عرض الإصدار الكامل : مشكلتي***هل ليها حل!!!؟؟؟
whiteheart
10-13-2006, 07:51 مساء
انا اسمي حسين
من مصر من طنطا
انا ليا واحده زميلتي من كليه طب اسنان بحبها جدا
بس المشكله ان انا معنديش الجراه اني اروح اكلمها
كمان هي بتصد اي حد يحاول يكلمها
بقالي سنتين مش عارف اروح اكلمها ومش عارف اعمل ايه
هل يا ترى مشكلتي دي ليها حل عند اي عضو!!!؟؟؟
ارجو الرد بسرعه
احمد ابوالعينين
10-15-2006, 08:34 صباحاً
بسم الله الرحمن الرحيم
اخى حسين
الاول على فكرة انا بلدى جمب منك على طول بس انا عايش فى القاهرة
ثانيا بص يا حسين اللى عايز حاجة بيعمل المستحيل ويجيبها فما بالك بالى قلبه اتعلق بحد ده يعمل ايه
تجرء يا اخى فانت رجل
انت الان فى زمن اصبحت البات هم من يعاكسون الرجال فى الشوارع والطرقات فهل ذهب الحياء من النساء وذهب الى الرجال
تجرء قبل الندم اهدى لها ورده فى اول الامر ان رمتها واهانتك فلا تيس فانت بذلك تكون قد عرفتها بنفسك على الاقل وحاول بعد ذلك ان تجعلها تراك كثيرا
فان البعيد عن العين بعيد عن القلب
ولا ايه يا سحس
اتحرك قبل ماتضيع منك وترجع تزعل وتقول ياريت
ويارين عمرها ما كانت بتعمر بيت
غريبة فى هذة الدنيا
10-15-2006, 01:59 مساء
انا من رايى انك تصارحها بحبك وتقولها دى
وبعدها اتقل شوية عليها بس ماتفرضش نفسك عليها
ربنا يقربكوا من بعض اكتر
reem
10-17-2006, 04:33 صباحاً
انا حاسه انك انسان محترم اوى عشان كده مش قادر تصارحها بحبك
واكيد هيا كمان عارفه انك محترم والبنت مننا مش عايزة غير واحد محترم وبيحبها
وربنا يوفقك بس ارجوك صارحها
وخليك متمسك بيها طالما هيا كمان محترمه وبتصد كل واحد
ربنا يوفقك ان شاء الله طالما نيتك سليمه
الابتسامه الصارخه
whiteheart
10-17-2006, 12:43 مساء
انا متشكر جدا للعضوه ريم على الكلام الجميل اللي مكتوب ده
بس انا مشكلتي طالما هي بتصد اي حد هروح اكلمها واصارحها ازاي
أرجو الافاده
anoush66
10-18-2006, 02:07 صباحاً
اتجرأ وادام انت بتحبها ادخل من الباب ومن الواضح انها بنت محترمه مش حتقبل غير كده اتوكل على الله وروح فاتحها وفهمها انك قصدك خير
anousha :wink:
reem
10-30-2006, 05:52 مساء
ربنا يخليك
طالما انت بتحبها اوى كده اتقدملها وده اكبر اثبات لها انك بتحبها
وربنا يوفقك ان شاء الله
الابتسامه الصارخه
whiteheart
10-30-2006, 11:53 مساء
يا جماعه حكايه اني اروح اتقدملها دي صعبه لان لسه 18 سنه وفي تانيه كليه
انا نفسي اروح اكلمها بس احاول افتح معاها الكلام ازاي مع العلم انها مش معايا من نفس الكلبه
انا عارف ان كتير منكم هيفتكرني عايز اتسلى بس والله العظيم ابدا
انا بحبها جدا ومن زمان وانا نفسي اروح اكلمها بس اعمل ايه؟
انا مشكلتي هي ان انا اروح افاتحها في الكلام ازاي؟
و طبعا مش من اول ماروح اكلمها اقولها انا بحبك
عايز طريقه تخليني اعرف افاتحها في الكلام
لو حد عنده رد ممكن يكتبهولي وارجو انكم تعيروا مشكلتي شويه اهتمام
أسير الصمت
10-31-2006, 03:41 مساء
يا اخي كيف هي 18 سنة وفي المرحلة الثانية
اخي انت لما تخاف يعني ما تقدر تواجه
حاول ان تقضي على خوةفك وواجه
انا هكذا ارى المسالة
وأذا انت ما تحرك نفسك وتتجرأ فمعناة الفشل