محتاجة نصيحتكم ارائكم

[دلع الحياة]

في عندي مشكلة كبيرة بس مش عارفة من وين ابدا احكي

اناوزوجي اتزوجنا عن حب 4سنين والنا سنتين متزوجين واحنا الاتنين متعلمين ومتوظفين بس مش هادي المشكلة
المشكلة هي انو طول السنتين اللي النا متزوجينهن كل يوم منهن كان يعدي بمشكلة باستسنا اول 3شهور من زواجنا
دخلنا لاالنت لبيتنا وبلشت المشاكل بينا وانا متاكدة انو سبب مشاكلنا النت لو يوم عدا من غير نت في البيت
بيعرفش يقعد بيحكي مع بنات وبيشوف شغلات مش منيحة على النت انا شفتو اكتر من مرة بس ايش اعمل مش قادرة اعمل شي
بالنسبة الي مش حرما من حاجة راتبي بسلمو الو كل اول شهر كامل وكل الواجبات الاللي مطلوبة من الزوجة بديلو اياها لكن هو لا اهم شي مش مديني اياها الاحترام مش معطيني اياه ولا الحب ولا حاجة تانية زي كل انسان طبيعي بستحقها حتى اهلو مش مقصرة معهم كل شغل البيت بعملو وبحترمهم زي اهلي معتبراهم اهل الي .
وبالنسبة للشكل حلوة وهو بغار علي كتير وبحبش اطلع الا معاه حتى الشغل بيعمل معي مشاكل عليه عشان المدير تاعنا عينو زايغة .
انا مش قادرة اتحمل اكتر من هيك اعصابي تعبت وعندنا بنوتة زي القمر عرها سنة وشهرين وانا حامل
هدا الشي اللي مخليني اتحمل وامشي معاه بس مش قادرة هالوقت بفكر اسيبو ونتطلق عشان نرتاح احنا الاتنين بس اللير خايفة عليها هي بنتي شو بدو يصير فيها مع اني بشتغل وراتبي بيصرف علينا (ما يعادل 800دولار ) يعني مش محتاجة اي حدا لا اهلي ولا اهلو ولا هو كمان بيكفي ربنا وبنتي معي وبس
فانا هلأ بدي نصيحتكو اطلب الطلاق وبنتي طيع ولا استنى واتحمل وايش اعمل عشان اعيش مبسوطة بترجاكم تساعدوني

[اميرة القلوب]

مساء االخير حبيبتي

اول شئ حاولي تقربيه من ربنا سبحانه وتعالي وتقوليله ان كلامه مع بنات والحاجات البيعملها دي حرام وتدعيله ربنا يهديه
انتي كمان اتقربي منه واساليه بيعمل كدة ليه ايه النقصه واهتمي بيه اكتر وحسسيه انه كل حياتك هو وبنوتك ربنا يخليهالك

تقبلي مروري

اختك مرمر

[دلع الحياة]

والله يا اختي حاولت كتير بس كل الانسان المدمن هو صار هيك ما يستغني عن النت يوم اقول الو يا انا يا النت يقول الي انتي غير والنت حاجة تانية وانا ما استغني عنك لكن يا اختي ما اعرف ايش اعمل حاولت كتير بس ما اقدر اتحمل مشكورة كتير على مرورك والله ما قصرتي مرمر وانا بحاول نرجع زي اول بس ما الاقي تعاون معي من ناحيته وربنا يساعدني واتحمل شكرا كتير كمان مرة

[لميس]

اختي دلع الله يكون بعونك عنجد

بس حبيبتي اوعي تفكري بالطلاق ابدا

لازم تفكري ببنتك الله يخليلك ياها والي جاي بالطريق كمان

صدقيني رح يتعزبو بعد طلاقك كتير بس مو هلء بعد ما يكبرو ويفهمو الحياة

اولا انتي لازم تتحملي الوضع هيدا <<< بعرف انك عاملة هالشي هلء

وتاني شي لازم متل ما قالت اميرة تقربي الى الله اكتر وادعيلو الله يهديه

وثالثا الحوار اهم شي بحياة الازواج ما لازم حياتكن تتحول لروتين وتبقو شوي شوي ما عاد تحكو مع بعض بنوب لا هيدا غلط

