ممكن مساعدتكم

[الدموع الصامتة]

انا عندي دايما مشاكل مع بابا لاني بعارضو برأيو عن أي مشكلة بتصير عنا في البيت مع امي
انا اكبر بنت في البيت وعمري 23

اخر مشكلة صارت بسبب ام بابا يعني حمات امي
عذبت امي بحياتها من اول ما اتزوجت بابا صارها24 سنة ماما مستحملة ام بابا وراضية بلي الله كتبو وبالعكس رغم كل شي بتعملةا حماتها كانت تعاملها بالخير عشان الله
وبابا عندو امو بدنيا وما بيعرف انو امو ممثلة وكذابة ومنافقة ونحنا في البيت شايفين اكذيبها والعيبها
هيا عايشة تحتينا في عندها بيت بس 24 ساعة بتكون عنا لانها بتغار من امي وبدها تعمل كل شي بتعملو واشياء كتيرررررررررر ما بدي طول عليكن

سببتلها لماما مشاكل كتير مع بابا لازم بس نطلع تتطلع معنا كل شي بنعملو لازم تعملو وألا بتصير مشكلة كل شي بابا بجيبو لامي بيجيبو لامو كأنو متزوج 2
عمر ام بابا 85 سنة بس بدها اتعيش وتبسط حالها .نفسي يوم من الايام اشوفها بتذكر الله او بتخاف منو
كولو نفاق وكذب تصوروا انو ولادها ترجوها عشان تحج وقالتلهم انا خايفة موت بالحج لا تعليق بس عشان
كلام الناس راحت وحججها بابا\

المهم ماما انهارت منها وصارت تنام وتفيأ علي دموع راحت حكت لا بابا امو شو
عملت فيها وانها خلص مش قادرة تستحمل وطلبت منو انو ما اتعود تطلع عندها ولا بدها اتشوفها بابا حكالها انا رح خلي امي تخف عنك بس ما فيني ابعدها بابا خلف كلامو

لانو بحب امو المثالية
نحنا ما عم نحكي انو يرميها بس يخليها تعرف حدودها وما تتدمادا .وانو نحنا الوجيدين يلي شايلينا كل ولادها ما بحبوها لانهم بيعرفو عمايلها الا بابا


يلي صار انو صرنا انعاملها بجفا وما نسلم عليها ومانفتحلها الباب بس تجي

هيا نجنت كيف نحنا عم نعمل هيك
سمعنا من الجيران انو هيا رايحة حكية انو نحنا طردناها من البيت وكلام كتير صارت كل العمارة تحكي عن امي الشريرة يلي عملت بست كبيرة


نحنا لما عرفنا حكينا لا بابا بس بابا حكا عادي انو تحكي عن بيتو
\

انا انجنيت رحت صرخت عليها وبهدلتا بابا انجن مني وصرخ علي انا من كتر الضغط وشفت امي عم اتموت ادامي وبابا ساكت

صرخت علي بابا وتاتا .بابا خاف علي امو مني وكذبت وحكت انو انا ضربتها بس انا ما ضربتها كذابة وما بتعرف اللله


المهم بابا تركلنا البيت وهلأ نايم عندها وما عم يجي علي البيت بسسببها وغير هاك طلعنا نحنا الغلطانين
وهيا المسكينة البريئة

بابا بدو مني اتأسفلها وهلأ ما عم يحكي معي وكمان كذب الجيران وحكا انهم بدهم يخربوا بين امي وامو


والمشكلة لكبيرة انو بابا دايما بيكره فيني اني بوقف مع امي ضدو وشايفني بكرهوا لاني بجادلو
بدو اترك المظلوم وروح عند الظالم عشان يرضا عني


انا تعبت كتير من حياتي مع اهلي حتا اتعبت من المسؤلية لكبيرة يلي انحطت علي

وبدي احكيلكم انو مو هادي بس مشكلتي مع بابا نحنا بكل شي بنعارض بعض لانو ما بيقنعني بوجه نظروا وبدو مني كون متل تفكيروا واترك امي بالوقت يلي بتحتاجني في لانها ضعيفة


بترجاكم انصحوني شو اتصرف مع الجحيم يلي انا في

وشكرا منكم انكم اسمعتوني انا بحاجتكم

[مجرد إنسان]

