لطلب اعلان في المنتدى ارسل رسالة على ايميل vb@cools4u.com واكتب رقم جوالك في رسالتك ليتم الاتصال بك

الآتصـال بنـا الـبـحث أضفنـا لمفـضلتـك
واجهة المنتدى لوحة تحكم العضو قائمة الأعضاء الإنتساب للمنتدى تسجيل الخروج من المنتدى
 
 

فيديو

أسعار الذهب

اغاني

شات

URL Shortener

الموسوعة

العاب

دردشة

اغاني

اغاني عراقيه
اغاني لبنانيه
اغاني مصريه
اغاني اماراتيه
اغاني كويتيه
اغاني سعوديه
اغاني اجنبيه
اغاني عربيه
اغاني يمنيه
قصائد و اشعار
دي جي راب
افلام و مسلسلات
جديد الالبومات الغنائية

شيرين احمد

مصطفى قمر

هيثم شاكر

دنيا سمير غانم

وائل جسار

لطيفة

سامو زين

محمد نور

فهد الكبيسي

مجيد الرمح

باسنت

كارمن سليمان

هدير

سوسكا

موس ماهر

اميرة عامر

 
 
العودة   منتديات على كيفك > عالم حواء > الطبخ
 
رد
نسخ الرابط
نسخ للمنتديات
 
 

الاكلات المصرية الشهــــــــيرة والجامدة

 
أدوات الموضوع أنماط العرض
  #1  
قديم 04-06-2008, 11:51 مساء
صورة عضوية elm07trf
elm07trf elm07trf غير متواجد حالياً
حسن عبدالله
 
تاريخ الانضمام: Aug 2007
محل السكن: الدنيــ أم ـــا
المشاركات: 6,976
Thumbs up الاكلات المصرية الشهــــــــيرة والجامدة


السلام عليكم و رحمه الله و بركاته
ان شاء الله أخواتى هبتدى النهارده معاكم ملف للأكلات المصريه الشهيرة ان شاء الله تعجبكم كتــــــــــــــــــــــــــــ ـــــييييييييييييييير
نبتدى مع بعض بالمسقعه اللذيذه
طاجن المسقعه باللحمه المفرومه
المقادير:
1 كيلو باذنجان مقشر و مقطع الى شرائح متوسطه السمك
ربع كيلو لحمه مفرومه مطبوخه( عصاج )
2 فلفل حارمقطع حلقات و منزوع منه البذر الداخلى
2 بصله متوسطه الحجم مبشوره
عصير طماطم حوالى 1/2 لتر او 1 /4 لتر
ملح و فلفل
زيت لتحمير الباذنجان و قليل من السمن للطبخ
الطريقه:
1 - نقلى الباذنجان ونتركه ليتصفى جيدا و بعد القلى نطفى النار و نضع الفلفل فى الزيت لمده دقيقه ونتركه ليتصفى
2 - فى حله عميقه شويه نضع السمن ونضع البصل و عليه شويه فلفل اسود ونقلبه حتى يبقى لونه بنى فنضع عليه عصير الطماطم و الملح و يقلب جيدا و تترك حتى تتقل شويه
3 -بعدها نضع اللحم المفروم ويترك قليلا
4 - نضع الباذنجان المقلى و الفلفل و تقلب جيدا و تترك حتى تتشرب الصلصه قليلا ثم نرفعها من على النار و ضعها فى طاجن ونضع عليها حلقات طماطم و توضع فى الفرن حتى تحمر وتقدم ساخنه
ملحوظه: عند التقديم يمكن عصر ليمون على المسقعه وذلك حسب الرغبه
و بالهنا و الشفا
============
كفته الحاتى

