من ضيمـــه عشــقت الخيـــانه الزوجيــــــــــــه

الوان حياتى · #61 01-09-2010, 08:58 صباحاً

صباحكم ورد وياسمين وتوت بلعسل
البارح قلت بتركم شويات ولا حضرت غير اليوم الصبح
بس تركتكم دخل سعود المسن 0كنت مرسلتله مسج قبلها يمكن بنصف ساعه أسأله اذا وصل بسلامه
يقول وصل العصر بس تعبان وجع براسه من البرد والطريق ( الله يعينه )ونام وتوه صاحى سلمنا بعدها استأذن عنده مشوار وبيتعشى
يمكن يدخل بعد ساعه
طلبت منه يرسل مسج اذا بيدخل انا مو اكيد ادخل
اشويات ويتصل زوجى يسأل اذا فى احد من العيال صاحى لا كلهم نايمين من الصبح قاعدين ولعبوو اليوم كثير
اوكيه انا جاى بطريق تامرين شى 0 لا سلامتك
أرسلت لسعود اتاسف ماقدر ادخل مسن

يقول زوجى تضايق لانه خبر اللى بدوانيه انه ماعنده دوام بعد اليوم 00 وانه واسطته بحضروونه
يقول كلهم يعلقون وبكلامهم الحسد والغيره
يخاف يصير شى يكنسل الموضوع
بديت اطمنه
واهديه 0 وهو فكره يروح ويجى
مايقدر ينسى الموضوع 00 إ لا بشغله تنسيه 0000 ( يسمونها ليله حمراء ) ليش مانى عارفه
بعدها نمنا
ولين صار الفجر اشتغل التلفون
كل اشوى يرن
فى عمال عنده متهاوشين وواصله السالفه المخفر
ولزم الكفيل
طلع يعرف الضابط 0 كلمه 0 وقال تعال الحين امشيلك الموضوع 0 قبل لا ينتهى زامى
صلى الفجر وطلع من البيت
حاولت انام ماقدرت
لين صارت الساعه 6 و45 دقيقه
قلت اتطمن على سعود
هو دايم يقول نصحى من الفجر نحضر نتقهوى ونحضر للوظيفه ( تقول حرب )
ارسلت مسج اتطمن عليه واصبح عليه
اشويات وارسل يصبح ويتاسف
ليش تتاسف
مدرى مايمدينى جلست معك وستأذنت
ماعليه اهم شى سلامتك
بعدها استأذن عنده وظيفه
وتذكرت اختى اللى بروح معها السوق ( قلت اغثها على هذا الصباح الحلوو )
اتصلت عليها
رد على زوجها 0 اشلونك 0 عساك طيب 0 الحمد لله انتو اشلونكم اشلون ابو مشارى
0 بخير ربى يسلمك 0 تبين اختك نايمه الدنيا تنهد قدامها ولا تصحى
ماعليه اعطيك طريقه تصحيها
قرب منها وقولها كلمة السووق بتصحى
قال وانتى صاجه مايصحيها غير الدينار وكلمة السووق
خذت الجوال منه وقلت اصحى بمرك نتريق بره على حسابى
اختارت مطعم غالى
وافقت قلت بنشرب عنده ماء ونطلع
تجهزت لطلعه قلت خلينى افتح المنتدى لين تصير الساعه 9 وبعدها اطلع من البيت

جالسه اكتب لكم كل شى يصير بحياتى
مانى عارفه لين يروح سعود بكون لى مزاج اكتب
ولا بترك النت كله
اريحلى
بنكون وقتها رجعنا من عطلت الربيع وبتدت سنه دراسيه جديده 00 بيصحون العيال من الصبح ويروح وقتهم بين المدرسه والمعهد وحل الواجبات قبل المعهد ومن يطلعون من البيت الساعه 3ونص بيفضى على البيت
بكون يومى طويل وقاتل
بعدها بردون يتعشون وينامون
وبكمل نهارى
اكيد بكون فيه عروس 00 لين الحين اللى اعرفه من نرد من العطله معزومه على ثلاثه حفلات زفاف
فى وحده منهم 00 ربى يستر عليها ووفقها 00 اتمنى انه يكون زوجها مثلها 00 هى مسكينه حيل 00
كلمتين على بعض ماتقول
بنتى وكل النبات اللى يعرفونها 00مايشجعونها على الكلام
من اقولهم افلانه ماتسولف
يردون
احسن 0 من زين سوالفها عاد
اسئلهم شنو تقول بحياتى ماسمعتها تتكلم
ينتى تقول يمه اسولف عليها على حد الساعه ولا سمعتها تنطق بحرف بس تناظرنى
ووحده تقولى انها معها بلفصل بحياتها ماردت السلام على المدرسه ولا تكلمت
وانها تنجح اى كلام
اتمنى انه الزواج يغيرها 00000000000
والثانيه اللى بتتزوج 00طويله لا عملاقه
اتمنى اشوف زوجها وين بيوصل عندها يوم العرس
انا طولى زين 159 وزوجى بعد نفس الطول
بنسبه لى انا يعتبر ممتاز طولى
بنسبه له هو رجال اعتبره قصير
اعيالى كلهم اطلعوو على عماتهم قصار مافيهم اللى تشبهنى بشى
يقولون مرام تشبهنى00 لا 00 فيها من دمى بس
اما الطول حرام يكسرون خاطرى 000
مافى احد منهم يشبه الثانى
كل واحد ملامحه تختلف تماما 00 مافيهم صفه متشابه غير الطول
اختى اللى بمرها الحين ويع اعيالها كوبون
البنات والعيال صوره وحده مكرره
دايم اقولها ذبحتينا وقت الحمل والولاده واخرتها نفس الشى صورى عليهم وخلاص متعبه نفسك ومتعبتنا معك

اما اختى الثانيه اعيالها اشباه ابوهم 00 هى دايم تشتكى منه 0 اقولها انتى كذابه 0 العيال لين يطلعون على ابوهم 0 يعنى من كثر ماتفكرين فيه وتشتاقيله وقت الحمل طلعو عليه

دايم لين نجلس ويكون مزاجنا عال ولا بينا الغريب كل وحده تتكلم عن زوجها وقتها هم ياخذون حسناتنا من كثر ما نحش فيهم
اكون انا اخر وحده تتكلم
اجرهم بلكلام واطلع اللى بقلبهم كله واضحك على كل شى يقولونه وعلق عليه
لين يخلصون من ازواجهم
يسئلونى وانتى
اوقف واسوى نفسى معصبه نعم ياروحى انتى وياها ياويلها اللى تجيب سيرة زوجى بلغلط وابتدى امدح فيه واطيره بسما واللى تحاول تعلق
احط صبعى على فمى واقولها هووووس ياويلك ان غلطتى عليه اموووتك
ماياخذون منى لا حق ولا باطل
يقولون من زينه تمدح فيه
اروح لأمى وانا اضحك عليهم