السلام عليكم ورحمة الله وبركاته

هلا والله أختي العزيزة الدموع الصامتة

بجد حضرتك منورة كتير منتدانا الغالي الحبيب

وبنشكرك كتير علي ثقتك الغالية بنا

وردي علي مشكلة حضرتك بيكون من وجهة نظري فقط

ولكل إنسان وجهة نظر في تلك الحياة

أختي العزيزة أولا ً حاولي أنك مو تعذبي حالك أكثر

ولا تحملي نفسك طاقة تفوق سنك بكثير

فحقا ً هذه مشكلة ليست ببسيطة ونسمع عن تلك المشكلة

منذ سنوات بعيدة في الكثير من البيوت

مشكلة الزوجة وأم الزوج ( الحما )

هذا المشكلة نجدها منذ سنوات بعيدة في حياتنا

ولكن دائما ما نجد أنفسنا عاجزين عن الوقوف أمام تلك المشكلة

نجد دائما البكاء وضيق الصدر والوحدة هم العنوان لحياتنا

أختي العزيزة نصيحتي إليك أن تصالحي أم أبيك

حتي توقفي الكثير من الألسن التي تتدخل في حياتكم

ومن ثم أن ترضي أبيك فرضي الأب والأم جزائه كبير في الدنيا والأخرة

وياريت أختي العزيزة تحاولي أن تجتمعي أنتي ووالدك ووالدتك وأخوتك

في مكان واحد وتتحدثي مع والدك كأبنته تحدثي بأسم أسرة كاملة

تحدثي من مستقبل تلك الأسرة وعن الظروف التي تكاد أن تدمرها

تحدثي بلغة دائما ما تنتصر منذ زمن بعيد

تحدثي بلغة الأبنة لأبيه بلغة حب إليه وإلي أسرتك وإلي بيتك

تحدثي بخوفك وحفاظك علي تلك الأسرة من التفكك

تحدثي معه عن الحالة التي تكاد ووالدتك أن تعتمرها طول حياتها

عن تلك الحالة التي تقضي علي سعادة ووالدتك وسعادتك أنت أيضا ً

تحدثي عن تلك السعادة التي تكاد أن تزول من البيت

ويحتل مكانها الحزن والدموع والكثير من المشاكل

حاولي الأقتراب أكثر من أبيك وأجعلي كلماتك أن تلتمس قلبه

فالحديث الذي يخرج من القلب يصل سريعا ً إلي القلب

فأبيك الأن تمتلكه الحيرة فهذه أمه وهو يخاف عليها أيضا ً

فمثلا ً أنتي تخافي علي أمك الأن من أم أبيك

وهو أيضا ً يخاف علي أمه

أجعلي خوفك علي ووالدتك أن يثبت إليك مدي خوف والدك علي ووالدته

وهنا فقط ستقدري ما مقدار الحيرة التي بداخل والدك

حاولي أن تجمعي شمل هذه العائلة ولو لمرة واحدة

في هذا المرة وعندما يري الجميع الراحة والسعادة تغمر هذا المنزل

لن تكون بمرة واحدة ولكن ستكون مستمرة وتنتهي هذه الخلافات

أنا بعرف أني يمكن بقول كلام مثل الأحلام

ولكن في بعض الأحيان الأحلام ممكن تكون حقيقة وتتحقق

ياريت بجد ياأختي تحاولي أكثر من مرة في حفاظك علي هذا البيت

فالحب لا يكون بالعمر أو بالكبر

ولكن الحب يوجد بداخل كل إنسان وعلي هذا الإنسان

أستغلال هذا الحب بالطريقة الصحيحة الذي ينتفع منها الجميع

أسف أختي العزيزة لإطالتي عليكي وتأكدي أن فرج الله قريب

وبتمني أني مو أكون أخطأت في ردي ولا حكمي

تمنياتي إليكي أنتي وأسرتك بدوام السعادة والحب والتوفيق


http://www.up7up.com/pics/L/27/1200310223.gif (http://www.up7up.com/)


،،،،،،،،،، شكـــــــــــــــــرا ،،،،،،،،،



http://www.up7up.com/pics/L/19/1198534282.gif (http://www.up7up.com/)