أقدم لكم أخواتى كفته بتطلع زى كفته الحاتى بالظبط جربوها و قولولى رأيكم
كفته الحاتى
المقادير:
1 كيلو لحم مفروم
3 بصله متوسطه
بقدونس مفرى
ملح و فلفل
شويه سمن
قطعه فحم كبيره
الطريقه :
نفرم البصل مع الملح و الفلفل و نضعه على اللحم المفروم و نضع عليهم البقدونس المفرى و تقلب جيدا
تشكل الى صوابه و نضعها فى صينيه مع مراعاه اننا ما نضعش اصابع فوق بعضها
طريقه التسويه :
1 - نضع الصينيه على نار متوسطه بعد أن نغطى الصينيه بالفويل أو الورق الألمونيوم ونتركها حتى تنضج مع مراعاه أن فى الأول الكفته بتنزل صوص فبتستوى بيه واذا خلص ممكن نضيف قليل من الماء . وفى أثناء السواء نضع قطعه الفحم على نار البوتاجاز حتى تشتعل جيدا و نضع السمن فى طاسه على النار حتى يقدح ولما تستوى الكفته بنشيل الفويل و نضع الفحمه المشتعله و نصب عليها السمن و نغطيها سريعا بالفويل مره أخرى و نتركها لمده 3 أو 4 دقائق ثم نشيل الفويل و الفحم و تقدم ساخنه
2 - نفس الطريقه السابقه لكن بدل أن نضع الصينيه على عين البوتاجاز نضعها فى الفرن و نكمل باقى الخطوات
بس أنا جربت الطريقتين لكن طريقه التسويه الأولى تعطى عندى نتائج أفضل بكثير
و بالهنا و الشفا
===============
الملوخيه

من الأكلات الشهيرة و اللذيذه جدا فى مصر هى الملوخيه و هى أكله سهله جدا.
الملوخيه
نجيب الملوخيه و ننضفها و نغسلها و نتركها تنشف ثم نخرطها بالمخرطه حتى تصبح ناعمه تماما .
نكون محضرين شوربه مثل شوربه الفراخ مثلا و نغليها ثم نضع عليها الملوخيه و هى تغلى و نقلبها بالشوكه علشان ما تكلكع وممكن بالمضرب اليدوى .
ثم فى طاسه نضع قليل من السمن ثم الثوم المفروم مع الكسبره الناشفه حتى يصفر الثوم ولا نتركه حتى يحمر لأنه هيعطى طعم مر.
ولما يصفر الثوم وتغلى الملوخيه نضع الثوم على الملوخيه وتقلب جيدا و تقدم ساخنه و بالهنا و الشفا
==================

صينيه الفراخ بالبطاطس والجزر والفلفل اللذيـــــــــــــــــــــــــ ــــــذةةةةةةةة

أحب النهاردة أقدملكم صينيه البطاطس بالفراخ وهى كتيــــــــــــــــررررر مغذية لأنها تحتوى على بروتين و نشويات و خضار ايضا.
صينيه البطاطس بالفراخ
المقادير:
1 فرخه متوسطه الحجم مغسوله جيدا و مقطعه الى 4 أو 5 قطع حسب الرغبه ( و يمكن استخدام الفراخ البانية أو المخليه )
2 بصله كبيرة مبشوره مع الملح و الفلفل
3 أو 4 حبات بطاطس مقطعة حلقات
2 فلفل رومى مقطعه صغير
2 جزرة مقعطه حلقات او انصاف حلقات
1/2 ليمونه كبيرة أو ليمونه صغيرة
الطريقه:
فى صينيه متوسطه نضع البصل المبشور و الفراخ و الفلفل و الجزر والبطاطس نعصر عليهم الليمونه ونقلبها جيدا
نضعها على النار حتى تنضج مع ملاحظه عدم وضع أى سمن أو زيت لأن الفراخ بها دهون كفايه . وفى الأول البصل طبعا مع باقى المكونات هينزل صوص نتركه لأنه هيساعد فى النضج واذا تشربت كل الصوص ولسه ما استوت ممكن نزود شويه ماء صغيرين .
بعد ما تستوى نضعها فى الفرن حتى تحمر
و بالهنا و الشفا
=============
خلطه المحشى الرهيـــــــــــــــــــــــــ ـــبة