حتى لو يجى على خاطرى انى اتكلم عنه بعض المرات
اقول كل اللى بخاطرى وانا اضحك
واقولها بطريقه تضحك واعلق عليها
كل الموضوع اللى اتذكرها
يكون وقتها انا معصبه عليه
لاكن مع مرور الوقت اتذكرها واضحك
السالفه ماتسوى انى اعصب وقتها
كل الحقد والكره يروح
ماتبقى غير ذكرا السالفه
اسال روحى بعض المرات
ليش هذى المشكله صارت
مادرى حتى شنو بداية الموضوع
اتذكرها وانا اضحك عليها
مافى شى يسوى انه نكبر السالفه عليها
حتى موضوع البيت
بالاول كنت اتمنى يكون لى بيت بروحى
بعدها
مادرى شنو خلانى اكره موضوع البيت
ماحب اتكلم عنه
واللى يسئلنى
اقوله
زعلانه على الحكومه
تعطينى احلا الاراضى وانا اقولها مابى مشكوره
واخذ الموضوع على ضحك
احنا نقدر يكون عندنا بيت يمكن من 6 سنوات
لاكن
انا ارفض البيت
كل الاماكن اللى طلعلنا فيها تخصص من الحكومه ( ارض وقرض )
ماتعجبنى بعيده عن المكان اللى تربيت فيه وعشت فيه
لا هى قريبه عن بيت ابوى ولا بيت زوجى
يعنى ببتدى من جد وجديد
حتى مكان الوظيفه بكون بعيد
ولا هم اللى بكونون معى جيران من بيئتى
عالم ثانى
بلغصب تألقمت مع أهل زوجى
كنت تونى صغيره وقادره على التغير
لاكن الحين لا مااقدر
ابتدى من جديد
يحاول يقنعنى زوجى ولا ارد عليه غير بكلمة نعم انااسكن هناك لا انسى بيت ابوك ارحم
اكيد هو مو مقتنع بلمناطق الجديده ولا كان مارد على وأخذ فيها
( مدينه صباح الاحمد - مدينة سعد العبدالله - عبدالله مبارك - غرب صلبيخات - النهضه - مدينه على المبارك ) رفضت كل هذى المناطق
بس يسئلونه بناته ليش ماعندنا بيت
يقول اسئلو ا امكم هى اللى رافضه
يحط اللوم على - وانا متأكده انه هو بنفسه ماله خاطر بهذى المناطق
صحيح جديده وحلووه
لكن كل اللى بسكنونها من محافظه غير محافظتى
يعنى ناس افكارهم تختلف عنى
ببتدى من جد وجديد اعود نفسى على طبع واسلوب جديد للحياة
واكيد اعيالى بتضايقون منهم بلمدراس
وش اللى حادنى مرتاحه وشقتى واسعه وشايلتنا
واعرف كل شى بمنطقتى والكل يعرفنى

ماباقى شى على الساعه 9 استاذنكم

الوان حياتى · #62 01-09-2010, 04:33 مساء

السلام عليكم 00000 اخباركم 000
تركتكم ورحت مع اختى 00 والحين انا معاكم

تسوقنا وقبلها تريقنا بمطعم اسمه فيروز
متخصص بلكروسان
هى اطلبت كروسان وطبعا لزوم تاخذ بنتها معاها كل مكان وانا طلبت كبتشينوو
بعدها رحنا على الفروانيه سوق متخصص للاثاث المنزلى
انا خذيت سبع قطع سجاد
الصاله تحتاج قطعتين للجلسه العربيه وللجلسه الثانيه مفصلتها من سنتين لين بنيت غرفه للعيال
وسجاده للممر وغرف البنات عندى غرفتين البنت الكبيره غرفه وخواتها غرفه والعيال غرفه
وطبعا خذيت ديباج للسراير الديباجات الصيفيه شلتها وخذيتها للمزرعه وشريت لحاف شتوى لا كن طول الليل ماتغطون هذى السنه ماجانا برد
لانها سنه امطار
بره البيت بليل برد خفيف وبلبيت حر
والنهار كله داخل البيت وبره حروره
بنتى لين الحين التكيف شغال بغرفتها
رجعت البيت اتصلت قبلها اسئل عن ابوهم يقولون ماوصل
دخلت قبله البيت تروشت وغيرت ملابسى يسئلونى اعيالى وين رحتى قلت ازور وحده تعبانه
مانزلت الاغراض من السياره
حتى زوجى ماعلمته انى طلعت اليوم
دخل البيت وخذا غفوه
هذى قعدته من الفجر
بعد المخفر
جلس مع العمال يكلمهم وينصحهم
لين الساعه عشره بعدها راح على مكتبه
صحى على الساعه 3ونص ولبس وطلع يقول عنده اشغال
وهو نايم نظفنا البيت وشلنا السجاد القديم والشراشف اللى على السراير والحاف طلبت من الشغاله كل يوم تغسل اثنين وتشيلهم بعد الغسيل بأكياسهم واعيالى يسئلون ليش ليش
وانا ساكته مارد عليهم
طبعا زوجى ماستنكر البيت بدون السجاد طلع على طووول
بس طلع ناديت شغالة خالتى وخادمتى نزلو الاغراض اللى بسياره

وبتدا الشغل والترتيب البيت وبعدها نزلنا الحافات الجديده اللى بلبيت كله انجن على لحاف بنتى الكبيره يقولون احلا واحد فيهم
هى غرفتها لونها عنابى من ثلاث جهات والرابعه لونها بيج وعليها ورد عنابى
شريت لها لحاف لونه عنابى كله شفايف لونها عنابى
والبنات على على رسوم حلويات كل انواع الحلويات والشوكولاته يعنى مافى نوم بعد اليوم مع منظر الحلويات
والعيال على سيارات
اما انا شريت زوليه حلوه بعدين غيرت راى وخذتها اختى وشريت ثانيه
بعد ماشفت لحاف على زيبرا ابيض باسود
خذيت معه ستاره جاهزه لون احمر واسود وزيبرا
قالت اختى حسافه لوماخذين الزوليه الزيبرا
اللى من اشوى شفناها
قلت يمدينه تعالى ناخذها
كانت محدده مثل البوراز بلون الاحمر وبداخلها نقشة زيبرا
لين صعدنا السياره قالت اشرايك تعطينى القطعه الاولى لغرفتك قلت ادفعى واستلمى
طبعا بنتى ماصدقت اركضت واتصلت على ابوها تعطيه التقرير البيت يهبل اشحلاته شكرا لانك خليت امى تشترى
اتصل وسئل وانا انكر الموضوع
( خربت على المفاجاءه )
ماله مزاج يدقق مشغول سكر التلفون
وانا عاقبتها بره البيت ولا اشوف وجهك لين ابوك يدخل
ولد الصغير يقول يمه عطينى وجهك ويبوسنى ( فيدييييته يا ناس )
اما الصغيره
هى الوحيده اللى شريتلها فوطه على صورة ( جنى ) رسوم متحركه على اسبيس تون
من شفتها بغى يغمه عليها من الفرحه
اركضت واحضنتنى ولفت رجولها حولين خصرى وايدها حولين ارقبتى وهاتى بوووس
البنات نادوو جدتهم وعماتهم بلبيت يشوفون غرفهم
الكل يقول لوماخذه اللى على شفايف لغرفتك احلا
بلعكس الزوليه واللحاف والستاير نفس الشى شكلها احلا بكثير
يقولون بس الشفايف شكلها غريب ومغرى
مرت عمهم تقول ياريت اشترى مثله
خفت على بنتى يصير فيها شى من عيونهم
طلبت منها تقراء على روحها المعوذات وهى تضحك
تقول خليها تروح تشترى شنو المانع
اقولها ماتعرفينهم من خذها عمك تبى تسوى وتسوى لاكن ماعندها ماعند جدى
خلها تتحرك من جدام التلفزيون وبعدها تسوى شى من اللى تقوله

بعد كم لفه بلبيت والكل يسئل عن قيمة المشتريات
اطلعوا وانا صكرت الانوار وقلت للبنات اوت كل وحده تروح تلعب عند جدتها ولا بنت عمها
ياويلها اللى اشوفها تلعب مع العيال
وهذا انا معكم بعد مارسلت لسعود مسج امسى عليه

-------------------------------------------------------------

شنو اقولكم
عن غلطات اللى مرت بحياتى
اتناساها على طول
امسحها من ذاكرتى
كانى ماعشتها
-----------------------------------------------------------
كنت اقولكم انى سافرت قبل الزواج اخر سفره كان عمرى 15 سنه كانت لمصر 000جلسنا هناك شهر
واحنا بمصر مات ولد عم ابوى رفيقه الروح بلروح
غيبوبة سكر
رجعنا بعدها بيومين
رفيق ابوى الروح بروح
مانسافر الا معه
الله يرحمه دايم يضايقنى
يقول انتى مو بنتهم لقوك بشارع كسرتى خاطرهم وربوك
ولانه اللسانى طويل يحب يضايقنى
بس نتهاوش انا معه
امى تقول عيب هذا عمك
وانا ماخليه هو يعطينى من الحجى وانا اعطيه

