مش قادرين نفهمها

[بكيفي احبك]

السلاااااام عليكم
حابي استشيركم بوضع اختي
اختي عمرها 18 سنة تقريبا
وهي الاولى عكل المدرسة
بس تصرفاتها وكيف بتفكر
شي كثير مزعج
واحيان كثيرة بحس ما عندها شخصية
يعني كثير اشياء وحوارات كنا نستغرب عكلامها
يعني نحنا ما تربينا عبرودتها رغم عصبيتها
وضعها انها بتغار كثير
يعني انا بتغار مني لاني او لانه امي بتحبني
بس هي ما حاولت تعرف ليش بتحبني وبتبين هالشي
ما بتدور بحالها ليش بيصير وتغضبها
يعني بتعصب عكل شي
ممنوع حدا يحكيها
وبعد موت ابوي صارت تخاف
هيك تخاف من كل شي
ولو اختي الصغيرة
ههه الصغيرة تضربها يمكن تكسرها
مع انها حلوة وشاركة وقلبها طيب
عندها عقدة من الكلام وامي
بتكرها مرات ومرات حتى بتدعي عليها تموت
انا بخاف من غضب امي لانه غضب واحد
ممكن يتسبب بتعاستي بفشلي بالحياة
لانه رضاها من رضى الله سبحانه
امي بتحب اختي الكبيرة كثير
او مش عمحبة بس اختي الكبيرة نسخة من ابوي
قوة شخصية وجبارة وصبورة وصعب كثير تبين ياللي جواها
وبتتحمل عندها قدرة عانها تتولى وتعمل اي شي
مثل ابوي
وهلا لانها عاقدة كل البيت عليها الشغل مثلاااا كل شي
بس اللي صار انه اختي ياللي وضعها او ياللي هي اللي عم احكي عنها
ومش عارفين نفهمها غريبة شوي
يعني عند الخطوبة مثلاااا لما تقدملها ابن عمي
حكت كلام مش منطقي
قال بدها انها امي تسالها
بس لو امي واافقت بعدين هي بتقول ياللي عندها بدها ولا لا
مع العلم انها امي وابوي وصيته انه امي تعلمنا
بس ما بعرف
شو دواها
الغيرة ياللي فيها
لو شافت امي بتحسها ضدها
وبتحس انه امي بتميز
وبتعايرني
مع انها عندها اشياء اكثر مني
بس انا بسرعة بدخل للقلب
مش مثلها بتعصب عكل شي
بقى شو رايكووووا
كيف التعامل معاها يكون

[لميس]

اكيد يا بكيفي احبك التمييز بين الاخوة من طرف الاباء بيخلف كتير مشاكل

ونقدر نقول عقد نفسية

يعني الواضح انو اختك عم تحس انو امك بتميز بتعاملاتها بيناتكن وبتفضل وحدة عالتانية وهيدا غلط

البنت كبيرة يعني 18 سنة لازم تعاملوها بنضج

وكمان هي لازم تفهم انو عادي لو امك بتعاملك غير شكل انتي او اختك الي ازغر منكن

بحكم انكن آخر العنقود بالبيت

وبعدين متل ما قلتي انتي حبوبة وبتفوتي عالألب بسرعة وكمان بتعرفي تحكي

يعني فيكي مثلا تعتمدي اسلوب الحوار مع اختك وحسسيها انها مهمة بالبيت

واحكيها عن الشغلات الحلوين الي هي عندها ياهن وانتي ما عندك منهن

وكمان شي تاني لو في يوم مثلا امك من دون قصد منها حبت تمدحك قدامها او تحكي عنك

غيري الموضوع بسرعة من دون ما اختك تاخد بالها

وبعدين لو فيكي تحكيها لأمك انها تحسس اختك انها بتحبها كتير

انا واثقة انها حاسة بالي عم تمر فيه اختك مشان هيك رح تفهم كلامك وتنفذو

وكمان من ناحية الخوف هي لو حست بحضن امك وبحنانها اكيد رح تنسى مسألة الخوف

والخوف هيدا لأنو هي حاسة انو في شي ناقصها ومنها قادرة تعتمد ع حدا وبلكي حاسة حالها تايهة بيناتكن