أحب أقدملكم طريقه عمل خلطه المحشى الرهيبه و هى كتير كتير حلوة و تصلح لكل أنواع المحشى يعنى ممكن تحشى بيها ورق العنب و الباذنجان و الكوسه و الكرنب و الطماطم أيضا .
خلطه المحشى
المقادير :
1 كيلو أرز مصرى مغسول جيدا و يترك ليتصفى
2 بصله كبيرة مبشورة
1 و 1/2 لتر طماطم مضروبه فى الخلاط ضربا جيدا ولا تصفى
كميه مناسبه من الخضرة مقطعة صغير ( الخضرة هى الشبت و البقدونس و الكسبرة الخضراء )
حوالى نصف كوب زيت درة
1 بصله مبشوره مع الملح و الفلفل
ملح و فلفل و نعناع جاف ( ورقة أو ورقتين )
الطريقه :
فى حله كبيره نضع الزيت ثم البصلتين الكبيرتين المبشورتين و نضع عليهم فلفل أسود و تقلب حتى يصبح لونها بنى .
نضع عليها عصير الطماطم و الملح ونفرك النعناع عليها أيضا وتترك حتى تتسبك.
نضع عليها الخضرة و تقلب جيدا و تترك لمده 3 دقائق ثم نطفى عليها.
نضع الأرز و تقلب جيدا جدا .
آخر خطوة و دى مهمه جدا و تعطى نكهة رهيبه للخلطه وهى البصله المبشورة مع الملح و الفلفل نضعها على الخلطه السابقه و تقلب جبدا ثم نحشى بيها المحشى و بالهنا و الشفا.
اللى تجربها تقولى رأيها
الحمام المحشى
أحب النهاردة أقدملكم الحمام المحشى ودة من الأكلات الجميلة جدا بس ما أنصحكم بيها فى الصيف لكن فى الشتاء بتكون ممتازة وبتدفى جدا جدا
الحمام طريقتة سهلة جدا جدا وكمان سريعة وما بتآخد وقت
=============
الحمام المحشى
المقادير:
حمام وطبعا العدد حسب الرغبة لكن المهم انه يتنظف كويس ولازم تسيبوا الرقبة يعنى عند التنظيف نقطع الرأس فقط و نترك الرقبة
أرز مغسول ونتركه يتصفى
بصل مبشور مع ملح و فلفل و بهارات
قليل من السمن يعنى حوالى معلقة متوسطة
بصلة صغيرة للسلق
ماء للسلق
الطريقة :
نقلب الأرز مع البصل المبشور وعلية الملح و الفلفل و البهارات و قطعة السمن ثم نضعهم فى حلة و نضعهم على النار حتى يتغير لون الأرز و يصبح أصفر نطفى علية
بعدها نتركة شويه لمل يبرد و نجيب الحمام و نحشيه بالأرز مع مراعاة اننا ما نملاش الحمام للآخر يعنى نسيب شوية
بعد الحشو نقفل الحمام جيدا من تحت و من فوق ممكن بخلة أو بالكبدة بتاعة الحمام يعنى من فوق نقفلة بالرقبة و من تحت بالكبدة
بعدها نجيب اناء ونضع فى ماء و نتركة حتى يغلى ثم نضع فيه الحمام و نضع شوية فلفل و البصله الصغيرة نضعها كما هى بس طبعا بعد تقشيرها و غسلها
و نسيب الحمام يستوى بعد ما يستوى ننقله فى صينية و نضع علية زبد وممكن الاستغناء عنها و نضعة شوية فى الفرن ليحمر و بالهنا و الشفا
ملحوظو هاااااااامة : يمكن استبدال الأرز بالفريك مع مراعاة نقع الفريك لمدة نصف ساعة قبل الاستخدام ثم نتبع نفس الخطوات السابقة

المكرونة بالبشاميل
المكرونة بالبشاميل من الأكلات الجميلة اللى بتنفع جدا فى العزومات وهى سهلة بس بتعمل مواعين كتير شوية
===============
المكرونة بالبشاميل

المقادير :
كيس مكرونة اقلام
لتر لبن
نص كيلو لحم مفروم متعصج
حوالى كوب او كوب و نصف شوربة و يفضل شوربة الدجاج
2 بيضه كبيرة او 3 صغيرة
2 ملعقه دقيق
ملح و فلفل
ملعقة زبد
الطريقة :
تسلق المكرونة بالطريقة العادية و تصفى
نحضر اللحم المفروم بالطريقة المعتادة
طريقه البشاميل :
فى حله نضع الزبد ونتركها حتى تسيح
نضع الدقيق و نقلبة سريعا حتى يصفر لونة
ثم نضع علية اللبن ويقلب سريعا حتى لا تتكون كور ونضع عليهم الشوربة ونتركة يغلى لكن مع مراعاة التقليب المستمر وبعد ما يغلى نطفى علية ونتركة يبرد
لما يبرد نضع علية البيض و الفلفل ونقلبة جيدا
ثم نخلط المكرونة مع البشاميل و يقلب جيدا
فى صينيه كبيرة نضع نصف مقدار المكرونة المضاف اليه البشاميل ثم نضع اللحم المفروم ونفرده جيدا بحيث يغطى سطح المكرونة كلهاثم نضع باقى مقدار المكرونة
وبعدها نجيب بيضه و نضع عليها فلفل و نضربها جيدا و نضعها على وش الصينية ونسخن الفرن جيدا ثم نضع الصينية مع مراعاة تهدئه النار حتى تستوى ويمكن وضع فويل على الصينية حتى تستوى ثم نشيله ونتركها تحمر
وبالهنا و الشفا
============
الفطير المشلتت