------------------------------------------------------------------
والحين زوجى يسوى هذا الشى مع بنته
دايم يقولها انتى مو بنتنا لقيناك بشارع امك فقيره قالت اخذوها ربوها امك اسمها سعاد وابوك حنفى
وهاتى صياح
والكل يضحك عليها
ويقولها كنت لابسه ملابس مقطعه رحنا وشرينا لك ملابس
من تشوفى الاكل تسوى هجووم
واحنا نقول حرام خلوها تكسر الخاطر
وهى تبكى وتترجانى اسكته
واقوله ارحمها وهو يضحك
بعض المرات يقولها يلا اللبسى الحين امك بتجى تشوفك
-----------------------------------------------------------------------

عن اذنكم شوايات بس

الوان حياتى · #63 01-09-2010, 05:21 مساء

رجعت لكم 0000000
كنت قبل لا ارسل لسعود قصتى بهذا لوقت اصحيه من النووم
مالى وجه الحين اتصل عليه
وقبل العرس باسبوع بمسح رقمه من تلفونى نهائى 000 واكيد هو بمسح رقمى 00 هذا اذا ماغير الرقم
اعرف شباب كثار مستهترين امهاتهم تتشكى منهم
بعدها لين اسئل امهاتهم عنهم
تقول لا الحمد لله
من تزوج ربى هداه
اغلبهم يكونون متعبين اهلهم بسفرات قبل الزواج اسبوع بديره وشهر بسوريا ولا بانكوك ( تخصص عندنا هدولتين )
اكيد سعود ماهو مثلهم
ولا حتى قريب منهم
لا كن الواحد من يتزوج يتغير 180 درجه
كانه صحى من النوم لقى نفسه شخص ثانى
وطبعا يعتمد على الشباب اللى حواليه والزوجه
-----------------------
بقولكم عن سالفه صارت معنا بلبيت
يمكن من 10 سنوات
كان اخو زوجى اللى بينى وبينه 6 سنوات متزوج مثل ماقلت من قبل وحده غبيه
بغيت اموت منها
مارتحت لين طلقها
تنفسة الصعداء ( على قولتهم )
ماحب وحده غيرى تكون جرئ بلبيت
انا جرائتى ماهى على دفاشه
هى على دفاشه ووقاحه
بغت تذبحنى من الحره
اول ماسمعت خبر الطلاق
اتصلت على خواتى ابشرهم
كانى ابشرهم بلجنه
وهم يضحكون
وش عليك منها
اقولكم وش تسوى فينى
اليوم اللى تشوفنى داخله المطبخ اسوى عشاء
تتصل على المطعم وتطلب عشى
يوصل قبل لا يخلص عشاى
وتقولها خالتى انتظرى لين يخلص عشاء اسيل
تفتح الاكياس وتقول تفضلوو
لين يرد زوجى بليل اوقوله وشقصدها تطلب للبيت كله
مشتهيه شى تطلبه لنفسها
يعنى اكلى يرمى بزباله
طبعا يضحك
ومن تشوف بنتى معها تفتر رسووم تاخذه منها وتشقه وترميه
وهذيك تصيح
اقوله تشوف مرت اخوك الغبيه
عقلها بعقل البنت الصغيره
يضحك
مستمتع حضرته
اكتشف انه الكلام معاه مافيه فايده
بدات الحرب
اليوم انا اطبخ
هى بكره تتفنن بالاكل
اسوى حلوو
تسوى حلوو
من اروح للسوق اشترى شغله
الخادمه تنزل الاغراض من السياره تناديها وتفتح الاكياس وتعلق عليهم انهم مو حلووين
الخادمه تقول مدام هذى فلانه يفتح الاكياس يشوف ملابس انتى
من تشوف بنت لابسه شى تضحك عليها وتقولها مو حلوه ملابسك
وهذيك تبكى ولا ترضى لين نغير ملابسها
تقرص بنتى من تشوفها بروحها
تضرب خادمتى بدون سبب
ولين اكون مو موجوده بلبيت تدخل البيت وتسئل عنى الخادمه وتدخل للمطبخ وتدور بلغرف
فى مره قبل العيد باسبوع ادخلت على غرفتى وانا مانى في البيت وسئلت بنتى عن ملابسى العيد
البنت افتحت الدولاب وطلعت ملابسى الجديده
شافت كرت المحل معلق على البدله
الخادمه تقول مدام انا يقفل الباب وهذى تضرب حيل افتحى ولا اضربك
وخذت مفتاح غرفتك من ماسه
سئلت ماسه من وين عرفتى مكان باب الغرفه
تقول اشوف ابوى يخبيه فوق
اتركه بلبيت يمكن يرجع قبلى
سئلتها تقول تبى تشوف ملابسك العيد
عصبت وشطت لاكن قلت طاف هى هبله
وكان اول يوم العيد
مت الف مره بهذا اليوم
حرارتى ارتفعت
وايدى ترجف
ظاقت فينى الوسيعه
تقول الخادمه فلانه يلبس سيم انتى ملابس
نعم
انا خلصت لبس
وتبخرت ونازله
تقول فلانه نفس ملابسك
شنواسوى الحين
خربت على كشختى
جلست بمكانى
اتصلت على اختى
اشكيلها
تضحك وتقول اعناد فيها لبسى الخادمه البدله وخليها تقهوى الحريم
وسويت مثل ماقالت اختى
هذيك ماتت من الحره
وانا اضحك
لبست بدلة رمضان وش اسوى
والبدله الغاليه على الخادمه
بعدها رحت بيت ابوى
وقلت لأختى تضحك وتقول من صجك كنت اضحك معك
ماتوقعتك تسوين جذى
طبعا بعدها دفعة زوجى قيمة البدله
باقل من شهر تطلقت
وارتحت انا
وتزوج والحين هو عنده خمس اطفال
الاولى ماجاب منها شى
صارت لى معها مواقف كثيره
حتى لو كنت اسوى شاى العصر تدخل وتسوى شاى ثانى وتقهوى اللى جالسين وتنادى الخادمه يشلون ترمس الشاى اللى انا مسويته
مره ابتسم
مره اطوف
مره عينى بعين حمواتى واقول بعيونى اشفيها
وبعيونهم يردون خليها تولى
فى مره
كان بزواج حماتى بعد نهاية العرس دخلنا البيت انا وزوجى
نادت عليه تسئله ليش مادخلت مع العروس بصاله كل اخوانك ادخلوو معها
انت ليش
ضحكت بهستريا ودخلت شقتى
هو مارد عليها
يقول هذى صاحيه
طالعه من غرفتها تسئلنى ليش مادخل
اقوله يمكن خاطرها تصور معاك
روح صور الحين بجوال
لا ترد خاطرها
مارد على
غير
بكلمه
حمد لله وشكر
وانا اضحك
وصار
وصار
بس كله انتهى
تزوجة الحين
يمكن لها اربع سنوات من تزوجة ربى يهنيها ووفقها بحياتها الجديده
-------------------
زوجة الحاليه مره تسلم علينا مره طاف
على حسب مزاجها
----------------