انتي عيديلو شغلة يا اما النت يا اما انتي وبعدين لو شفتيه عم يحكي مع بنات عالنت او عم يشوف شغلات مو منيحة

واجهيه بهالشغلات يعني ما تعملي حالك كأنك مو شايفة لانو بهيك طريقة رح يتمادى اكتر

وبعدين لو يعرف انك ع بالك بكل شي اكيد رح يخجل من حالو


وفي شغلة كمان <<< ما بعرف ازا كان زوجك بيصلي او لا

المهم لازم انتي تكوني بتصلي

ومثلا في يوم وقت يرجع عالبيت وخاصة في جو رمضان الكريم انتي حطي قرآن بالتيفي وخليه يسمعو غصب عنو اكيد كلام الله رح يريحو ورح يهديه باِذن الله


انشاء الله ما طوّلت عليكي

وانشاء الله يارب مشكلتك تنحل بالي فيه الخير

الله معك اختي وبوسيلي البنوتة الزغيري

[lonelygirl]

مرحباااااااا حبيبتي الله يكون معك بس انا برأي ما تفكري بالطلاق ابداً الطلاق صدقيني مو هو الحل ما بعرف أنا حطيت حالي مكانك براي لما يتفرج على الاشياء يلي مو منيحة عدي و تفرجي معو و لما بيحكي مع هي و هي كمان عدي معو يعني امشي معو لآخر الطريق و أبداً لا تقوليلو يا أنا يا النت لا تحطي حالك بالمقارنة مع النت بالعكس قليلو بتعرف شايفتك عم تتسلى و حابة أتسلى معك هو النت هيك هيك تسلية و خصوصي يلي عم تساوي انت و لو مانع حاولي تقنعيه و تقليلو أنت شو خصران و شو صاير عليك ما بضايقك ولا بقلك شي بعرف لح تكون غيرانة بس معليش اتحملي و بس يخلص حكي حسسيه انك كتير كنتي مبسوطة و متسلية و لما يثق بكلامك و يشوفك من جد متسلية العبي على الوتر الحساس و أحكي معو طيب نحنا شو مستفيدين هلأ و فوتي بباب بنتك و البيبي يلي جاية على الطريق و انت بحل الحالة بتشوفي شي يلي لافت نظرو و بتساويه يعني بتعرفي شو نقطة الضعف عندو و بعدين فوتي بالدين انا أكيد مقتنعة أنو الدين هو الأول و الاخير بس مشكلة شبابنا و ازواجنا بيعملو فيها أنو هنن الفهما و لما بدك تفوتي الجنة روحي لحالك و سكري الباب أنا أدرى بحالي و هل الكلام الفاضي تبععهم يعني اصعب شي عند رجالنا النصيحة هنن بس يلي بيفهمو مشان هيك خلي النصائح للأخير و امشي معو و عدي معو و الله يهديك ياك و ترجعو متل اول و أحسن بس نصيحة بعدي عن موال الطلاق مو هو الحل أنت مو محتاجة حدا يساعدك بس محتاجة الإنسان يلي حبيتيه محتاجة زوجك و تقبلي مرور و ما بعرف بمكن نصيحتي ما تعجبك بس صدقيني لو كنت مكانك هيك بتصرف و طمنيني عنك و بوسيلي الصغيرة و سلمي على البيبي يلي جاية على الطريق :02ffe0d667fc936d79b

[دلع الحياة]