المهم يا بكيفي حاولي تسمعيها بكل الطرق وطولي بالك لأنها ممكن ما تتجاوب معاكي بسهولة

وانشاء الله يا رب تنجحي وتخرجيها مالعزلة وقلة الكلام الي هي فيهن

الله يوفقك حبيبتي

[مزلزل الكتائب]

مشكورين اكثير الك لميس على الموضوع
ويعطيكى الف عافية
تحياتى الك
مزلزل الكتائب

[بكيفي احبك]

الي رجعة معاااااكي
بس ليفضى راااااسي
لانو رجعتيلي لالم
وبس يفضى هالرااااس
بحكيكلك حسب ياللي اعطيتيني
والف شكرررر
وكلااااااامك صح بس هي لازم تكون غير هيك
هي كبيرة هي تتحملني مش انا
مش تشتغل وتتحمل لاها اكبر
عمومااا الي رجعة عكلاامك
ورمضااااان كريم عليكي وعالجميع

[لميس]

منور اخي مزلزل الكتائب والف شكر ليك عالرد الحلو تبعك




حبيبتي بكيفي رح انطرك وطولي بالك هيدا الواقع وما لازم نهرب منو

يعني مقارنة بتصرفات اختك الاكبر منك بتصرفاتك بتبيني اكبر منها وأعقل منها

خديها على قد عقلاتها واشتغلي دور الكبيرة بالبيت

الله معك حياتي والله يهدي اختك

[بكيفي احبك]

في اكبر مني ومنها
عموماااا ربي يخليكي
وبكرة حدخل ونشووف شو بيصير معاها
لانه مليت اشوف العيب بغيري
ع بالي اتطلع لحالي بالمراي واشوف هناء
مش دموعها وضعفهاااا

اشوفك بخيرررر ومشكورة قلبي عتواجدك
ولا عدمتك
اختك بكيفي

[بكيفي احبك]

اكيد يا بكيفي احبك التمييز بين الاخوة من طرف الاباء بيخلف كتير مشاكل

ونقدر نقول عقد نفسية

ماشي وانا معاكي بهيك شي بس هي كبيررررة وهي وظيفتها انها ترشدني يعني برضو اناا صغيرة كمان
وهي متعلمة ومثقفة .........

يعني الواضح انو اختك عم تحس انو امك بتميز بتعاملاتها بيناتكن وبتفضل وحدة عالتانية وهيدا غلط

البنت كبيرة يعني 18 سنة لازم تعاملوها بنضج

صح بس هي ما بتفهم الكلام وصدقي لما هيك قعدوا يحاكموني بيوم كنت حموت من صدمتي بشي
حكيت وانا معصبة انها ما بتفهم الكلام قامت زعلت وبقيت معلقة


وكمان هي لازم تفهم انو عادي لو امك بتعاملك غير شكل انتي او اختك الي ازغر منكن

بحكم انكن آخر العنقود بالبيت

هاد الكلام هي اللي لازم تفهمه وهي عارفة انو خواتي الصغار مثلا اكثر شي مظلومات
وعفكرة هي هههه بتعمل اي شي بنقلها عليه وكثير بتحكي انو انتي عامليني خدامي عندكن
مع انها ما بطيق تشوف شي مش منيح شي عالارؤض بتجن او حتى حدا عنا
وعفكرة نحنا مش ماغدين حريتنا ببيتنا مش حاسين انو خلص ابوي راح ونحنا ياللي مناوي حالنا
انو نحنا وامي بحاجة بعض
وامي اكبر مظلومة بهيك حكم وقدر بس الله ملهمها بالصبر الله يخليهااااا


وبعدين متل ما قلتي انتي حبوبة وبتفوتي عالألب بسرعة وكمان بتعرفي تحكي

يعني فيكي مثلا تعتمدي اسلوب الحوار مع اختك وحسسيها انها مهمة بالبيت

واحكيها عن الشغلات الحلوين الي هي عندها ياهن وانتي ما عندك منهن

احكيتلها ونحنا رايحين عالمدرسة وقتلها شوفي حالك شوفي شو الله عاطيكي
وهون مثل الجرب بيبقوا يحكوا هناء احلى وما بعرف شو وهي بتغار هيك مع انها بتملك اشيااااااااااء كثير احلى مني بس ححاول كمان مررررررة