الفطير المشلتت أكله جميله و سهله
الفطير المشلتت
المقادير :
كيلو دقيق
نصف كيلو سمن سايح
ماء دافىء للعجن
ملعقة ملح صغيرة
زيت درة لفرد العجين
الطريقة :
نعجن الدقيق بالماء والملح حتي تتكون لدينا عجينه تنفصل عن إناء العجن و طريه لتكون سهلة الفرد بالنشابه و نتركها ساعه لترتاح ..
نعجن العجينه مرة أخري ونقسمها لعشرين قطعه على هيئة قطع مستديره وندهنها بزيت الذره ونضعها في صينيه بها زيت ونتركها ساعه ليسهل فردها ..
وقت تجهيز الفطيره ندهن الطاوله بالزيت ونفرد قطعه من العجين لدرجه رقيقه و شفافه جداونمطها من الحواف ونضعها في صينية الخبز ونرشها بالسمن ونفرد قطعه أخري ونضعها فوق الأولي وندهنها أيضا بالسمن وهكذا حتي عشر قطع للفطيره الواحده وكل مره نرش السمن.. ثم نطوي الأركان الأربعه للفطيره للداخل . فتشكل مربع نلفه كالسويسرول ونتركه حتي نعمل الفطيره الثانيه بنفس الطريقه..
في صينية الخبز نفرد الفطيره باليد ونبططها بشكل مستدير
نخبز في فرن ساخن علي درجة400في الرف الأوسط حوالي نصف ساعةالمهم الفرن يكون ساخن يعنى كل واحدة حسب الفرن بتاعها ثم نخرجهاوندهن الوجه بالكريمه اللباني (القشده ) ونعيدها لتحمير الوجه وممكن الاستغناء عن القشطة
تؤكل مع الجبنه وعسل النحل والقشده والبيض المسلوق
وبالهنا والشفا

==================
الكشرى العجيب

السلام عليكم و رحمه الله و بركاته
اخواتى الكريمات احب النهارده اقدم لكم طريقه عمل الكشرى و انا على طووووول بعمله كده و بيطلع رهييييييييببببببببب
الكشرى المصرى
المقادير :
كيس مكرونة صغيرة
100 جرام مكرونة أسباجتى
3/4 كيلو عدس بنى مغسول جيدا و مصفى
2 كوب أرز مصرى مغسول جيدا و مصفى
بصل مقطع شرايح رفيعه
عصير طماطم
ثوم مفروم مع ملح و كمون
ملعقتين زيت درة
زيت لتحمير البصل
ملح و كمون و خل و عصير ليمون
2 مكعب مرقه دجاج
الطريقه :
1 - العدس
فى إناء عميق نسخن حوالى لتر ماء
لما يسخن نضع عليه العدس و مكعب مرقه الدجاج ونتركه حتى يقرب من النضج نضع عليه الملح و الخل و نتركه حتى ينضج
نصفيه دون غسل بالماء و نضع عليه الكمون و نقلبه جيدا
ملحوظه : إذا نقص الماء ولم ينضج العدس ممكن تزويد قليل من الماء حتى ينضج
2 - المكرونه
فى إناء عميق نسلق المكرونة الصغيرة مع الأسباجتى بالطريقه العاديه و نتركها لتتصفى بعد غسيلها بالماء
3 - الأرز
فى إناء نضع 2 كوب ماء مع ملعقتين الزيت و ملح و خل و مكعب مرقه الدجاج نتركهم حتى يغلى الماء
بعد أن يغلى الماء نضع الأرز ونغطيه و نتركه حتى يغلى ثم نخفض الشعله و نضع تحته الشياطه حتى لا يلتصق الأرز
بعد أن ينضج الأرز نرفعه من على النار و نرفع الغطاء حتى يبرد قليلا ثم نغطيه مرة اخرى حتى التقديم
4 - الصلصة
فى إناء عميق نضع عصير الطماطم مع الثوم المفروم مع الملح و الكمون و الخل و ملعقه زيت درة و عصير الليمون ونتركها حتى تنضج أى تكون سميكه أو ثقيله شويه
محبى الكشرى بالشطه ممكن يأخذوا من نفس الصلصه السابقه و يضعوا عليها شطه و يتركوها قليلا على النار
5 - التقليه
فى طاسه نسخن زيت التحمير و نحمر فيه البصل الحلقات الى ان يصبح بنى نصفيه جيدا من الزيت حتى يكون مقرمش
6 - الخلطه السحريه < إختيارى >
الخلطه دى أنا بعملها و أحط منها قليل على كل طبق بتدى طعم جناااااااان
فى سلطانيه نضع طماطم مقطعه مكعبات مع ثوم مفروم مع ملح و كمون مع عصير ليمونتين مع ملعقه من الصلصه السابقه وتترك قليلا قبل الاستخدام
فى النهايه نقلب الأرز مع العدس مع المكرونة و يقدم فى طبق عميق عليه الصلصه و الشطه و حلقات البصل و طبعا لا تنسوا الخلطه السحريه
و بالهنا و الشفا
واتمنى لكم كل الخير