تسلمي لميس على النصيحة وانا كتير بكون متضايقة لمن بفكر بالطلاق لانو مش معقول بعد حب بينا يسيب كل واحد منا التاني وعشان خاطر بنتي كمان بعدين هو بيعرف انه انا عارفة كل حاجة بيعملها بس بالاخر بيحيكلي انتي حبيبتي وما بستغني عنك ولا عن بنتناوبهديني فترة لكن بحس انه هاي حلول مؤقتة حاليا هو رايق لمن احكيلو سكر الكمبيوتلر بيسكرو لاكن بعد فترة بيرجع تاني وبعدين في مشكلة تانية انو كمان فترة مسافر على تركيا لمدة 3شهور فانا مش عارفة ايش اعمل هاي منحة دراسة هو ممرض وانا كمان ممرضة يعني بقدرش اطلع معه وكمان هو بيصلي ومابيسيب ولا فرض وبالمسجد كمان يعني بيعرف ربنا كتير وفي لحظات الصفا بينا بيحكي انه مقصر معي وبيغلط بحكي بموضوع النت لاكن بعد فترة انسي كل الحكي انا طولت عليكي بالرد بس مش عارفة ايش اعمل بجد شكرا كتير على المرور يا عسل

[دلع الحياة]

شكرا حبيبتي على النصيحة انا جربت فترة نصيحتك بس ما قدرت اكمل لانه صعب علي وعليكي كانثى انك تكوني شايفة زوجك بيحكي مع واحدة ثانية وتكون اعصابك رايقة بس بتحكي من بعيد لكن لمن تكوني انت صاحبة المشكلة بيختلف الوضع بس تخافيش انا جربتها فترة وما قدرت اتحمل لكن بوعدك اني احاول تاني لانه صح اللي حكيتيه لكن وين تلاقي حواء بتعمل هيك بتكون مستسلمة .
بعدين هو بيحكي انا بحب جنس حواء ما بقدر ما اتطلع عليهم ولا ما احكي معهم لاكن مش عارفة ايش احكيلك ربنا ما يحطك مكاني ازا كنتي متزوجة وازا كنت بنت ربنا يسعدك شكرا كتير على المرور والنصيحة

[رند88]

اختي دلع الحياه ان ربنا سبحانه وتعالى اذا احب عبده ابتلاه وان من رايي ان تحاولي ان تصبري وان تربي ابنائك على الفضيله وحاولي مع زوجك بكل الوسائل ولا تعدميها حاولي معه ان تخرجيه من المنزل وان تجتتمعوا في مناسبا ت العائله حاولي وربي معاك وشكرا تقبل مروري

[الصرخة الصامتة]

يصى انتى لازم تكلمى معاه بكل هدوء بس المهم انك تختارى الوقت المناسب وهو اكيد هيهحس بيكى ومتنسيش بنتك

[محظوظ]

د لع الحياه صباح الخير:

شوفي اختي اللي اراه ان هناك خلل حصل وتبدل بحياتكم سوى هالغجوه بينكم لكن عندي لكي اقراح ان قبلتيه ويحتاج منك شوية صبر قبل لاتنهدم حياتكم00اولا انتي تقولين انه يغار عليكي وهذا شي جيد وهذا مؤشر انه يحبك كثير معليش حاولي تحسسينه انك افضل من البنات اللي على النت وقربي له اكثر وركزي على الكلمات الحلوه ولاتناقشينه في قضية النت مؤقتآوتجاهلي انك تتصادمبن معاه في نقاش00 ثانيآ مادام الله مغنيكي وعندك مال اشتري له هديه بين فتره واخرى ودائمآ ذكريه بالايام الحلوه اللي مضت بينكم00 رابعآ عزميه على عشاء بمطعم بصوره دوريه مثلا في الشهر مرتين اوثلاث مرات خارج البيت وتكونين باحلى شياكه وشوفي النتائج واحنا اخوانك واخواتك بالمنتدى مابنقصر معاكي انشاء الله ولا تنسيني من الدعاء00بس هاه مثل ماوصيتك لاتناقشينه مؤقتآ باي موضوع يضايقه وبالتوفيق 0

محظــــــــــــــوظ