وكمان شي تاني لو في يوم مثلا امك من دون قصد منها حبت تمدحك قدامها او تحكي عنك

غيري الموضوع بسرعة من دون ما اختك تاخد بالها

بعمل هيك وبقول خلص لا تتهبلوا كمان بس هي بتغاااار وعارفة مرات بتمنى هيك تحب واشوف كيف حتصير
لانه هي ناقصها حدا يغيرها يقلبها يحسسها بقيمتها باللي عندها والله عاطيها

وبعدين لو فيكي تحكيها لأمك انها تحسس اختك انها بتحبها كتير

ما بعرف شو اقلك امي واختي كثير بتناقروا وامي بتغضب عليها وانا بتعكر
هيك بتعصب شي مش ماشي بالخط الصح بيعملها هيك بيفلت السلوكة عندها

انا واثقة انها حاسة بالي عم تمر فيه اختك مشان هيك رح تفهم كلامك وتنفذو

امي بتراعيها وبتحاول تتجاهل ومرة قتلها الحق عليكي حسيتها حتبكي
وما عدت عرفت وقتها توجعت وما بعرف ما بعرف وين المشكلة ووين الالم الاعظم ومين السبب فيه
امي شو الها غيرنا وشو همها غيرنا امي امي ما حدا حيحبنا قدها

وكمان من ناحية الخوف هي لو حست بحضن امك وبحنانها اكيد رح تنسى مسألة الخوف

والخوف هيدا لأنو هي حاسة انو في شي ناقصها ومنها قادرة تعتمد ع حدا وبلكي حاسة حالها تايهة بيناتكن

كلنا ضايعات وكلنا خايفااات بس خواتي مش مهتمات والله راحمهم الا انا ه من زمان هيك
المهم ححاول اتعمق فيها واتحمل دمع عينيها

المهم يا بكيفي حاولي تسمعيها بكل الطرق وطولي بالك لأنها ممكن ما تتجاوب معاكي بسهولة

وانشاء الله يا رب تنجحي وتخرجيها مالعزلة وقلة الكلام الي هي فيهن

الله يوفقك حبيبتي

ان شاااااااااء الله
ححاول
واحكيلي شو رايك بكلامي وشو تعليقك بعد شو حكيت

[لميس]

والله اختك فيها شغلات مناح

متل انها مرتبة وتعمل شغل البيت معكن

وكمان بتمشي معك بالطريق عالمدرسة

يعني انا كنت مفكرتها غير هيك والله

بس صدقيني في امل انو تتغير


طيب شو رأيك حبيبتي لو تحكيها عن اسرارك واطلبي منها انها تساعدك

طيب في الأول مشان تختبريها ما تحكيها سر عزيز ع ألبك مشان ما تفضحك

وازا طلعت محل ثقة فيكي تحكيها مثلا عن حدا انتي حبيتيه وبدك نصيحة منها

يعني بس مشان تشوفي تفكيرها وتشوفي مدا اهتمامها بالموضوع


يلا ازا عجبتك الفكرة رديلي خبر

ماشي..........................

[بكيفي احبك]

ليش ما قتلك انو اي شي بتشوفه بتقول لامي عنه

بعدين انا صعب احكي وخاصة لهاي عندونا كلناااا

عمومااااا بس ارجع من المدرسة يمكن اكون ملاقية حل

صباااح الخيررررررررررر

[الزير سالم]

الله يرحمك يا بهار

عزيزتي بكيفي
انا شايف ان اختك معها حق من تتصرف هيك تصرفات وتتعامل معكو هيك تعامل
تدرين ليش
لانك انتي السبب البنت او الشب في هيك عمر يحس بعظمة الذات ويحس انو ملك زمانه وما بدو حدا يقولو لا .
واكيد انتي او حدا خواتك بيجاكروها وخصوصا اذا كانت الوالد الله يطوللكم بعمرها مش ماخذه بالها منها وما تتقرب منها وتحسسها انها محتاجتها في هيك عمر وخصوصا هي بنت تحتاج من يرعاها ويدلعا