المحتــــــــــــــــــــرف



رد باقتباس
من مواضيع elm07trf في المنتدى

  #2  
قديم 04-07-2008, 12:21 صباحاً
اوزة العراق اوزة العراق غير متواجد حالياً
 
تاريخ الانضمام: Jul 2007
محل السكن: العــــــــرااق
المشاركات: 2,117
ico4

المحـــــــــــــــــــــــترف
مساء الخيرات والعافيه
مشكور على الاكلات الي شاركت فيها
وانا كنت حابه اسأل عن الفطير المشلتت
بصراحه لما اشوفه في المسلسلات يعجبني
اعرف كيف يكون طعمه من دون كل الاكلات حجرب
اعمله بس ياربي انجح
بس اعتقد انه نفس الكاهي عندنا ......
لان طريقة عمله تقريبآ نفسها ...
شكري وتحياتي ومروري تقبل

اختكم
العراقيه أوزه
__________________

آخر تحرير بواسطة اوزة العراق : 04-07-2008 الساعة 12:24 صباحاً.
رد باقتباس
من مواضيع اوزة العراق في المنتدى

  #3  
قديم 04-07-2008, 01:42 صباحاً
صورة عضوية elm07trf
elm07trf elm07trf غير متواجد حالياً
حسن عبدالله
 
تاريخ الانضمام: Aug 2007
محل السكن: الدنيــ أم ـــا
المشاركات: 6,976
ico4

اوزة العراق
مشكورة على مرورك الكريم
هو بس الفطير المشلتت هو اللى انتى هاتجربيه بس
ومالها المسقعة هههههههههههه
انا بهزر
ان شاء الله ها تنجحى فى عمايل الفطير طريقته سهلة جدا بس بتاخد وقت شوية
وبألف هنا وشفة
لكى منى خالص التحية والتقدير

المحتــــــــــــــــــرف
رد باقتباس
من مواضيع elm07trf في المنتدى

  #4  
قديم 04-07-2008, 10:17 مساء
هدهده بنت مصر هدهده بنت مصر غير متواجد حالياً
«©» عضو رائع «©»
 
تاريخ الانضمام: Jul 2007
محل السكن: ........فى حضن مصر........
المشاركات: 2,353
Ico35 تماااااااااااااام

شكرا يا محترف على الوصفات الرائعة
الطرق شوى مختلفة
يعنى فيها سهولة ونظام عن الطرق الموروثة التقليدية
وان شاء الله أقول لك على النتائج
خير ان شاء الله
تحياااااااااااااااتى
اختك
هدهده
__________________
اللهم صلى على سيدنا محمد وعلى اله وصحبه وسلم
اللهم إنك أعطيتنا الإسلام من غير أن نسألك فلا تحرمنا الجنة ونحن نسألك.
نفسك إن لم تشغلها بالحق ، شغتلك بالباطل
مشكورين اخوتى كل من مر وعلق بمتصفحى
رد باقتباس
من مواضيع هدهده بنت مصر في المنتدى

  #5  
قديم 04-09-2008, 01:50 صباحاً
صورة عضوية elm07trf
elm07trf elm07trf غير متواجد حالياً
حسن عبدالله
 
تاريخ الانضمام: Aug 2007
محل السكن: الدنيــ أم ـــا
المشاركات: 6,976
ico4

هدهده
مشكورة لمرورك الجميل
هى طبعا اسهل الطرق دى مع انى ماهر فى حرق الاكل
واعمل احلى حلة رز بس المهم انه يكون شايط ههههههههههه
لكى منى احلى تحية