الوان حياتى · #64 01-09-2010, 08:38 مساء

اخباركم
تركتكم اشويات
كنت مع سعود بلمسن
تعبان 00 اكيد بداية صخونه 00 ربى يعينه ويسلمه من الشر
عرفت منه انه تضايق من اللى كتبته بلمنتدى
يقول خربتى سمعتى عند القراء
تعرفون ليش
لانى
كتبت وهو غايب انه كذاب
يقول انتى تقولين اشلون امك تغصبك على الملكه وين التحاليل اللى قبلها
يقول ا انه التحاليل مسويها من زمان لاكن الملكه توها تصير
هو قايل قبلها بفتره انه اخر شهر 12 بصير شى وانهم مكلمين عمهم عن بنته
اسفه يا سعود
ويقول تقولين ماشفتى شى بأيدى لمرينا كنت شايل غلاك
وقفت لحظه
شايل غلاى
تقول انك رميت الهديه من دريشة السياره
رميت غلاى يا سعود
يضحك
يقول لما رجعت لى رجع غلاك من حاله
فدييييييييييييييييييييييييييييييييييته
طبعا بعدها استأذن عند شغله وبيرجع بعدها بساعه
له الحين اكثر من ساعه
يرجع بسلامه

----------------------------------

ماعندى شى اقوله
مافى شى
بس احس بانتعاش
شكل غرفتى يختلف
احلا من البارح
------------------------------------
يسئلنى سعود وش سويت اليوم اقوله غرت منك وغيرة اثاث البيت
----------------------------------
حلووو انه الواحد يغير شى بحياته 000 بيعطيه دافع 00 واحساس بالانتعاش
زوجى يشوف انه الامور هذى مالها داعى
اسئله بعض المرات اشرايك بتغير الجديد يقول عادى
اقوله احلف انه عادى
ولا حسيت بداخلك شى لين شفته
يسكت
اطلب منه انه يحلف انه التغير عادى
يضحك
0000000

بنشوف ردت فعله اليوم
0000000
اكيد بيرجع البيت مبجر ونام هذى قعدته من الفجر 00 نومت ساعه الظهر ماكفته
ماهو متعود ينام بنهار
000000

ماشاء الله سعود عليه نوووم
ههههههههههه
بقول احسدتى الحين
احسن خلى النوم يطير من عيونه
0000
امى واحنا صغار تصحينا من المدرسه بقصه
تقولها لنا واحنا نايمين الصبح
نرفع راسنا ونستمع لها
ولين تخلص القصه يكون النوم طار من عيونا
ماحب اللى نومهم كثير
ماتعودت على النوم الواجد
نومى قليل واصحى باى حركه بلغرفه
حتى زوجى تكفيه 24 ساعه 5 ساعت ينام متواصل فيها بدون ازعاج يكمل النهار كله عادى مصحصح ونشيط
000000000

بصير ساعتين على استاذان سعود
هو يقول شغلت ساعه بلكثير
00000000
احب تكون مواعيدى مضبوطه
ولين اخلف موعد مع احد
ويتضايق من تاخيرى
ماعتذر اضحك وبس
0000000
اهلى اتصلوو
يقولون البارح خاطرنا نسافر بعطلة الربيع
اليوم قرروو
يرووحون من غير اعيالهم
خواتى مع ولد اختى الكبير
لماليزيا
يقوولون بتركون بناتهم عندى بلمزرعه
بس قلت لبناتى
طاروو من الفرحه
لمدة اسبوع سفرتهم
وبعدها بيروحون مع اعيالهم وازواجهم مكه يسووون عمره
يسئلونى تعالى السفره من غير العيال وابوهم روعه
خليهم يولون وشتبين فيهم
جدتهم وعماتهم وابوهم والخادمه عندهم بلمرزعه تعالى هيصى
استمتعى بعمرك مادام توك صغيره
بياخذون شبابك ولا بتحصلين منهم فايده
خيرهم لزواجهم
وبيتروكونك
000 مافكرت بلى يقولونه
اقول بينى وبين نفسى بنفس الوقت اللى بسافرون فيه بتكون نهاية حكايتى مع سعود

اقولهم نفس الكلام كل سنه
مااعرف اسافر واتركهم
سافرت كذا مره معكم مارتحت ماستمتعت بسفره
اخر مره سافرت وتركتهم من اربع سنوات اللى حجيت فيها
صحيح ماهتم فيهم حيل بعد مااكبروو وشالوا مسئولية
لاكن يكفى انى اشوفهم من بعيد واراقب افعالهم يريحنى هذى الشى
له سعود ساعتين من راح
تعرفون كل كلامنا تغير
ماقدر اقوله اى شى يمكن مايصدقنى
لا اكيد ماعاد هو مصدق
يقول انا سئلتك من البدايه الصدق
وقلت بناخذ علاقتنا ضحك وسوالف ماله داعى الغش
فهمت كلامه بوقتها بطريقه ثانيه
ولا يمكن
كنت كاره واقعى بوقتها ولا حابه اذكره حتى مع نفسى
ليش ماقلت الصج
اتمنى انه ينعاد شريط حياتى قدامى من عرفته
علشان اشوف وين الغلط
فينى ولا فى ظروفى
اعرف واسمع انه الشباب بعضهم يفضلون يتعرفون على المتزوجات لغرض بنفسهم
ماحبيت يكون بينى وبين سعود هذا النوع
كنت ثقيله معاه من البدايه
ولين تطور الموضوع نع الوقت
سويت نفسى غبيه
بكل شى يتكلم فيه
وهو ماقصر
حس انى انسانه جاهله ببعض الامور وحساسه
وخذا باله من كلامه
ماصار يضايقنى
بكل كلمه يقولها يحسب احساب لمشاعرى واحاسيسى
بدت علقتنا مع بعض درجه درجه من اول السلم ماتخطينا ولا درجه
كان حذر وكنت مسويه نفسى بريئه مثل الطفله اللى توها مولوده ماتعرف شى بهدنيا
غصبن عنى مابى اخسره
مابى تفكيره يروح لبعيد
هذى متزوجه وش تبى فينى
اكيد بتتسلا وترضى رغباتها
مالى رغبه غير انى انسى حياتى لمدة ساعات
اعرف برجع لها
مالى غيرها
لاكن
تعبت منها
ماارضتنى بعد العمر هذا كله
ماحسيت براحه وانا اعطى مليت من كثر مااعطيى حياتى كل شى يمكن خذيت البيت والزوج والعيال
لاكن بطمعى اشوف نفسى ماخذيت شى
احتاج اكثر
مثل الممثل اللى يمثل اكثر من 100 فيلم واكثر من 150 مسلسل
ولين يسئلونه يقول باقى فينى طاقات كثيره ماطلعت احتاج امثل اكثر واكثر
هى الحياة كلها تمثيليه كبيره
لاكن من البطل فيها ومنو الكمبارس على حسب كل واحد ودوره
مافى احد يعطينى الادوار
احنا اللى نختار ادوارنا
احس انى مع سعود
خذيت دور البطله
ومع زوجى وعيالى
دور الكمبارس

عن اذنكم بعشى اعيالى وانومهم

الوان حياتى · #65 01-10-2010, 09:11 صباحاً

ما في احلى من صباحك
و الشمس تنور حياتك
و اكون اول مسجاتك
و اقول يسعد صباحك

كان هذا المسج اللى صبحت فيه على سعود اليوم
وهو رد عليه

صباح الورد ياحنون وشكرا على الوصفه اليوم اشوى طيب

كان البارح تعبان عطيته وصفه تحسب البرد من الجسم

انتظرته لين الساعه عشره وبعدها تركت المسن اف لاين
وصل زوجى الساعه عشره وطبعا كل واحد ياخذه على غرفته تعال شوف غرفنا
وكل واحد يدخل السرير علشان يشوفهم وهم متغطين فيه
واخر غرفه دخلها غرفته
دخل وهو ساكت
الكل يتكلم وهو ساكت
بعدها قلت بره يلا كل واحد يرووح على السرير
اى قول شى
مته رحتى السوق
اليوم الصبح مع اختى
ماشاء الله عليك
لين تشتهين الشى تسوينه
ويعنى يضايقك هذا الشى
مايرد
قولى شنو رايك
حلوو
اى غرفه اعجبتك
كلهم حلووين
بجهز العشاء
قبل لا اقوم اجهز العشا لقيت سعود يدخل ويعتذر
لانه تاخر
ارسلتله باقى الكلام اللى كتبته بلمنتدى
وسكرت المسن
بعد ماجهزت العشاء
وتعشى
نام
يقول تعبان ولا يشوف قدامه
فتحت المسن من جوالى
اقول لسعود اقراء اللى كتبته بصفحه السابعه
سئلنى قبل لايطلع
ليش الغش
كل اللى طلبته منك الصراحه
كان قصدى علاقه وصداقه ماتضرك ولا ابى من وراها هدف
غير انا نكون صريحين مع بعض
اسفه يا سعود
اعرف انك مو من الشباب المستهترين
اللى يدورون على اللعب
من اول يوم عرفته فيه لين اليوم
ماغلط على ولا حرجنى
كل كلمه يحس انها بتضايقنى
يستاذنى اذا بقولها
ممكن سؤال
ما يعصبك
ولا يزعلك

