟ عمرهم ما كانوا مشكلة محبين

انا فهمت من كلامك انه ابوكي رفض لانك لسا بالمدرسة

معناته بعد ما تخلصي مدرسة كل شي رح يكون على ما يرام

على كل حال احنا اسرة المنتدى مستعدين نساعدك بكل الوسائل ونمشي معك خطوة خطوة

بنتظر منك رساله مليئة بالامل بس يا ريت تشرحيلنا اكتر عنك من اي بلد انتي والشب من وين واحنا مستعدين بالي خدمة لانه هدفنا من هالمنتدى المساعدة

تحياتي : مشرف المنتدى ياسر البيراوي