المحترف
رد باقتباس
من مواضيع elm07trf في المنتدى

  #6  
قديم 04-09-2008, 08:44 مساء
اميرة الزهور اميرة الزهور غير متواجد حالياً
«©» عضو رائع جدا «©»
 
تاريخ الانضمام: Sep 2007
المشاركات: 3,141
Ico24

اهلا بابن بلدي

انا عن نفسي بعرف اعمل كل دة ماعدا الفطير

والملوخية بعملها بطريقة مختلفة شوي

ميرسي بس بجد موضوع تحفة موووووووووت

دمت في حفظ الله
__________________
لا اله الا الله اخلو بها وحدي لا إله الا الله يغفر بها ذنبي لا اله الا الله يعلو بها امري لا اله الا الله اشدد بها ازري لا اله الا الله افني بها عمري لا اله الا الله ادخل بها قبري لا اله الا الله القي بها ربي
رد باقتباس
من مواضيع اميرة الزهور في المنتدى

  #7  
قديم 04-11-2008, 01:16 صباحاً
صورة عضوية elm07trf
elm07trf elm07trf غير متواجد حالياً
حسن عبدالله
 
تاريخ الانضمام: Aug 2007
محل السكن: الدنيــ أم ـــا
المشاركات: 6,976
ico4

اميرة القلوب
اهلا بيكى بنت بلدى فى مطبخ المحترف
للاكلات الشهية
بس ليه الكل مابيعرفش يعمل الفطير المشلتت
مع انه من اسهل الاكلات هو اى نعم بياخد وقت ومجهود بس سهل جدا فى عمايله

مشكورة ليكى على مرورك الجميل
لكى منى خالص التحية وانقاها

المحتــــــــــــــــــرف
رد باقتباس
من مواضيع elm07trf في المنتدى

  #8  
قديم 04-12-2008, 08:21 صباحاً
صورة عضوية دلوعة امها
دلوعة امها دلوعة امها غير متواجد حالياً
 
تاريخ الانضمام: Feb 2007
محل السكن: في أحلى منتــدى
المشاركات: 10,463
افتراضي

يعطيك ربي ألف عافيه ويسلمووووووووو الايادي
يااحلى شيف محترف
وصفات رائعه مشكووووور

تحيتي
أختك...دلووووو..
__________________
im back

رد باقتباس
من مواضيع دلوعة امها في المنتدى

  #9  
قديم 04-13-2008, 10:41 مساء
صورة عضوية elm07trf
elm07trf elm07trf غير متواجد حالياً
حسن عبدالله
 
تاريخ الانضمام: Aug 2007
محل السكن: الدنيــ أم ـــا
المشاركات: 6,976
ico4

دلوعة امها
اهلا بيكى فى مطبخ المحترف اتمنى ان ينال اعجابك
لكى منى خالص التحية وانقاها


المحتـــــــرف
رد باقتباس
من مواضيع elm07trf في المنتدى

  #10  
قديم 04-18-2008, 10:25 صباحاً
صورة عضوية لمى بنت فلسطين
لمى بنت فلسطين لمى بنت فلسطين متواجد حالياً
 
تاريخ الانضمام: Jan 2008
المشاركات: 12,138
افتراضي


اشكرك على الاكلات اللذيذه .....

تحياتي
رد باقتباس
من مواضيع لمى بنت فلسطين في المنتدى

 
رد


[   لجميع الأعضاء والزوار ... اضغط هنا لمزيد من التفاصيل ]
أدوات الموضوع
أنماط العرض

إخفاء/عرض قواعد المشاركة
لا تستطيع كتابة مواضيع جديدة و لا تستطيع كتابة ردود جديدة
لا تستطيع إرفاق مرفقات في مشاركاتك
لا تستطيع تحرير مشاركاتك
رموز لغة HTML لا تعمل
الانتقال إلى


( Powered by vBulletin )

المواضيع والمشاركات المنشورة لا تعبر بالضرورة عن رأي إدارة المنتدى وبذلك لا نتحمل أية مسؤولية عن المواضيع والمشاركات التي يتم عرضها أو نشرها في المنتدى من قبل الأعضاء ويتحمل صاحب الموضوع كامل المسؤولية عن أي مشاركة تخالف القوانين أو تنتهك حقوق الآخرين أو أي طرف آخر
اضغط هنا للتبليغ عن موضوع مخالف

 
لوحة الإدارة لوحة المشرفين ارشـيف المنتدى بداية الصفحة