من اول يوم دخلت فيه شات
انا اللى بديت السلام والكلام
كان لاهى مع القحطانى
بعدها بيوم شفته
وذكرته فينى
من بعدها من ادخل الشات
ادور عليه بعرض الغرف
واروح وين يكون
محترم ولا بحسسنى انى غريبه عن المكان
على طول لقيت لنفسى مكان بينهم
كان دايم لين بنتكلم بشغله يقولى تعالى تحت الطاوله
وانا لين بقوله شى اقوله انتظرك تحت الطاوله
رمز بيننا
اذا السالفه تخصنا
مادرى وين راحت الطاوله الحين
يا سلفناها احد يا بلمتحف
بسئله عنها اليوم
بعدها انا اللى شجعته
من يكتب شعر ارد عليه
اكتب قصايد
وهو يرد عليها
انا اللى كبرت السالفه بعيونه
انا اللى فتحت المجال لعلاقه
غلطتى
ماهى غلطته
شنو كنت اقصد بفعالى
مانى من اللى يدور على علاقه
ماكان هذا ببالى من البدايه

0000000
اعرف واسمع عن علاقات كثيره تقوم فيها المتزوجات
اللى تبحث عن الماده
واللى تبحث عن الحب
واللى تدور علاقه جنسيه
اسفه على جرائتى
لاكن هذا الواقع
انا ولا وحده منهم
الماده عندى ولله الحمد
والحب مااشوفه ضرورى بحياتى من اول ماتزوجة
اهم شى عندى انى انحب
لاكن انا احب
لا
احس اللى تحب انسانه ضعيفه
والحب يسيطر عليها
ولا احب احد يسيطر على
والعلاقه الجنسيه
ولله الحمد مافى بيوم حسيت انها تنقصنى او تشغل تفكيرى
شنو كنت ابى من سعود

بروح اتريق عن اذنكم اشويات

حراير.. · #66 01-10-2010, 04:25 مساء

مساء النور والسرور..

تو دشيت وشفت اللي كتبتيه هاليومين
هلكاااااانه هاليومين ماره علي كأنها دهور ومااقدر ادش ابد اه الله يعين بس

متابــــــــــعه لآخر حرف..

الوان حياتى · #67 01-10-2010, 06:54 مساء

اقتباس:

أرسل أصلا بواسطة حراير..

مساء النور والسرور..

اقتباس:

أرسل أصلا بواسطة حراير..

تو دشيت وشفت اللي كتبتيه هاليومين
هلكاااااانه هاليومين ماره علي كأنها دهور ومااقدر ادش ابد اه الله يعين بس

متابــــــــــعه لآخر حرف..

حياك ياعمرى
عساك بخير عسا ماشر اشفيك
اتمنى انك تكونى بخير وتكون ايامك كلها افراح

الوان حياتى · #68 01-10-2010, 10:54 مساء

السلام
اخباركم
000000000000
من صحيت من النوم جلست اشويه مع العيال وبعدها اتصلت على ابوهم اقوله ماحسيت فيك وانت طالع
ليش ماصحيتنى
يقول انه ماصدق شافهم لاهين برسوم لبس بدون صوت واتسحب من البيت
هههههههههه
عسا ماشر بياكلونك خايف منهم
يقول ماله مزاج على طلباتهم

جلست معهم لين حسيت انه ابوهم صاج مايتقعد وياهم غثونى ربى يسلمهم
عطيتهم جم امر ورحت اتروش
مريت على بنتى اسئلها اشلون الدراسه معك
تقول انها حابه لحافها الجديد ومشجعه على الدراسه
ربى يوفقها
رحت على الغرفه
من شفت جهازى قررت ارسل لسعود مسج
يمسيك بلخير قلب متوله عليك ,,, مشتاق لعيونك يحب يتطمن عليك

فتحت المسن وتركته اف لاين
ثوانى وسعود فيه
فدييييييييييييييييييييييته

سلمنا وسئلنا عن اخبار بعض
يقول انه اشوى الحين كان تعبان البارح
سولفنا وضحكنا مثل اول
شكرا يا سعود
سئلته اذا يتذكر اللى كاتبته بلمنتدى
اقول انى بطلب سعود طلب واذا وافق بعلمكم عليه
مايتذكر يقول مخه مقفل اليوم
ماشى
ممكن يا سعود تسجل بلمنتدى وتقول اللى بخاطرك
لا
اللى بخاطرى علمته لك
ماشى على راحتك
بعدها سئلنى سؤال
يقول بدون زعل
ماانزعل منك
يقول ليه تقولين انه كنتى خايفه لا تكون من ورا علاقتى مصلحه

يقول مو كل الشباب السعودين جذى
اقوله انا اشوفهم من بنظرو بلدى الكويت مو قصدى عنكم انتو بذات
يقول ماشى
بس يمكن يكون 35 % من تفكيرى جذى يعنى علاقه لمصلحه غريزيه
ضحكت وقلت ماشى يا ابو 35 %
وكملنا جلستنا ضحك لين ماصار عنده ضيوف واستاذن

قبل لا يطلع ارسلى قصيده لابن افطيس
يقول تقدرين تفهمينا
اقوله عسا ماشر ليش ماافهمها
يقول كلامها بدوى
انا بدويه يا سعود
ياهيه اللتفت لي واسمع ادعاي لك ياهيه

