كفاني عذاب
10-11-2006, 08:54 صباحاً
انا ودي اشرح مشكلتي ولا ودي اطول واكون ثقيل انا بدت مشكلتي من يوم اخذت كورس للرقص مقرر علي من الجامعة وبعده ماشفت خير الي كانت تدرسنا بنت عمرها 20 سنه شي تاكل خال السبيت المهم البنت هذي كانت مدرسة ومالنا الا نجي الكلاس وحنا زي براد ابو اربع المهم وفي يوم من الايام لقيتها في حفل في الجامعة ونادتني وقالت لي انا سمعت عنك انت مو الي تنكت وخفيف دم قلت انا وانا اتميلح شكلك ماعرفتيني زين المهم هي نادتني والا لا ياني نشبت لها نشبه في الحلق خليتها تندم طول الحفلة وانا وياها وبعدها لقيتها في الكلاس وقمت اتميلح ويشن السرج على *** وصرت انا وهي نسولف وضحك ووناسه وبعد فترة اشتكت مدري ليه الا وادارة الجامعة تطلبني لحوووول المهم رحت الا والقى الادفازير يقول لي انا ادري انك شباب والبنت في نفس العمر الا وتغيرت النظره تطمنت شوي بس قال تر ى هي مدرسة وانتبه ترى فيها فصل الدعوة .المهم بختصار انا كنت ناوي اغير الجامعة من قبل بس ادور اي عذر ولقيت ها الشغلة المهم غبت عن الكلاس مدة الا والقى المدرسة يالبى قلبها زعلانة وتقول انت وراك ماتحضر وانا مسوي زعلان اقول تشتكين علي وتبيني احضر وين صارت ذي انا ابيك تاخذين راحتك مابي اضايقك المهم قالت تعال وخلك رجال وخل عنك حركات النص كم بعدها البنت جازت لي لنها ثقل ماتحب تكلم احد مدري ليه بس انا اذا سولفت انا وهي نفل والديها بس العذال ماخلو احد في حاله بعد فترة لقيتها جحدتني وقلت انا بروح واترك ها الديرة لك المهم قامت تطلبني وانا اقول في نفسي بحرق قلبها مثل ما احرقت قلبي اثر اني احرق قلبي من جهه وهي من جهه لحوول اثر يا الربع اني احب ويلعن ابو الحب قمت امشي في الشوارع مثل المهبول لحوول والبنت مادرت عني ولا جابت خبر المهم نقلت الا والبنت ترسل لي ذيك الرسايل وتقول مادري وشلون اترجمها بس بما معناه الله يوفقك وحنا فقدنا واحد مثلك لا من زين الترجمة المهم انه كلام زين وبعدها وانا محروق القلب والبنت معاد اكلمها ولاعاد ارسلت لي ونقص وزني وتعبت ولا جيت اكلمها ردتني وقالت من قالك تروح والله من الدلاخه والا الي عنده وحده زيها المفروض مايتعدى المهم يا الربع البنت صارت تكرهني وماخليت شي الا وسويته ابي نصيحة وش لون اخليها تحبني لني سويت حركات مالها داعي احتريتها مرة عند البيت ومرة مدري وش سويت ماخليت شي الا وسويته ابي حركة تخليها ماتدور احد غيري ومدري وش اسوي تحاتي لكم وابي حركة مابدهاش البنت هذي امريكية واعرف امها شخصياً واعرف اخوها سطحياً وانا مدري ان كان في بالها احد ثاني والا لا ياناس قولو لي وش اسوي لني محتار والبنت مجننتني لا والبلشة ان فيه بنات يبوني بس الثوارة ما ابي الا هذي الي لاعنه ابو خامسي والمشكلة الاكبر اني ذرب واسلوبي زي وخفيف دم بس لا جيت عندها مدري وش يجيني اصير بااااايخ وسخيف وثقيل دم لدرجة اني انقد على نفسي والله حاله ياناس يلعن ابو الحب ويلعن دروبه ويليتني من البداية ماشفت خده النقي انت السبب يافؤادي وياعين ليه تعشقي والسلام ختام