لذلك انصحكو بالتقرب منها ومشاركتها تجاوز صعاب الحياة في هيك مرحله عمريه خطيره
(( مرحلة المراهقه ))

تقبلي مروري/ الزير سالم

[lonelygirl]

مرحباااا... انا براي أختك مظلمومة و ما حدا حاسس فيها عندها نقص حنان .. نقص أنوثة ..نقص حب و ما حدا حاسس فيها صاير فيها هي رجال البيت و بتشتغل و بتحاول و بتلاقي الحب و الدلع و الحنان إلك و لأخواتك الصغار مع أنو هي بتوصلك للمدرسة و بتعمل و بتساوي و رغم هيك الكلام الحلو مرة تانية إلك و لأخواتك يمكن خايفة من موضوع الزواج محملة حالها مسؤولية و حاسة خلص هي المسؤولة عنكم و ما لح تقدر تتزوج و هي ردت فعلها أنها تسكت و تغار و تزعل حاولي تقسمي الشغل عليكي و عليها أنا بساوي هيك و أنت جيبي هيك حاولي تساوي متلها مثلاً بالرتابة من دون ما تقول ساوي هي و قيمي هي أنت من حالك ساوي و فرجيها أنو أنت عم تساعديها أو صارحيها و قوليلها أنا فكرت فيكي و لقيت حالي غلطانة بحقك تعالي نقسم المسؤولية بيني و بينك و شوفي كيف لح تفرقيها و تلاقيها تغيريت معك 100 ..100 و صدقيني هي ما بتغار هي بتزعل على حالها الله يعلم فيها و يعلم شوفي بمخها و كيف بتنام زعلانة فرحانة عم تبكي شاركيها همها و لح تحسي بالفرق أنا هاد رأي اختك مو صعب التعامل معها بالعكس أختك أطيب وحدة و جزاها الله خير و يبعتلها أبن الحلال يلي بقدرها و يحترمها :02ffe0d667fc936d79b

[بكيفي احبك]

اختي لساتها صغيرة

وزواج لبعد خمس سنين لانو هي لازم تتعلم ولانها ذكية ومتفوقة عالمدرسة كلها

وبعدين انا عارفة انها طيبة وقلبها نظيف

وعارفو واللي فيها كنيته من حقد وقهر بس شلته لاني مش انا هيك وما بدي هالشي يصير بقلبي

بدي اياه يبقى نظيف حتى يرجع لخالقه نظيف

المدرسة انا عمري 15 وهي 18 يعني منطلع مع بعض مش هي بتوصلني

وعارفة وين القهر لما تطلع وما تقول بس ماشي بمشيها لاني بحب فكر وادرس شو بدي اعمل

ااما الزواج فانا مقتنعة باللي عندي هي ما لازم تفكر فيه كتير لازم تحط ببالها انها بدها تتعلم وبعدين

وامي هي اللي بتقول عكل شي وما بيصير اي شي بدون اذن امي وامي بتقول لا يعني لا

مثلها مثل ابوي لانو امي فرحتها بفرحة كل منا وحزنها بحزنا وما النا ولا الها غيرنا

الشغل شو بتشتغل شوو البيت وبس اما هلا كله عراس اختي الاكبر

يعني ما عليها شي

اما الحب والحنان هاد ما بعرف من وين وكيف بدنا نجمعوا فينا

كلنا عم نعاني من نقصه بس خواتي مش حاسات بنقصو

اما انا حاسة وهاد غير انو ابوي اخد كل شي معاااااه

الانوثة شو اعمل بقلها غيريها شوفي شو الله عاطيكي

لشو مش مهم مين متطلع وكانها او كانو الوحدة لما تلبس وتظهر انوثتها عشان غيرهاااا

شو رايك

مشكوووووورة

[الصبيه السمراء]

الزير سالم كلامك ماشاء الله جدا كلام واعي وكلوا صحيح وانا بايدك في كلامك

[بكيفي احبك]

ماشي اختي

مشكوووووورة عمرورك

وردك

لا عدم المنتدى منك

وننتظر منك كل ما هو جميل

اختك بكيفي