ترا عادك بتشبع من البعد واتواجه

دعيتك بصوت ياصلك ليه ما توحيه

وانا اسمع ضلوعك من صدى الصوت لجاجه

عليك الفؤاد اخلاجه مصمٌخ راعيه

خف الله في راعيه ما تسمع اخلاجه

ترا العفو قد جاك اوله واغتنم تاليه

وترا الحلم بحر غيم لا تامن امواجه

وترا الود ليل مظلم جيت لك ساريه

سراجه وصالك والجفى ينفخ اسراجه

وترا قصرنا اللي كم سنه نجمع ونبنيه

هوى الهذل طيٌح بابه العود وسياجه

لي ايام مدري وين دارك ولا ادري ليه

وانا خابر اني باب شفك ومزلاجه

غياب بلا سبٌه هجاد بلا تنبيه

وجفا أغلا العرب نار على الكبد وهاجه

نضج قلبي من البعد وش حاجتك تكويه

جفاك الجمر والصبر في بعدك الصاجه

طبع حبك بقلبي والايام ما تمحيه

هذا هجرك يحاول يموجه ولا ماجه

يموت الامل لكن ضنون الغلا تحييه

وعروق الوفا فالروح والقلب وجاجه

خبرتوا حد يبكي على واحد يبكيه

وخبرتوا حد مسجون ما يبغي افراجه

احبه ولا ابغضته على شيٌن ايسويه

ولا زالت ارقاب الرجا فيه منعاجه

عسى منزل ضمه حقوق الوسم تسقيه

وتضحك له الدنيا وهو يضحك أحجاجه

فقد خاطري شي من الضيقه مسليه

وغدت روحي من الناس والليل هجاجه

اروح لمكان خابره.... خابره ياتيه

اسوق القدم صوبه وهي مالها حاجه

مكان نزيه وأول مواجهي له فيه

وانا خابر ما رجل مثله بدواجه

لعل وعسى ما حدني للمجي يدعيه

واشوفه وانا ماودي اسبب احراجه

يحب الجريح اخر دروب اللقاء ويجيه

وتحب القدم جيُه مكان اول مواجه

0000000000000 سئلنى بعدها راى فيها
قلت ربى يصبرنى على فراقك

شنو بسوى لين يروح
يقول بشعر

اروح لمكان خابره.... خابره ياتيه

اسوق القدم صوبه وهي مالها حاجه

مكان نزيه وأول مواجهي له فيه

00
من فينا اللى بروح للمسن ينتظر الثانى
انا ولا هوو
اعرف نفسى كل يوم بفتح المسن وافتح شاشته واشوفه
اعرف ماراح يدخل
ولا بينكتب شى
0000
بعطيه كل الاعذار
يحقله يعيش حياته بعيد عن الوهم والاكاذيب
حياة صحيحه مافيها غش ولا حرمان
0000
انا شلى قردنى وخلانى اتعلق فيه
وربى مصيبه ابتليت فيها

عندى كل شى وادور على سراب
مافى يوم يمكن اوصله
00
انت سراب يا سعود
00
ياهيه اللتفت لي واسمع ادعاي لك ياهيه

ترا عادك بتشبع من البعد واتواجه

دعيتك بصوت ياصلك ليه ما توحيه

وانا اسمع ضلوعك من صدى الصوت لجاجه

000 بصيح لين باكر مانى لاقيه اللى بيحس فينى
00000

حبيبي كلمةاحبك لها تحت الحناياشرب
تشرب من عروق القلب وانت القلب مجلاسك

اقوله وانت لك بقصا حشى عواض دار ودرب
عمرت الدار وارويت اليباس وهب نسناسك

قبل تنزل بها كانت شتات ودار حرب وضرب
وذا الحين انبتت ورد يتشرب ماطر احساسك

حبيبي والوله قاتل.. حمام اشواق قلبي سرب
موصيها تداعب وجنتك وتبوس لي راسك

اشوفك مع شروق الشمس اشوفك يوم تقفي غرب
يابسم الله عليك اعيوني الثنتين حراسك

اقوله وانت بدٌار وبعيد وماحصلي قرب
وانا اقرب لك من ارموشك فديت ارموش نعاسك

لكن الوقت مايضمن وعادات الليالي جرب
تقلبها سريع اليا نوت واسرع من انفاسك

ورغم انك قريب بعيد الك تحت الحنايا شرب
تشرب من عروق القلب وانت القلب مجلاسك

000
بطلب منه من وقت لين وقت يروح على المنتدى يعرف اخبارى
ويعرف اخباره بقلبى

يمكن مايكون عنده جهاز اشك انه بيكسره

بطلبه يستأذن من اى شخص ويدخل ويقراء
لو سمحت يا سعود
اذا سمحلك وقتك
ولقيت لى بقلبك ذكرا لو انها صغيره
تعال وشوف حالى من بعدك

000
تعرفون
قررت ادخل منتدى متعود على قصص اكتبها
دخلت اليوم وكتب قصه قصيره
كتبت ابطالها اسيل وسعود

طبعا قصه تحطم القلب
لاكن مالها اى دخل بحياتى معه
خط سيرها ثانى

000
احاول اتذكر شى بحياتى اقولكم عليه
مالقيت صار عقلى مثل الورقه البيضه مافيها شى يذكر
000
لا بقولكم عن بنتى ودى اذبحها
مو هى بس
كل خواتها
000
لين يصير عندنا مناسبه
عيد
رمضان
حفله
عيد ميلاد
اى مناسبه
احب افصل لهم ملابس
ماحب الجاهز
كل الناس اللى بعائلة ابوى
24 ساعه بسوق
يعرفون كل شى وكل المووضه ولا تطوفهم شى مايعرفونه
من يلبس احد شى يعرفون من اى محل وكم سعره
تقول فارشين لحافاتهم بسوق ونايمن
واغلب المناسبات تكون عند اهلى
حفلات التخرج 0 اعياد ميلاد 0 حفلة قرقيعان
وابى بناتى يكونون مميزين
اتعب وانا ادور موديل غريب ويشد الانتباه
واتعب واناادرو على القطع المناسبه له
ولين افصل طبعا مااشاورهم ولا أخذ رايهم
ماهمونى
يروحون معى للمشغل وياخذ عليهم قياس وخلاص
لين يسئلون عن الموديل اقول لما يخلص بتشوفينه
ولين يكون جاهز اخذهم نتاكد من القياس
يدخلون غرف القياس ويلبسون وهم ضايقين
ليش ماتشاوين
ولا كلمه مو شغلك اللبسى وانتى ساكته ( هذا اذا حاسه انه مافهم على الموديل )
ولا ياعمرى بيطلع روعه عليك شوفى اشحلاته روعه ( اذا حسيت انه مضبوط وفهم على )

اذا فيه غلط يتصلح واذا مضبوط ناخذه
واكمل باقى الاكسزورز عليه
ويوم الحفله اخذهم على الصالون اسوى اشعورهم والبسهم بأيدى

يعصبون مو عاجبنا
ماسئلتينا ليش
اللى تبكى 0 وااللى تصيح 0 واللى تقرر انها ماتروح للمناسبه
طبعا اهددهم ونروح وهم كارهين حياتهم
بسبب تحكمى فيهم
من ندخل المكان الكل يسئل عن البدله من وين واى خياط والوانها روعه
وعينى عليهم وانااقوله ببالى بذبحكم بس نوصل البيت

من نصعد السياره
يمه الكل انجن على ملابسنا مشكوره يا يمه احبج موووووت
---
وتنعاد السالفه ببدله ثانيه وموديل ثانى ومناسبه جديده
اقولهم ماتتعلمون من الدرس انتو
مره يضحكون مره يعطون كلامى طاف
0000
من كتبت قصه اليوم وانا حاسه براحه وسعود كمل الموضوع وصرنا اقراب مثل اول
يمكن من تأثير الصخونه عليه
وانااكتب القصه ومندمجه دخل فجاءه وتكلم بلمسن
طبعا يعطى صوت من يدخل
اقوله خرعتنى
يقول انتى تخرعين ما تخترعين
هههههههههههههه
لو يجى يشوف اعيالى من امر عليهم ( تقول فيلم رعب موو ام )
نظره وحده من عيونى ارفع حاجب وانزل حاجب وعيونى تقول وبعدين اشلون يعنى
وانا بلمدرسه كانو البنات يقولون عطينه نظره حاده من عيونك
اخزهم يضحكون يقولون شكلك حلووو وانتى معصبه
حتى زوجى لين اسوى معه مشكله بسبب بروده من شغلات وانا تكون اعصابى محترقه
اخزه يقعد يضحك وانا احترق بزياده ( احر ماعندى ابرد ماعنده )
اعصب اكثر واقوله لا تضحك لين اكون ضايقه يقول لا تخزين وانا ما اضحك

صرت اسوى مثله كل شى اشوفه ببرود تعلمت البرود منه
يطول العمر
شكرا يا زوجى على درس البروود
ابتدت العطله عند اعيالى الصغار ربى يعين رافضين النووم
يقولن نبى نسهر
ابوهم يقول ماعليه خليهم اشويه
اول مره ينامون الساعه 8 وبعده 9 واللى بعده لين توصل السهره الساعه وحده بعد الليل

