امى تحطمت ماذا تفعل ارجوكوا ساعدونى ؟؟

[غريبة فى هذة الدنيا]

بسم الله الرحمن الرحيم

اخوانى الكرام انا هعرض عليكوا مشكلة صعبة شويةومين الضحية ((امى ))

حبيت اخرج اللى فى قلبى ليكوا لانى بعتبركوا عيلتى التانية

اول حاجة عاوزة اقولهالكوا امى ضحت كتير اوى ماحدش ضحا زيها

بابا طلق ماما وسابنا واحنا صغيرين واخد فلوس اخويا واتجوز بيها اخد شقاة طول سنين طويلة

واتجوز سابنا واحنا كنا محتاجين اب يخاف علينا يحبنا يحسسنا اننا موجودين فى الدنيا

واتجوز بنت من سن بنتة ماما شافت زل واهانة وضرب منة ورجعها تانى بعد ماطلق زوجتة وماما

وافقت ترجع وافقت عشانا عشان مانضيعش ولا نتبهدل فى الشوارع

واما بابا طلق زوجتة طلبت كل اللى فى القسيمة بابا كتب ليها كل حاجة فى البيت

من اثاث واجهزة كهربائية كل حاجة كتبهالها

اخويا اشتغل وشاف زل كتير اوى

وجاب لينا كل حاجة احنا اتحرمنا منها والحمد لللة احنا عايشين كويسين

مامااستحملت مشاكل كتير اوى واتجوز التانية وماما على زمتة شوفنا ايام سودة انا بكتب

ليكوا وانا ببكى ومش عارفة اية السبب لانفصالهم ودالوقتى الثالثة على زمتة لان جاب منها

طفلة وسايبنى من سنين ومش بيصرف علينا وامى خرجت تشتغل اتحملت بس تعبت اوى

خرجنا نشتغل انا واخواتى وسعدناها

بس فى سؤال عاوزة اسالة ليكوا

هوة مش من حق امى انها تعيش فى بيتها محترمة

مش من حقها انها تعيش مع زوج يحميها ويحبها ويخاف عليهاويعوضها

ساعات بيجى عليا ايام بكرة ابويا وبكرة اليوم اللى اجيت فية

انا عرضت عليكوا المشكلة وقولولى اعمل اية على فكرة ماما لسة على زمتة

من سنين طويلة بس ولا متزوجة ولا مطلقة سايبها كدى

معلش انا عارضة انى طولت عليكوا

بس اعزرونى انا كل يوم بتعذب اوى وبعيط عشان ماما اتظلمت كتير اوى

[/b]

[تقاء]

السلام عليكم احتي العزيزة
رمضانك مبارك انشاءالله وعيد سعيد باذن الله
وبعد عزيزتي
تلك هي الدنيا تبكينا كثيييييييرا وقلما تفرحنا
و كل انسان في همه غارق
لكن الفطن هو من يدرك ان سعادة الدنيا ما هي اللا فناء وما هيى اللا عابرة لا قيمة لها لانها غالبا ما تكو مختلطة بالالم الذي لا يجعلنا ندركها ابدا

عزيزتي لا بد انا والدتك امراة مجاهدة وعظيمة
وهذه حال كل الامهات اللاتي يضحين من اجل ابنائهن مع اناه وللاسف اخطات في اختيار والده الذي لم يكن على قدر امانته ومسؤوليته ولا مسؤوليت زوجته
وعسى اللا يكون قد فرط على نفسه اجر تربيتكم والاحسان اليكم بل حتى فرط في واجبه وهو يسعى لارضاء تلك وتلك فالله يهديه
عليكم ان تلزموا الدعاء عسى ان يثوب الى رشده فيعي على الاقل بواجبه نحوك
اما عن امك حبيبتي فلا يمكن ان تتحطم
ان اما عظيمة انجبت وربت واحتظنت ابناءها بدفء واخلاص وحنان ولم تفرط فيهم تحت اي ظروف صعبة لهي اجدر بان ترفع راسها فخرا وعزة انها لم تنهر ولم تخضع ولم تضعف تحت اي ظرف صعب كان وهي من ستلقى اجرها عظيماباذن الله عند ربها لانها ربتكم ورعتكم
و ستكون من الفائزات باذن الله

[amrsadek]

اختي غريبة في هذه الدنيا في البداية احب اقولك ان انا فخور بيكي ان انتي قدرتي تتكلمي عن مشكلتك بشجاعة وصدق ومن غير كسوف وانا بجد حاسس بيكي لان انا مر عليا موقف شبه موقفك وكل اللي اقدر اقوله ليكي انك تخلي بالك من دراستك او من شغلك وانك تخففي عن امك بانك تسمعي كلامها وتكوني مطيعة وانا حاسس من كلامك ان كدة مع مامتك واحمدي ربنا انه عطاكي اخ راجل زي اخوكي يقدر يعوض امك ويعوضك عن سنين الحرمان الي انتم عشتوها كل اللي في ايديكي انك تكوني مطيعة وتدعي لاخوكي انه ربنا يكرمه واكيد ربنا بيكرمه عشان خاطر امك وعشان خاطركم تحياتي لاخوكي وربنا يخليه ليكي وانا بجد اتشرف جدا اني اكون اخ ليكي لان البنت اللي اتربت التربية دي علي يد ام كافحت عليهم واخ واق جنبهم ليا الشرف اني اكون اخوها وعلي فكرة انا عرفتك من لهجتك انك مصرية يعني الجدعنة مش غريبة عنك وعن اخوكي ربنا يخليكو لبعض ويخلي ماما ليكم اما عن بابا فسيبي الايام هي اللي تعلمه.....
خلي بالك من نفسك ومتشغليش بالك باي شئ احنا هنا كلنا اخواتك ولو حسيتي في يوم انك مخنوئة وعاوزة تتكلمي مع اخ انا تحت امرك انا والمنتدي كله....
وده ايميلي a_n992005@yahoo.com

[mohamed_oudahi]

la hawla wala 9ouwata ila bi allah

[amrsadek]

وينك يا صاحبة المشكلة نريد نطمئن عليكي .
يا ريت نعرف لايش وصلتي؟
اخوكي المصري...

[أسير الصمت]

شكرا لك اختي تقاء على ردك الرائع واتمنى الاستفادة

[amrsadek]

يسلموووووووو تقاء علي الرد الجميل الهم اكثر من امثالك..
اخوكي المصري.