احاول اسيطر على الوضع من الحين ولا ماعاد اقدر عليهم
قوانينى صارمه
الكلمه تنقال مره وحده
اقرص البنت بين فخوذها تطير عقلها
والولد من اذنه يعجز يتكلم من بعدها
افرح وانااعاقبهم
احس براحه
مابيهم يكونون مثلى ----- >>> ماجربت اى نوع من العقاب
اختى الكبيره هى اللى اعملها احساب
هى اللى اقول بكل مره اغلط بتضربنى
ماعمرها مدت ايدها على عقابها بافعالها
مره تقطع ملابسى
مره تقفل باب الغرفه وانا طالعه اهيص بره البيت
حتى ماقدر اقول للناس اللى بروح معهم غيرت راى روحوو وخلونى
تقفل الباب وتجلس تقرأ
ماقدر حتى اتكلم واناقشها
احترمها واخاف تزعل منى
كنت دايم اقول ليش اخاف على زعلها
لين كبرت وصارت هى رفيقتى عرفت
انها المفضله عندى هى اللى تفهمنى
مافى يوم تعاندنا أنا وهى بموضوع دايم متفقين
اعصب الحين عليها ولا تعترض
تضحك واناااصارخ عليها
اقولها ماحب اعيالك مايعملون اعيالى بحب تضحك وتقول حتى هم دايم يقولون قطيعه خاله اسيل مانبيها تزور وتجيب معها اعيالها
كله تقول احرصوو عليهم حبوهم لا احد يقول لعيالى شى من زين اعيال اختك
ونجلس نضحك انا وهى
دايم اقولها أوريك شوفى شنو بسوى بولدك الصغير لين اجلس واسولف عليها وتقول بروح البيت اتضايق لين تقول تأخرت
اعصب واضايق ولدها اقوله هذى اختى روح يلا بيتكم انت وخوانك وعطونى اياها مااحبك لا انت ولا ابوك
يتضايق ويتمسك بأمه ويقول لا هذى أمى
امسكها واجرها واقول تركها هذى اختى ويبكى وهى تضحك
اشتاقلها حيل لين تسافر من تسافر كل يوم ارسلها مسج ولا نكت واى خبر اسمع فيه بتلفزوين ارسل لها

خواتى كل يوم وترك ارسلهم مسجات اسئل عن اخبارهم بس ولا اقولهم اخبارى
هى واهيه مسافره كل اخبارى عندها
كانها موجوده بديره ماغابت عن عينى
ياقى اشويه وابونا يوصل البيت
ودى ارسل لسعود مسج اقوله فيه

قبل نومك وقبل لايسرقك مني فراشك..
عسى أجمل احلامك تتحقق
وتكون اجمل من احلامى

تصبحون على خير

الوان حياتى · #69 01-11-2010, 05:51 مساء

صباحكم عسل
لا مساكم توووت
احنا الحين المغرب
اليوم مارحت على الوظيفه 0 معنا كانت نوومتى حلووه البارح0 ومع هذا قررت انى اعطى طاف للدوام
البنات خذتهم الخادمه مع سايق البيت للمدارس بعد ساعتين ويردون البيت اشاء الله
ارسلت لسعود مسج اصبح عليه
صباح الورد و العنبر يادهن عود إمبخر ليتني يمك ألحين اتمسح فيك و اتعطر...

وشويات وارسل هوو000000
صباح الورد والدلع

فديت ايد من ارسلها

0000
وققرت انى انام ثانى
ولين صارت الساعه 8 ابتدى تلفون سى السيد يشتغل طبعا اتعودت على تلفوناته اللى ماتوقف
متفق مع واحد يلتقى فيه بلمروو
نزلت راسى عن المخده علشان مايحس بوجودى
قام الفراش وهو متطمن انى بلوظيفه
وابتدى يلبس ملابسه والانوار مفتوحه طبعا بعد مادخل وانتو بكرامه الحمام
مالاحظ وجودى بلغرفه ( الحمد لله )
وقبل لا يطلع قرر انه يتصل على بيسئلنى عن موظفه تشتغل بلمروو باى قسم بمر عليها تنجز له معاملته
مادريت انه بتصل كنت تركته صامت
رن التلفون
رفع اللحاف عنى
وانا اضحك
وجعه ليش مو رايحه لدوام
سحبت اللحاف وعطيته ظهرى وقلت 0 مالى مزاج كيفى
00 اقول روحى يلا دوامك ماتشبعين نوم انتى
ههههههههههه
اوريك تقول عنى ماشبع نوووم
اعناد مارووح الدوام اليوم
سئلته ليش متصل علمنى وقلت هى بلقسم الفلانى واتصلت عليها وعطيتها خبر انه ابو مشارى بمرها
ونمت بعدها لين الساعه عشره
ردو البنات من المدرسه وكل وحده تقولى عن اختبارها وانه سهل ( ربى يستر من كلمة سهل )
وانا اصغيره من اقول سهل يعنى العلامه طينه بتكون
بكره الثلاثاء ماعندهم اختبارات
ابتديت ارتب بلغرفه واغير نظام السرير يا ماخذيته يمين يا شمال كل شهر هذى حالى معاه
وارتب الرفوف وطبعا شافو البنات البومات الصور
وقرر انهم مايتركونهم
اكتشف غباء ولدى الصغير اللى عمره 5 سنوات كنت احسبه نبيه وانصدمت فيه
يشوف صورى مع اخوانه وهم صغار يسئلنى ( يمه انتى عندك بيبي وينه الحين )
وبعدها يقول ( اهاا متزوج ابوى قولى ههههههههههه )
اكتشف انى متزوجه ابوه من صورى العرس
ههههههههههههههههه
لين وصل ابوه يقوله بعلم عمانى وجده انك ماتستحى متزوج امى
وابوه يحلف بربه انه مايعلم عليه احد
وصار الحوار بينهم
-- اعلم اقول انك متزوج امى
-- لا الله يخليك لا تعلم
-- بقول لمشارى بعد اتشوف
-- تعال اعطيك افلوس بس لا تعلم
-- عطنى عشرة وانا مااعلم
-وابتدت المساومه بينهم لين اوصلت دينار كويتى
ولين مسك الدينار صار يركض وهو يقول بعلم عليك انك متزوج امى
وهذاك يقول غشيتنى وخذيت الدينار وتعلم هات دينارى
لين وقت الغداء اتغدوو وبعدها اشتغل الجوال عند زوجى تقريبا ساعتين وهو يتكلم
المندوبه الجديده ماعندها سياره وهو بيشترى لها سياره مستعمله علشان تنجز اشغال المكاتب
بعد ماسكر ابتدا يسئلنى تعتقدين لانها امراءه بيمشى شغلها بسرعه مو مثلنا يا الرياجيل نتعطل بلوزارة والادارة
اقول اكيد انا دايم يمشونى قبل الرجال
حتى المراجعين يطلبون منى ا اخذ دورهم
احترام لانى امراءه
اشاله بترتاح لوجودها معكم
حصل لها سياره بقيمه ( 5 الاف ريال )
من اذن العصر طلع يشوف صاحب السياره
طبعا ارسلت لسعود مسج
امسى عليه
مساء خاص مش حق أي ناس ناس اغلى من الألماس ناس طيبين الاحساس...
مساء خاص لناس النايمه

وهذا انا انتظره
-----

تعتقدون ليش لين الحين مستمر بعلاقتى معه
سؤال محيرنى
ماحس انه متضايق من اللى سويته له
يمكن يخبى ضيقته بقلبه
ويمكن تناساها وقدر يتغلب عليها
ويقول فى ناس بوجهى يكذبون الكذبه امشيها لهم بمزاجى
اعرف انى كنت جريئه ويمكن كنت وقحه
مافى وحده تخلق عالم من الغش وتعيش فيه وتوهم اللى حواليها انه حقيقه وتصمم على التمادى فيه
بعض المرات اقول ليتنى ماسويت فيه جذى
اشلون بتكون علاقتنا لو قلت انى من الاول متزوجه
صدقنى يا سعود مابتكون حلووه
ولا كل الحظات الحلوه اللى عشناها مع بعض بتكون موجوده
اعرف انها لحظات انبنت على الخداع
لاكن كانت احلا من الحلا نفسه
دايم يغنى لى
صوته حلوو مره
احلا اغنيه تكون بصوته ( الاماكن )
والباقى حليوين
بس هى فضيعه
يقول مافى احد بيوم مدح صوتى غيرك
متخلفين مالك شغل فيهم
صوتك روعه
يطلب منى اغنيله
لا مستحيل
اعرف اغنى لعيالى وقت النووم وهم صغار
والحين اغنى معهم اغانى طيور الجنه
مع سعود اخجل ماتتجراءت
يقول اعرف مو لازم صوتك يكون حلوو وانتى تغنين
المهم اسمعك تغنيلى احس انك تشاركينى اللى احبه
طبعا ماغنيت ولا مره
ولا عاد هو غنى بعد مانقطعت عنا المكلمات
تأخر بدخول اليوم على المسن
وعيالى فرصه اللى معطل
واللى عندها اجازه بكره
كل واحد يمارس هوايته
اللى يرسم واللى يلون واللى تلبس الملابس المفضله عندها وتسوى مسرحيات هى وبنات عمها
وطبعا بعد مايتدربون على المسرحيه ينادونى اتفرج
اللى تعطينى كرسى واللى تقدم لى العصير والحلويات
ولزم التصفيق بعد انتهاء المسرحيه وتبوس ( يا حلاتكم تهبلون من المؤلف واطيرهم من كثر المدح )

اكتب لكم وانا كل اشوى ارد على الجوال
ولا اروح اشوف البيت
حتى لين اكون مع سعود على المسن
يعتقد انى اكون معه بروحه
لا
انا ادرس بناتى وهو معى
هذى تنسخ وهذى تسمع وهذى تقراء الدرس وهذيك تسطر الكتب وتتأكد من الجدول
بعض المرات يسئلنى انتى مشغوله لين اتأخر برد
اقول لا
يقول خليك على راحتك
انت راحتى لا تروح ابيك
يتضايق بعض المرات من تاخيرى برد
ويعيد السؤال
احاول انى ماتأخر عليه برد
مره اقول جوال مره اقول اكلم الخادمه
وانا اصحح للبنات اختبارتهم اللى يحلونها وانا جالسه مع سعود بلمسن
سعود اصحى من النوووم

اشويات بس واكمل حديثى معكم

الوان حياتى · #70 01-11-2010, 07:11 مساء

باك
اعرف بتقولون احلا باك
يسلمووو
ولدى الصغير يلعب بلماى
شارى بالون ويعبيه ماى بغيت اذبحه سحبته من ملابسه ةغيرتها غرقانه ماى وبعدها خذيت البالون منه
نسميه بلكويت ( تفيخيه ) وصار يصيح ويهدد بعلم ابوه وانا اشوى واخنقه
بعدها تأسف وحلف يعيدها
اقوله بتصير مريض وابوك بعصب على ويطردنى من البيت ولا الاقى اكل وامى تبكى وتدور على وانام بشارع وتاكلنى القطوه ترضى امك يصير فيها جذى
قال خلاص بس انفخها مااعبيها ماى
طبعا بسته وعطيته كاوكاو من المفضل عندى والغالى مو اى احد ياخذ منه
ارسلت لسعود مسج بعد ماطول
( اشتقتله
نووووم العوافى
اتركلنا اشويه من الاحلام قضيت عليها )
اشويه وارسل مسج
( لا تنافخين مانى نايم بس عندى شغل اخلصه ومسائك ورد ومش حتقدر تغمض عنيك ههههههههههه )

بايخ انزين بنافخ

من اشوى اقولكم انه ارسلى الصبح مسج يقول فيه ( صباح الورد والدلع لا ماكان هذا مسجه لين شفته الحين كان المسج

يا صباح السعاده الدلع

باين مزاجه مروق وهوو يرسل ( بقول احسدتى هذى )
دوم مرووق عليك بلعافيه

اليوم قررت ارسل كم مسج لزوجى نحاسه فيه
انكد عليه قعدته وهو عند ربعه

قبل لا يطلع قال لبنتى امك خبله ( ماشى انا خبله اوريك ) مادرى شنو السبب لا كن مااطوفها
سئلت بنتى ليش قالها تضحك وتقول انتى اسئليه
حرام فيك البخوور

وعشاك بكون خبز وجبن ماتشوف غيرها وربى

0000000000000
حريم حموانى ثلاث هذى السنه حمل ( ربى يتمم عليهم )
بس اقول لزوجى افلانه حامل يقول ليش
غبى انت شنو ليش
كيفهم الناس

وحده عندها طفل
والثانيه عندها طفلين
والثالثه عندها ستة اطفال

يسئلنى وانتى
- انا شنو
- شنو رايك
راى بشنو شنو تبى بضبط
اشريك بحملهم
- الحين خلصت السوالف نسولف ليش هذى تحمل ولين هذى ماتحمل اشرايك تجابل التلفزيون ابرك لك
00000000
احاول اقلب بعقلى وين اروح
الجيران مالى مزاج
السوق احبه بشتاء الصبح
امى تونى شفتها الجمعه
اخواتى عندهم اختبارت لعيالهم ومشغولين
اتصل على زوجى نطلع لا معصبه على كلمة خبله

اذا حابه اطلع معه وحاسه انه يرفض اقوله انا عازمتك مايقدر يقول لا
مو لانه بخيل
بس يعرف انى بقوم الدنيا عليه
اذا عزمته ورد العزيمه

000 صمم مره انى اخذ العيال معنا مطعم وانا اللى عازمته
مادرى ليش وافقت
ولله الحمد كان درس لى علشان ماوافق بعدها لو شنوو
00
تقول بحياتهم ماطلعو من البيت
يمشون وهم مبهورين
وكل واحد يقول لثانى شوف شوف هذا وهذا
وحتارو بقائمة الاكل مايعرفون شنو يطلبون
والكل صمم انه يجلس عند ابوه كل واحد يقول انا اللى اجلس قربه
ماتكلمت خليتهم يجنونه
وصل الاكل مانبى غير ابونا يعطينا الملاعق والعصير والماى هو اللى يصبه
وكل واحد يقوله ذوق من اكلى
ونظفنى وتعالى معاى اغسل بعد الاكل
وانت ليش تروح مع هذا ولا تروح معاى
انت ضحكت بوجه فلان وانا لا
واللى يصيح واللى يزعل
وهو صامد قدامهم

طبعا انا فرحانه لانهم عقدوه
بعد مارجعنا البيت خذا حبتين اسبرين وقال تووبه بعد هلمره اروح معاهم
كل مكان اخذهم فيه احلف انهم مايدخلونه ثانى معاى
واكون عند حلفى ولا اخذهم له ثانى

---
حلوه الرموز اللى انزلها عاجبتنى

---
صارت الساعه 7 وسعود مادخل اكيد بعد الصلاة بكون فيه
قولو انشاله
---
بدور بعد شويه كم مسج بلمنتديات يحرق الاعصاب واحفظهم على الجوال وارسلهم له
ولين يرد البيت بياكل هوا صج
ولا مسج من اللى برسلهم بنفذه
---
بتركم اشويه يا على بالى فكرة قصه حلووو بكتبها بمنتدى ثانى

بتكون اسم البطله اسيل وبحشر سعود غصب فيها
عن اذنكم

من ضيمـــه عشــقت الخيـــانه الزوجيــــــــــــه

للمتزوجين فقط

من ضيمـــه عشــقت الخيـــانه الزوجيــــــــــــه